الطريقه ادخلي جمعيه واذا جت حطيها بحسابك ببنك غير اللي ينزل راتبك فيه ثم حاولي تقسطينها عند محلات الصابون طبعا لازم يكون اللي بيقسط لك ثقه يعني تقسطين 5000 ب 7500 كل شهر قسط 500 او 10000 ب 14000 كل شهر 1000وبكذا وفرتي طبعا اللي بالخرج اقدر اخدمها بواحد يقسط ثقه ,,,,,هاه فهمتو كلامي ترى ماراجعته اتمنى لكم الفايده

رفع

على اني مو موظفة >>>>>>ادعو لي يجي هاليوم بس

بس بتكلم من باب الي اتوقعه واشوفه
على حسب عيشة الموظفة نفسها
يعني المتزوجة من رجال موفر لها كل شي بمافي ذلك البيت الملك وشو له تاخذ قرض وتبني وحالتها حالة
اما اذا حالة زوجها على قده فاكيد بتساعده بس يابنات مساعدة بحدود حنا بزمن يخوف يعني بيتك ليش تحطين فيه فلوس زوجك وش وظيفته ؟
اصرفي على نفسك انتي من فلوسك مع انو الزوج ملوزم فيك حتى لو انتي موظفة
بس ماعليه نقول تتحمل الوحدة منا مسؤليتها من لبس واناقة وميك اب وصرف على عمرها
لكن بيتها وعيالها ابوهم يصرف عليهم وكل وحدة لو تاخذ مبلغ بسيط وتخصصه لها هي بس والباقي تدخره اكيد ماتمر سنة سنتين بالكثير الا وهي مجمعه مبلغ محترم تسوي فيه الي تبي

يعني على حسب ظروف الوحدة يتحدد كم تقدر تدخر وتخلي

انا مو موظفه
دعواتكم لي بالوظيفة عاجلا يااااااااارب
بالنسبه للمشاريع الكبيره نوعا ما مثل مشغل او مطعم غالبا ماتنجح مع الموظفين لانه يبيلها شغل مضبوط وصرف بالهبل وصبر سنين حتى يكون لها موقعها في السوق ويكون العائد يسوى التعب
لكن فيه اشياء بسيطه حاولي تجربينها
مثل ماذكرتي سيارة الآيسكريم او كشكات صغيره للبطاطس والعصائر في المنتزهات
واحد اعرفه يأجر دبابات ماشاء الله مكسبه حلووو خاصه في المناسبات
مع انه بدا بثلاثه او اربعه وشوي شوي مشى الوضع معه

شكرا لتفاعلكم بلالموضوع