أنا تزوجت وعمري 15سنه وعشت أيام المراهقه مع زوجي صحيح أول سنه كانت كثير صعبه علي بس بفضل الله ثم زوجي اللي ماقصر في تعليمي عن أمور الحياة الزوجيه من الألف الى الياء تغلبت على كثير من المتاعب والصعوبات اللي واجهتني والاهم من هذا كله صبره وحلمه علي وهو شجعني على الدراسه بس ما قدرت اكمل الثانويه لاني اكره شي عندي الدراسه مع اني كنت شاطره ومستواي زين بس اللي عندها رغبه في الدراسه من جد في رايي الزواج ما راح يعيقها عن دراستها اذا كان زوجها راضي لها .

اختي اذا كان المتقدم شخص جيد فلا تفوت الفرصة ....

الله يوفقها

*DeMa*وانا مع الاخت

انا تزوجت وانا صغيرة بعد وعمري 15 وشويه وكان تفكيري طفولييي بس احس الاحسن الوةحدة تتزوج في عمر عشرين لكن لو الشخص ميز لاتفوته ولو كانت صغيرة

اختي اذا كان المتقدم شخص جيد فلا تفوت الفرصة ....

الله يوفقها

انا تزوجت سنة اولى جامعة وحملت على طول وكملت دراستي وبالعكس زوجي الحمدلله كان يشجعني ومستواي صار أحسن من أول كورس وقمت اجيب تقادير في المقررات والحمدلله تخرجت ..


أهم شي تكمل الثانوية ويكون زوجها من النوع اللي يشجعها لأن اخت زوجي كملت الثانوية وتزوجت على طول وحملت جابت اثنين وهي في الجامعة وللحين باقي لها سنوات لما تتخرج وكل يوم تقول ابغي اطلع من الجامعة لأن زوجها ما يشجعها ..

فأهم شي أنها تكمل عالأقل الثانوية ..والله يوفقها انشالله