انا والله ما اتعامل الا مع شركات الشحن وارسل الممندوب وياخذ على المشوار 30ريال ما فيه وحدة عندها احد فاضي كل التاجرات يتعاملون مع المندوب

:icon33: افاااااااااااااااا كل هالرد اللي فوق كاتبته لك وطلعنااا مو متعاونات


يختي بقولها لك وبصراحه انتي ما عندك احد يروح للبريد

طيب بس عندك تلفون تدقين على البريد وتسالينهم السؤال وتشرحين لهم وضعك وهم بيردون عليك من غير خربيط الردود اللي حتى لو الواحد متحمس يرد عليك يهون بصراااحه


واذا ما تبين تخسرين قيمة اتصال يختي وانتي على النت ادخلي موقع البردي السعودي واقراي كل مميزاتهم وارسلي لهم رساله من خلال موقعهم ويردون عليك ويادار ما دخلك شر


والا ترا كلنا على شركات الشحن كمان البريد السعودي بس عندنا مندوبين ياخذون الطلبات ويستلمون الطلبات

وامورنا ماشيه تمام ولله الحمد

ماشين على قاعدة اللهم ارزقني وارزق مني

رزقك من التجاره ورزق غيرك من شغل المندوب





هاااااااااااااااااااااااااااااااااااااااه

عسى ردي اعجبك والا بعد ما اعجبك :mad:

وش رايك انتي في ردك انتي قولي


احسن


اخاف اخسر قيمة الاتصال على قولك

بس الشرهه علي انا ماهي عليك


كان بلاش من السؤال اصلا


ومن الاجابه بعد



وهذا الردود الي على قولك ماهي عاجبتني ماجاتني الا بعد ماطريتهم الرد


لو لقيت من يجاوبني في البريد ماكان نزلت السؤال هنا

وعرضتي نفسي للحرج في هذا المنتدى


العنصري


الي تفضلون فيه البعض دون البعض


وتردون على البعض دون البعض


ارجعي للمضوع وشوفي كم رديت وتاريخ الموضوع من متى


وانتي تعرفي

فوق

هههههههههههههههه

وش بلاك معصبه وعنصري وخرابيط الله يهديك بس


اول شي انتي اللي قلتي شوفي التواريخ


16 /3 تم طرح الموضوع الساعه 17,45 دقيقه يعني 6 المغرب

العالم لسى تبي تصحى من نومها بعد العمل وتتابع عيالها وزوجها وتشوف وش عندها وش ما عندها من اشغال ومن المفترض انها راح تدخل بعد ما تنهي اشغالها والتزامتها يعني على 11 بالكثير

ردك الثاني كان في نفس اليوم وخلينا نقول ما قمتي من كرسيك يعني ساعه ونص ورجعتي تسالي وين الصبر هنا السؤال العالم بتنزل موضوع بتنتظر يوم كامل او اكثر

في نفس اليوم بعدك بساعه وشوي كتبت ردي مع العلم اني شفت الموضوع بس ما عندي اجابه شافيه لك فقلت اشوف البنات يمكن يردون لقيتك ماهنا صبر رديت عليك باللي اعرفه


الاخت تعبانه حيل مثل ما توقعنا الساعه 12 الا ردت عليك بالرفع يعني المووضوع مش عنصريه

ليتك صبرتي لليوم الثاني رجعتي الساعه 4 الفجر ليتك صابره الين وقت اقل شي يصحون عيالهم للمدارس بتلاقين رد اكيد

وفعلا جاتك الاخت الساعه 7 و7 دقايق الصباح اكيد بعد ما فطرت عيالها وراحو المدارس تفرغت للنت
وجاتك التاجره الجودي ولا قصرت ردت عليك الساعه 7 و8 دقايق


طبعا بعد ما نمتي وقمتي وعينتي من الله خير الساعه 16,20 دقيقه يعني 4 وثلث العصر ولاحظي في نفس اليوم الثاني من تاريخ 17 ليتك رديتي بشكر او جزاكم الله خير ما تكلفك شي تراا


عشان كذا قلت ممكن اقدم على الخدمه والتاجرات مابيون يشوفون الموضوع ويفيدون

حكمتي طوالي على التاجرات ما يبون يشوفون الموضوع ويفيدون يا عزيزتي التمس لاخاك المؤمن العذر


واترك لك باقي التواريخ والدقائق للتحليل وكمان اسلوب الطلب كيف كان وتتهميهم وتبينهم يدخلون يردون عليك

وبين كل رد والثاني ساعه وشي ليتها كملت ساعتين ولو حسبت وقت الموضوع من طرحه اقل من يومين احسبيها بالوقت وليس بالتاريخ


على العموم صدقيني لو فكرتي ترفعي سماعة التلفون وتسالي البريد ما راح يترددون في الاجابه ابد ولو ما رد عليك فرع راح تلاقي الفرع الثاني يرد


لكن سالفة عنصريه وناس ترد وناس ما ترد اتوقع مهو هنااا هالحكي الكل بيرد على كل المواضيع بس بعض المواضيع تكون الردود فيها محكومه بجهه معينه اذا الوحده ما عندها خبر اكيد ما راح تخترع من راسها الكلام وموضوعك كان من احد المواضيع

وبعدين ليش تعتبرين سؤال فيه حرج لك بالعكس الكل بيسئل والكل بيستفيد

انا اطرح اسئله في اقسام ثانيه وتجلس يومين محد يرد وارجع وارفعها الين الاقي خيط لوحده عندها خلفيه عن سؤالي طوالي ارجع اسئلها على اي شي في بالي زياده عن طريق الخاص لاني على علم تام بانها ماراح ترجع لموضوعي وانا راعية الحاجه انا اللي اروح ادور على اهل الخبره واهل الاجابه


على العموم الله يصبرك ويبدل حالك من العجله الى الصبر ومن سؤ الظن الى حسن الظن

والسلام عليكم ورحمة الله وبركاته