سؤال محيرني! هل تقومي بصرف كل الفلوس الي يعطيكي اياها زوجك ولا تقومي بتوفير جزء منها؟

بصراحة أنا كنت أصرف كل الفلوس وإذا طلبته يعطيني مرة ومرة لا وأنا بعد استحي أطلبه كل مرة ومرت علي فترة زعلت عند أهلي وما كان عندي مصرف ومرات يكون فيه عرس واهل المعرس أو العروس يبون هدية وأنا أبي أفصل وصالون ومو شرط تكفي الفلوس ولا أتسلف من خواتي وأمي يعني ما أعتمد على زوجي لآن محد يضمن الظروف
فأول ما يعطيني زوجي مصرف أشيل 30 أو 20 دينار من أصل 150 دينار والباقي أصرفه وبعض المرات يزيد فأضيفه على اللي شلتهم ومو على طول اشتري الكبت انترس والنعول شكثر والشناط والعطور لدرجة مليت من كثر ما اشتري

اذا زاد عندي شي وفرته ...

هلا اختي
بصراحه في بداية زواجي يوم يعطيني مصروفي وهالكلام قبل لااشتغل ماكنت اصرفه كله يعني على حسب الطلعات والمشاوير بس ماكنت احط في بالي اني أوفر اي جزء لانه ماشاءالله عليه الله يحفظه كريم ومايقصر وياي وفي طلعاتنا مرات يعطيني زود مع انه يدري انه من كم اسبوع عطاني مصروفي بس انا طبعي مااصرف فلوسي كلها احب يبقى لو شي بسيط في المحفظه ماادري ليش ان شاءالله لو ريال ههههههه .. بس الحين بعد مااشتغلت ماصرت اخذ مصروف بس هو مرات يحس بالذنب ويقولي يعني خلاص ماتبين مني فلوس هههههه اقوله الله يخليك ويخلي الراتب ولو تبي انا بعطيك :42:

حبيبتي حاولي تشيلين جزء من المبلغ و يوم عن يوم راح يكبر... و حبوبة ترى ال shopping ما راح يفيد مثل الفلوس الكاش!

:27:

انا قبل كنت مثلج... اصرف على طول و استحي اطلب زيادة بس كان ريلي يصرف علي و ما يمانع و كله على اشياء خاصة فيني.. بس توني توني من شهرين انتبهت على نفسي... و بديت اجمع و تشجعت وايد لما شفت انه المبلغ صار وايد .. لاني قمت اجمع ثلاثة ارباع المبلغ و اصرف ربعه اذا احتجت و اذا ما احتجت هالربع اضيفهم للي مجمعته.. و بالفعل عجبتني الطريقة و ناوية باذن الله استمر عليها... و عادي خبرت ريلي و شجعته هو بعد يضيف على هالمبلغ اي شيء يزيد عنده نهاية الشهر و نسميه صندوق التوفير العائلي و يكون موجود في البيت.. تحت يدنا يعني.. و اي ظرف طارىء يصير او شيء ناخذ منه...

و موفقين