والله خوفتيني يالواسطيه

انا ابغى اسويها وارتاح بس ماني عارفه ليش متردده

والواسطيه ..

الله يعوض صبرك خير ياقلبي ويرزقنا جميعا ولا يتكلنا على أحد من خلقه .

ما قلت لنا أخذت مسكن قبل ؟؟
لأني سمعت أن المفروض الوحده تاخذ أربع حبات بنادول قبل الأشعه بنصف ساعه ..
أنت وش سويتي ؟

والله انا ماخذت مسكن ..وطلبت منهم وقالوا لي ..لا ما تحتاجين ...هي السالفة كلها اقل من 10 دقائق ..وفعلاً السالفة اقل من 10 دقايق لكن الالم فظييييييييع ...

يالواسطيه والله صار لك نفسي انا الدكتوره لزمت علي اسويها لان بدون هالفحص ما يصير اخذ ابره البيرجونال ...وسألت بنت عمي عنها لانها كانت مجربتها قالت لي انها تعور وماقدرت تمشي عدل لما طلعت منها من شده الالم...عاد انا تخوفت منها...بس قالت لي ان صاحبتها سوتها وما حست بالم ويمكن اني ما يجيني الم ...عاد انا خفت بس قلت باتوكل على الله ونشوف يعني كيف بيكون الالم المهم يوم الاشعه هذي كان عندي امتحانين الصبح بالجامعه وما فطرت ...ورحت الظهر عشان اسويها عاد الممرضه مسكينه هلكتها بالاسئله وشلون الالم وكيف وو و و و و ..بس قالت انه مب الم ما نقدر نستحمله...ويوم سويتها والله اني من الالم قمت لا شعوريا اصرخ ما اقدر اتحملها وخلاص ...وهم يهدوني...وبس بعد ما عملتها باليالله لين قمت من السرير ورحت ابدل والله يوم دخلت غرفه التبديل ما قدرت اقعد ولا انسدح عالسرير ولا اوقف كان الم غير طبيعي ...وبالزور طلعت من الغرفه...وعلى طول طحت غشيانه ..وعطوني مسكن...صراحه كان فيلم ذاك اليوم ...

وانا انصح اي وحده تروح تسويها تاخذ مسكن بالاول وتاكل شي قبل ما تروح...واكيد قوه التحمل من وحده لوحده تختلف يعني ممكن تجي وحده وتعملها وماتحس باي الم ...عكسي..بس من بعدها باسبوع جاتني الدوره والله لين اليوم ..واليوم صار لي 28 يوم ..رحت للدكتور وعملوا فحوصات دم ومنظار وتلفزيون...واخر شي قالوا لي ما في شي وهذي دوره متاخره...والله ما يندرى عنهم...عالعموم الحمدلله على كل حال والله كريم يرزقنا ويرزقكم:26:

والله يا عنادي الله يعوض صبرنا خييييييييير يارب ..

تعرفين اللي صار لج نفسي.. انا ماقدرت امشي ودخلت غرفة التبديل وماقدرت اوقف البس فجابت لي الممرضة الكرسي وبدلت وانا قاعدة وابكي وارجف وحسيت اني برررررررداااااانه وتميت هالشكل لين ماعطوني ابره مسكن ...فاللي حابه تسويها تقول حق الدكتورة تعطيها مسكن قبل ...

اما عنج انج ماكلتي فانتي غلطاااااااااااانه ...المفروض تاكلين اي شي ...لانه طبيعي بيغمى عليجمع هالالم بدون اكل بعد ...

الا ابغي اسألج انت وين سويتيها في اي مستشفى..لاني عملتها في عيادة الدوحة ..