لايوقف يابنات

موضوع مهم صراحه

ويقهر للي تداوم من صباح الله خير

نفسي أشتري لي شقة بمكه أو جده عالأقل

يعني ودي أحس راتبي يروح في شيء ملموس على أرض الواقع :icon33: مو ملابس وشنط وماركات الله لايعيدها كيف مهبلة بنا

وبعدين خايفة لو تزوجت يجيك ابو الشباب حاط عينه على راتبي :44: ودي عالأقل اسوي لي شيء قبل يفترسني انا وراتبي ويجون العيال والغثا


وش رايكم ؟

انصدمت من الردود ولكن راح اعطيك المفيد :(
لاتدخلين بمشاريع ولا غيره لامطعم ولا مشغل كل اللي اعرفهم خسروا قروشهم رجال وبنات
بسبب ان الناس تعودت على مطاعم ومشاغل معينه لو تجينهم تقولين بسويلكم ببلاش ماجو
والسبب الثاني ان اللي يسوون هالمشاريع هم بالاصل اغنياء فما عندهم مشكله يظلون يخسرون لحد ماينجحون ويشتهرون ويكسبون ملايين اما اللي زي حالتنا الموظفات فهي تحويشة عمر ولو ضاعت مالنا الا المستشفيات :09:هههههههههههههههههههههه

بالنسبه للتجميع لو تجمعين كل راتبك ماتصرفين هلله ماتقدرين تدبرين قيمة بيت ولا ارض لانها كل سنه تزيد
لذلك القرض الشخصي هو انسب حل
تاخذين قرض وتشرين شقه وبتستفيدين تاجرينها ومن اجارها تسدين الاقساط
وبنفس الوقت جمعي بحساب في بنك ثاني لو خمسمية والا متين ريال كل شهر وخليه من دون بطاقه وفي بنك ثاني عشان تستصعبين الروحه
وهكذا واذا خلص قرضك خوذي غيره وجيبي ارض او شقه ثانيه وبتشوفين نفسك بعدين
والعقار عمره مايخسر لو بعد 20 سنه تبيعينهم انتي الكسبانه

وعلى فكره ماله دخل بحرمان النفس والبخل عندهم معتقد اذا امنتي نفسك يعني بخيله
لا اشتري والبسي بس مو تبذير لان الملابس ماراح تنفعك ابد
يعني دوري السوق وشوفي المناسب واللي عندك لاتجيبين زيه ولاتكومين اغراض ماتستعملينها

هم كذا الناس يراقبون الموظفه مراقب وكأنها لاقيه فلوسها بالشارع لازم تلبس اغلى الماركات وتهدي اغلى شي مايدرون انه على حساب صحة الوحده وعيالها ومشاكل مع زوجها

اي وحده ماتجمع لعمرها شي بالله ماتصعب عليها نفسها ماتكسر خاطرها نفسها
كل يوم قايمه الصبح وتترك عيالها وهم مواليد وتداوم وتكرف ومشاكل بالدوام وبالنهايه ولا شي!!

بقولك طريقتي انا مدرسه وخدمتي نفس خدمتك
بس انا اجمع راتبي كله اطلع راتب السواق وراتب الشغاله وحق امي
والباقي اخليه بالصرافه ما افتحه وانا والله لبسي كله ماركات وشنطي
وساعاتي اقل وحده اخذها من الدهام بالفين بس انا ما اروح لسوق الا اول الصيف
اول الشتاء عيد فقط لانه خلاص تشترين لصيف لبستين ثلاث حلوات ولبس للبيت وترنقات للاهل
ليه جمع الخلاقين والله يبقى راتبك ويتبارك بعد

للرفع لعيونك .

الله يبارك..لك اختي..
انا كنت معلمه ع البند ولا استفدت شي من راتب ابدا كان نصف ترم حول تقريبا 19 او 23 ناسيه بجد
البعض اللي كانوا معي ساعدوا نفسهم وجمعا واشتروا لهم ارض بالاشتراك مع امهم او ابوهم..
وياما نصحت بس انا مثلك يدي فرااااااطه
انا مقهوره مثلك..لان زوجي راتبه ماشاء الله بس مايدخررررررررررر شي ابدا وحجته يبغى يمتع نفسه..
واللي راتبه مثله عمر بيت وسفرات وراحات وجيات بالاهل وموناقصهم شي الله يتمم له ويبارك..
انصحك نصيحه اشتري ارض مادام سعرها معقول ب70 او 80 وخليها للستثمار تغلي فيها ولا تبيعينها بدا الا لما تضرب ال200
وجمعي مره ثانيه واشتري اللي خلطرك به ويكون اصل,,مو شي فرعي ولا له قيمه..
بالنسبه لموضوع الجمعيه انا مثلك..احب الجمعيه وتوفر كثير بس عيبها,,,ان الكل يدري ان فلانه بجمعيه...
ويضلون يسالونك وش سويتي فيهم..انا مادخل لان ماعندي مصروف شهري معين..
وتدرين قريباتي مو موظفات لو مصروفها 500 تدخل ب200 جمعيه وتوفر وتشتري اللي تبغى بس اكثرهم شاريات اراااضي
انتي حاولي ماتصرفين الا على اللي يسوى
والسوق صدق موشرط كل مره نازله السوق..حدديها مثل بعض البنات استفدت منهم ماينزلون الا بالمواسم او اذا احتاجوا شي..وبس..

حاولي تدخرين وتستثمرين..وانصحك بالنسبه للملابس اشتري الجوده والخامه حتى لو ارتفع سعرها بس مو غااالي مره..
والله يبارك لك..في راتبك..وتحلين امورك ببساطه.