اختي ورده الخبر
مشكوره والله يطول عمرك على المشاركه معاي
حسيت ان الواحد ما يستفيد الا منكم الله يبارك فيكم
هو انتي وين بالضبط في بريطانيا ؟
اذا كنت في بريطانيا ارجعي للوراء واقرئي الاشئله الباقيه وردي عليها بعد الله يخليكي(شحات ويتشرط)!!!!!!!!

هلا اختي..معليش طولت عليك بس بصراحة لي يومين مادخلت النت..فاعذريني..

بالنسبة لمدينتك..بصراحة مااعرف عنها شئ..اصبري علي احاول اسال عنها لعل وعسى..وارد لك

بالنسبة للاماكن بالبرد ..شوفي عزيزتي...هم ماعندهم زينا ملاهي مغلقه ومطاعم فيها العاب...حنا ان طلعنا يانروح نزور احد اونروح للسوق..بس..عشان كذا طفششش والليل طويييييل..

بالنسبة لمحلات للهدايا وملابس اطفال..انا زيك ماني عافة شئ رخيص...بس مافيه شي مميز عن السعوديه لأن الماركات انتشرت..؟؟ بس وشي ذالاسواق اللي تقولين عنها..؟؟اول مرة اسمع فيها..؟؟

** بالنسبة للمدينه اسالي زوجك كم تبعد عن لندن..؟؟ وش اقرب مدينه كبيرة لها ..لعلي اقدر اساعدك..

** بالنسبة للعباية انا جبت كايات ملونة وعباية سوداء والعباية البسها اكثر لأن كثيير يلبسوها الحمدلله فماهي مستغربه...وفيه محلات يبيعون كابات..بس جيبي معاك ثنين كفايه..

** بالنسبة للملابس..زي ماقلتلك البجامات الداخليه البيضاء..الهيلاهوبات لأنه هنا فيه بس مافيه الوان كثيرة..شبصات لبناتك..لأن عندنا في السعوديه بالكووم حتى عند ابو ريالين..هنا لأ..اشكال محدودة والوان معينه
هذااللي اذكرة بالنسبة للملابس

بالنسبة للأغراض...بالعكس انا اايد اللي تجيب معاها اغلب عفشها عشان هنا فيه قدور ومواعين بس غاليه
شوفي انت جيبي الشي الضروري طبعا...
عدة الشاهي والقهوة "بيالات وفناجيل وصياني وبرقان وترامس"وقهوة وهيل وزعفران
حوافظ..او حافظات..ممكن تجيبي وحدة او طقم...هنا فيه بس ماهي بجودة اللي عندنا

مدري ..صراحة اللحين بنتي تصيح ..فمومركزة...معليييش

انا تندمت اني ماجبت ..كاسات القهوة البلاستيك الصغيرة...عرفتيها..صراحة مرة زينه إذا طلعتي لحديقة او جمعه بمكان عام عشان ماتضيع فناجيلك وتتكسر عليك...هذي احسن

الزعتر....هنا عندهم مومرة...ويجي قليل...حنا عندنا احسن....هذا اذا انتم تحبونه...؟؟

عجين السمبوسة...هنا فيه سويتز...وهي تشرب زيت..اما عجين السمبوسه حق غوار كان تعرفينه..امممممم

إذا تحبون جبن سايل كرافت ماهو موجود...فيه بس بوك

سفر او سماطات الورق..لأن هنا مافيه

طبعا تمر وان كان فيه بس "؟؟"وجريش إذا تحبونه

جيبي اشرطة لعيالك فيديو وكاسيت عشان تونسهم..وإذا جيتوا ممكن تركبون ستلايت عشان القنوات العربيه

حنا للشعر

وش بعـــــــــد..امممممم:confused: احاول اتذكر...لاأله إلاالله..إذا عيالك يحبون انواع معينه من البسكويت والبطاطس جيبيها معاك..

إذا يشربون حليب عادي مومشكله لكن لويشربوا حليب الشكولاته والفانيلا زي حقات المراعي والصافي ممكن تجيبين لهم

بس حبيت اطمنك ان بريطانيا افضل من غيرها تلقين اللحم الحلال والقشطة والجبن والكريمة ...الحمدلله

على العموم...معليش اوجعتني عيوني:cool: من الشاشة....شوفي الرد....واي شئ يجي ببالك لاترددين وانا ختك

انا قبلك كنت اسأل....الله لايحرمنا الاجر...بارك الله فيك

أختك :غــــدو:24: :26: :24:

صح نسيت..سألتيني انا من وين...ان من ..الرياض....الله يحفظها من كل مكروة ...ويخلي لنا اهلنا ..يارب

لايرد إلا الكيبورد ..يارووز

أختي غدو مشكوره والله يخليلك بنوتك هالاموره الحلوه
ما قصرتي تسلم يمناكي على هالرد المريح الله يريحك من كل صعب
قلتي بلادهم كآبه بالليل أجل وش تسوين بطوله اقصد قلت كآبه بالشتاء الله يكون في عون عيالي اللي راح يجون هنا ولاول مره وبالشتاء
ما قد راحوا ولا طلعوا سفر على مكان من قبل وهم هنا في البلاد ويتمللون قاعده افكر فيهم الليل مع النهارماني عارفه كيف اتصرف معاهم انا عادني ما سافرت وقاعده افكر الله يكون بالعون قلت اجيب عبايه كيف يعني؟
انا افكر اجيب عباية كتف اسلاميه مصكره ونقاب طويل عادي يعني شو رايك والا عباية الراس استر انا افكر في العملي اكثر
وعندي لك سؤال جديد
قالوا الكهرباء غاليه هنا والماء نفس الشي وان الفاتوره علينا والحين قاعده شايله هم الاقتصاد خصوصا ان البلاد غاليه
علميني كيف اقدر اقتصد في كل شي في الكهرباء وفي الماء وفي الاكل........اذا سمحتي؟

نسيت شي
انت سألتيني عن فلثام كم تبعد عن لندن تقريبا من ثلث الى نصف ساعه
غدو ابسألك
وشي اهي عجينة غوار ووين الاقيها في بريطانيا؟