هلا روز..بالنسبة لليل طوييل يعني المغرب من الساعة 4 والفجر الساعة6،5 فالليل طوييل فعيالك بيروحون للمدرسة من 8تقريبا لين 3 وقت طوييل يجون ويتغدون ويشوفون كرتون ويلعبون شويه ماتجي 8إلا هم دايييخين من التعب
فلاتشيلين هم....الله يسهلها بس

استغلي الوقت بتعليمهم قراءة القرآن...بتحتاجين تدرسين ولدك قراءة دامه 7سنين...الله يعين..هونيها

بالنسبة للعباية...جيبي عباية كتف تكون واسعو وطرحة عريضة ساترة لأنها اري في الحركة اما حنا في برمنجهام ماشاءالله فيه عبايات على الراس وغطوة مونقاب...ومتنقبات ويسوقون ..الله يثبتهم

بلنسبة للاقتصاد...شوفي اصلا انسي انك اذا جيتي تتقضين بتشتريين بالكراتين زي السعوديه..هنا كل شي بالحبة لأن الثلاجة عادة تكون صغيرة ماتشيل فاعرفي انك بتصيرين تقريبا كل اسبوع تتقضين
بالنسبة للكهرباء والماء....اساسا ربي امرنا اننا نقتصد ولانبذر سواء في ديرتنا ولاغيرها

بالنسبة لعجينة غوار...هذي رقاق السنبوسة...وماهي موجودة هنا


نصيحة لك اختي ...اكتبي الاغراض اللي بتاخذينها معاك بورقة وكل ماتذكرت اكتبي...عشان ماتنسين إذا جاء تجهيز العفش...


الا قوليلي..انت من وين...؟؟


عزيزتي...لاتحرميني من دعوة في ظهر الغيب :26:

اختي غدو بارك الله فيك ان شاء الله
احس اني مو محتاجه اكتب اغراضي اللي لازم اشيلها لأنك ما قصرتي معاي وساعدتيني في تذكر كل شي
عمري ما راح انسالك هذا الشي ولو اني ما اعرفك شخصيا لكن قلبي حاسس انك بنت حلال واصلا اهل السعودية معروفين بهذي الصفات سواء داخل بلادهم والا خارجها الله يبارك فيك ويطرحلك البركة
يا عزيزتي انا لما بديت اكتب كل مره اقول اني من السعودية لكن انت ما راح الف وادور معاكي انا من دولة الامارات من ابوظبي
ان شاء الله بس ما زعلت لاني قلت لك الحقيقة وانا مش من النوع اللي اثق بالكمبيوتر واجد
ولو تلاحظي ان طريقة كتابتي كأني من السعوديه
وبعدين انا كثير خايفه من الانترنت اخاف واحد يساوي نفسه مره ويكتب وانا مادري علشان كذا لا تاخذي راحتك مع اي احد
يالله الله يخليكي ويخليلك بنتك يا رب
الا غدو ما زلت طمعانه في مساعدتك الكبيره لي بس مستحيه
تقدرين بعد اذنك بحكم انك في بريطانيا واكيد تعرفين شنو تحتاجين لانك عشت الموقف هناك وعشت الندم على نسيانك لبعض الاغراض اللي ما جبتيها معك
ممكن اذا سمحت وبدون كلافه تكتبين لي هذي الاشياء وانان اطبعها وخلاص تكون هي مرجعي الاول والاخير
لا تزعلين مني اخاف كلفت عليك بس صدقين احس انك اختي واعرفك من زمان مو وحده اكتب لها في النت وبس
والسموحه مره ثانيه

عزيزتي rose@rose

هلا لمنطقة الثي ستسكنن فيها) Fulham( اذا كانت هدة المنطقة فهى منطقة يوجد بها عرب وتوجد بها محلات عربية حثي كاسات االشاهى والقهوة العربية موجودة وشكرا:26:

السلام عليكم ورحمة الله
كيف حالك اختي رورو انا زيك حسيت بنفس الشئ اول ما جيت لندن بالنسبه لفلتام ما اعرف عنها شئ لكن باسألك لاني انا برضي جديده هنا في بريطانيا ما ليا الا 5 شهور واول ما اتزوجت على طول جيت على البلد دي بس الحمد لله على كل حال..اقولك لا تشيلي هم يا عمري ربك ما يبلي الا يدبر انا اول ما جيت كلو وقتي بكا وصياح وكل يوم اكلم اهلي بس شوفيني دحين عال العال واتعودت ع البلد والبرد وكل شئ وكنت امشي بحجابي وانا مكسوفه _للاسف_دحين امشي في الشارع وانا راسي مرفوعه عالي ..لا اطول عليكي بريطانيا بلد ماتخوف كل شئ فيها موجود زوجي مسكين راح اشترى كل الاكل من السعوديه قبل ما يجي ولقينا كل شئ موجود وفي بقالات عربيه فيها كل ما تتمنينه اذا تحبي الجريش في جريش هنا بس الحريم اللي اعرفهم يقولو انه مو تمام زي حق السعوديه وكمان اذا تبغي تجيبي معاكي بهاراتك ممكن بس حاولي تحطيها في كيسين وتربطيها تمام وبعد كده حطيها في علبه نيدو او كويكر واربطيها تاني في كيس عشان ريحتها لا تعدم الملابس.. بس غير دي الاشياء لا تجيبي ولا شئ ..اما الصحون والكاسات وغيره فلا تكتري لانو كل شئ هنا موجود وفي المحلات الرخيصه وفي المحلات الغاليه ..
اما بالنسبه لاطفالك فانا للاسف ما عندي خبره في دا الموضوع لاني ما عندي اطفال بس انا اشوف الحريم اللي هنا وعندهم اطفال ماشيين في دراستهم تمام خاصه انو اولادك لساعهم صغار يعني ما هم متوسط او ثانوي ويدرسو رياضيات او كيمياء بالانجليزي صدقيني راح يستمتعو بالدراسه هنا..
اذا زوجي مبسوط في الدراسه كيف عاد اولادك ما راح ينبسطو..
اما على شغل البيت فهذي هي مصيبتي لاني انا اسوأ ربة منزل في العالم;) بس فالحه كل يوم اجرب في زوجي اكله جديده من كتب الطبخ اللي معايا اما عن شغل البيت فانا مررررررررره كسوله بس ادعيلي الله يعينني لاني بصراحه ما تعودت في بيت اهلي ع الشغل الكتير..بس اطمنك انو في بعض البيوت فيها غسالة صحون لللاسف انا بيتي ما فيه غسالة صحون..يعني ما انلام صح؟:33: :33:
المهم لا تشيلي هم وربك يعين بس صدقيني راح تمضي السنه في غمضه عين وراح تقربك من زوجك اكتر وترجعي بذكريات حلوه ونفس جديده واهم شئ اوقفي مع زوجك وهيئ له الجو المناسب لدراسته وما راح ينساله هيا ...
وعلى فكره زي ما قالك الاخت غدو الحبوبه سجلي في ال GB ولمن تجي هم راح يقولولكم عليه..اما عن العبايات فانا شاريتها من السعوديه ماشفتها هنا لكن لمن جيت وشفت الدنيا برد اشتريت بالطو طويل وحق البرد واحد اسود وواحد كحلي ..
اما الاسواق فهنا الاسواق مرررررره حلو والملابس والماركات فتاكه وكل شئ تلقيه اذا جيتي لندن تلقي كل الماركات في اكسفورد و في وقت التخفيضات اسعارها تنزل اما اذا بدك اشياء رخيصه من شبر بوش او من الاسواق في الضواحي خارج لندن اسمع الحريم يقولو عنها بس احنا للان ما رحناها ..
اما عن اماكن التسليه فممكن تاخذي اطفالك وتروحو على المول فيه المولات وفيها العاب وكمان في حدايق وفيها العاب للاطفال وتكون مغلقه ومدفئه وفي حديقه الحيوانات خلابه وفيها حديقه للفراشات انت راح تتجنني عليها مو اطفالك بس اما اسوأ شئ في هذي البلد انو كل الاسواق تقفل عند الساعه6 او 7 بالكتير والحياه تنعدم في الشوارع على الساعه 10 او 11 بالكتيييييييييييييييييير طبعا عكس السعوديه اللي الناس صاحيين فيها ليل نهار والشباب دايرين في الشوارع بسياراتهم لاخر الليل:arb: والله وحشتني السعوديه
شكلي طولت عليكي بس عشان انا حاسه بيكي وانك رايحه بلد غريب ومنتي متخيله الحياه هناك كيف راح تكون .. بس انت لا تصعبيها والله معاكي..
دعواتي لك بالتوفيق في جميع خطوات حياتك وان يعينك الله ويحفظ عليكي دينك ونفسك زوجك واولادك..
اختك في الله خوخه ..لاتنسيني من دعوه صالحه بظهر الغيب

اه نسيت اقولك شئ يا حياتي انا توني افتكرت انك جايه سنه وحده بس ايش رأيك تجيبي معاكي اغراض مطبخك اللي موجوده عندك الحين انا قلتلك دخلت بيتي هنا عروسه والله يستر عليه زوجي جهز المطبخ من .. الى.. ما خلى شئ مع انو كل شئ متوفر همنا بس عشان لا تحتاسي اما الاكل فلا تجيبي شئ زي ما وصيتك بس اذا حابه بهار وجريش ورز اما غير كده فما يحتاج..واذا بدك اشياءك الخاصه واشياء اطفالك لاتنسي قطاطه الاظافر لاني انا نسيتها ..ابوات الله يكرمك وجزم رياضيه واذا جيتي اشتري من هنا جونتي عشانها هنا عندهم ممتازه وتدفي اليد اه افتكرت كمان سفر من اللي تنحط على طاوله الطعام هنا عندهم صيدليه اسمها BOOTS مرررررررررره حلوه وفيها كل شئ تحتاجيه ومره كبيره كانها سوبر ماركت انا زوجي يحطني فيها وانسى نفسي وعلى فكره تنفع تكون هدايا حلوه للاهل انا اشتري لاخواتي من هنا بخاخ يرشوه قبل السشوار يحمي الشعر من الحراره وفي زيه كريم..خذي اشرطه محاضرات ما سمعتيها تسليكي هنا وخذي معاكي كتب ادعيه ومصحف مرتل ومسجلك..ةاهم اهم شئ اول يوم لك في البيت شغلي سوره البقره عشان عارفه هنا بيرتهم كانها قبور على قولك ما ذاقت حلاوه كتاب الله انا في الفتره الاولى كل يوم اشغل سوره البقره و الحمد لله بيتي شرح ومريح بفضل القران ..
اذا افتكرت شئ كتبتلك تاني ..لا تنسينا من دعوه صالحه بظهر الغيب..اختك خوخه