بنات انا لي 3 سنوات موظفه وما جمعت شي


بنات يقلون في طريقه عالميه وناجحه
70% مصاريف0

و20% ادخار

و 10% استثمار

يعني يا بنات لوكان راتبك 5000

قسمي راتبك على مئه

يعني 5000 ÷ 100= 50

يعني المصاريف 50 × 70 = 3500 ريال

الادخار 50 × 20 = 1000

الاستثمار 50 × 10 = 500

يعني 1500 لا تقربينها

اتمنى اني أفتكم معن باب النجار مخلع

وانا مع فكره العقار البنكي

ياسلاااااااااام الموضوع تفاعلو فية البنات
وعندي كم نصيحة اللي هي
اذا عزمتي على القرض العقاري ابحثي وابحثي عن اقل بنك نسبة هامش الربح سواء البنك اللي ينزل فية راتبك او بنك ثاني واذا كان بنك ثاني لازم تحولين لة وطبعا لازم يكون بالتورق وتتاكدين بنفسك من جميع العقود يعني مايكون فيها ربا
كمان ابحثس عن العقار المناسب طبعا البنوك لهم شروط فية انة يكون جديد مامر على بنائة اكثر ممن 10 سنوات
يعني خذي وقتك في البحث لانة لك وللزمن
وكمان انتبهو فية بعض العماير والفلل تلاقي التشطيب روعة لكن من الداخل خراااااااااب ثلاث سنين بالكثير وتبدين بالتصليحات فيها
يعني لازم مهندس عشان يكشف على البناء
وكمان ممكن تشترين شقة تمليك وتاجرينها واغلب الموظفات يسوون كذا وتقريبا بعض الشقق ب400 الف او اكثر او اقل

واي استفسار انا بالخدمة <<< اكلت بنفسها مقلب ههههه

ااااااااه جيتي على الجرح من قريت هالعنوان اوجعني قلبي/وبقولك شي مهم بالاول:ترى الوحده تقدر تجمع من راتبها اذا كانت متزوجه اذا كان راتب زوجها مكفي وموفي ولاهو مقصر بشي تصير ماتحتاج لاكثر راتبها!!!!!!!!

والحين شوفي قصتي وبتهون عليك سالفتك

وخوذي منها عبرررررره


انا موظفه من 14 سنه

كلهااااااا راحت على خرابيط مالها داعي

فجأه انتبهت زميلاتي بيوت واستراحات ومأجرين واراضي واناااااااا ولا شي

المصاريف مع العيال الله يصلحهم زاااادت والرتب يطير بنص الشهر!!!!!!!

حسيت بالالم لكن بعد فوات الاوان

حتى العيال يبون مكان وسييع وغرف

وانا ماجمعت ولارياااااااااااال!

حتى للضروف <يعني الوحده ماتضمن سبحان الله مرض عمليه حادث حنا بدنيا وكل شي جااااايز!!الله يحفظنا ويااااكم

واضطريت للقروض والجمعيات والديون

حتى اشتري بيت مو كبير بل عاااادي لكن اسمه ملك

فكرت يالقرض العقاري بالاول ماحبيته لان فتره تسديده طويله للي بتشتري عقار يعني توصل ل15 او20 واكثر
وخلال هالفتره لو احتجتي اتقدرين تاخذين قرض ابدددددددن

وبعدين سبحان الله كرهته نصحتني وحده انه ممكن يدخله الربا بكل البنوك!هنا عاااد خفت مره قلت كله ولا الحرام احس ماراح يبارك لي ربي فيه ولا راح ارتاح

المهم دبرت نفسي بقرض عادي وتسلفت الباقي وصار مايبقى لي من راتبي الا اقل من ربعه تخييييييييلي!وهذا لمده كم سنه الله يقضيها على خير ويهونها علينا

يعني حتى الاثاث مااقدر عليه

بس والله اتحسف مرررررره لاتذكرت اول راتبي وش يروح عليه ملااااااابس واشياء كماليه مالها دااااعي

وحتى ذهبي قلت مااحتاجه وبعته كلللللله من زماااااااان

وراتبي زوجي بسيط يالله يكفي الفواتير

فنصيحتي لك ولغيرك الوحده تنسى لو شي بسيط من الراتب

ودعوااااتكم ربي يرزقنا وياكم

شوفي ياقلبي كم راتبك

اذ 6الاف مثلا اذخري بحساب مغلق يعني فقط للايداع وليس للسحب

واغلب الناس يسونه خصوصا الموظفين

اقولك مثلا راتبك 6الاف خوذي الفين وحطيهم بالحساب المغلق واجمعي سنتين

واشري فيها ارض ومثلا تبين تكونين كشخه نظمي ماديتك واكلم وشربكم وخففوا سفر

انامااقول لاتسفرين بس مثلابدال ماتروحين تركيا تروحين مثلا سوريا كسب مثلها يعني اللي يفكربعقلانيه يلقى

ومثلا العطور والمكياج انزلي بتخفيضات واللبس وحطي ه مثلا مبلغ الف لك ولعيالك

تراه يكفي وحولي تقللين مشتريات لان غالبا المعلمات تسمع ذي بالغرفه تكلم عن شيء ومن مبكرا بالسوق

لاتكثرين طلعات سوق يكثر تطليعة فلوس الله يعينك

ليه كذا حرام عليكم ... اذا ماراح توفرون ريحوا نفسكم من قومة الصبح على الاقل ....
شوفي طريقتي ممتازة بس ترى مافيها صرف وهبال بالمعقول .
احذفي من راتبك الاشياء الاساسية جدا مثل راتب خادمة او سائق او مصروف للوالدين او اي شيء اساسي ...
الباقي خليه قسمين متساوين
القسم الاول ادخار
القسم الثاني مصروف ... ارفعي منه 1000 كل شهر ويصير عندك خلال سنة 12000 اشتري فيها اللي تبين شنطة ساعة الماس .
وباقي المصروف حاولي تصرفين الضروري جدا وقبل الراتب الجديد بكم يوم شوفي وش بقى معك . الياقي اقسميه نصفين نصف ارفعيه مع الالف ونصف دلعي نفسك فيه وكافئيها وبتلاحظين مع مرور الاشهر انك تحاولين ماتصرفين .وبكذا يصير زايد عندك مبالغ كثيرة ممكن 6000 في السنة اذا جمعتيها مع بعض وبتصير مع 12000 مبلغ ممتاز جدا ...

نرجع للقسم اللي وفرتيه ... اذا كان راتبك كبير معناته المبلغ اللي راح توفرينه كبير ممكن كل سنة مرة واحدة تاخذين منه جرء بسيط لايزيد عن 15 بالميه للسفر او اي شي ثاني ....

اذا مافهمت كلامي علمينيكم راتبك وانا اعلمك المبالغ .