الزواج ما يأثر على الدراسة اذا كان الزوج يشجع واذا كانت البنت بينها وبين نفسها ناوية تشد حيلها بدراستها
وشكرا

أنا تزوجت في ثاني ثانوي وحملت على طول وماكملت 8 شهور الا وانا معي ولد لانه ماكمل ونجحت الحمدلله وثالث ثانوي حملت ببنتي وخلفتها وماكمل ولدي سنه //// وحده ماعندها وقت :23: ////
برضه نجحت بس ماكملت
ولاني ندمانه لانه بصراحه متى الواحده منا تحس بالندم إذا كان زوجها مايستاهل ومنكد عليها عيشتها

والله الوحده تكون بين نارين انا كنت كذا لانه الزوج الصالح مايتعوض بس انا تزوجت بعد السنه الاولى في الجامعه وما كملت لانه سافرت مع زوجي بس بصراحه انا بعض الاحيان اندم لنا اشوف صديقاتي مرتاحات لاهم البيت ولا مسؤوليه بس اقول لو مااتزوجت امكن كان بعدين اتزوج رجال يوريني الويل لانه اعرف وحده كانت بس ترفض بحكم تبغى تكمل الدراسه وبعدين تزوجت بواحد خلاها تشوف النجوم بعز الظهرمع انه قبل تقدملها رجال ما يعيبهم شئ كل شئ قسمه ونصيب

أنا انخطبت أولى ثانوي و كانت الملكة ثانية ثانوي بس أخوي طلب سنة حتى أكمل ثالث ثانوي و بعد الثانوي اتزوجت
و مستواي الحمد للله كان أكثر من رائع كنت الأولى على دفعتي و نسبتي عالية لكن قررت إني ما أكمل بعد الزواج
مو لعدم رغبتي فيها لا و الله لكن عشان زوجي و بيتي و أنا عارفه الوحدة ما لها غير بيتها و فكرت كثير قبل لا أقدم
على هالشيء لقيت ما أحد راح يفيدني غير بيتي و زوجي خاصة إن زوجي ضحى بأشياء كثيرة حتى يتزوجني
و الدراسة في نظري شيء بسيط عند اللي سواه و الحمد لله ما ندمت و لا شيء بالعكس اسشتفدت كثير دخلت مدارس
التحفيظ و تفرغت للقراءة و كنت أساعد زوجي في بحوث التخرج و مبسوطة كثير و لا في قلبي ذرة ندم .
و بالنسبة لأختك إذا كان الخاطب اللي متقدم لها كويس لا ترفضه بس أهم شيء على الأقل تكمل الثانوية حتى لو بعد زواجها لإنها لو ما أخذت شهادة الثانوي كل سنينها اللي راحت ما كأنها درست شيء لإن أهم شيء للتقديم في الجامعه أو الدورات المختلفة الشهادة الثانوية

انا تزوجت وعمري 19 وكنت رايحه ثانيه جامعه وكملت دراستي ويوم تخرجت كان عندي بنت وحامل بالثاني ..
وطبعا زوجي ساعدني كثير وضحى كثير عشان اكمل دراستي ..
وعن الندم ...ابدا ماندمت ..بل بالعكس سعيده جدا بتجربتي ...
لكن احيانا اجلس اتذكر المواقف اللي صارت في بداية زواجي واقول في نفسي لوكنت اكبر شوي كان سويت كذا
وتصرفت كذا.. لان دلعي الزايد كان ورا كثير من المواقف المحرجه ...
بس ابشركم عرف يربيني عدل ..