غلاتي البنت ماتحرق دهون لانها ماتتحرك

ماشااء الله الولد ياكل الي ياكل مايبين عليه لانه يجري ويلعب مو جالس مثل البنت

واحذر تمنعيها علني لا تاكلي لا تجلسي على النت لان الممنوع مرغوب

انتي ابعديها بطريقه غير مباشره

حددي لها ساعتين باليوم للنت توزعها على راحتها

اما متواصله او متفرقه نص ساعه وتلعب تجري اشتري لها سير كهربائي

الاكل حاولي تسوينه بالبيت قللي الزيوت

وابتعدي نهائيا عن الوجبات السريعه والشبسات والحلى

الله يخليها لك ياارب ترى بهالمرحله يثبت الجسم لانها بطور النمو ولو تنحف لصالحها لكبرت

عندك اجازه 3 شهور
تبن بنتك تنحف صدق والا بتجلسين تندبين حظك وتقولين ما اقدر عليها
اذا بتبدين انا راح اكون معك لين ما تقولين بنتي خلاص صارت عود

اول شي انتي قوي شخصيتك شلون بالسن هذا وما تسمع كلامك
لازم تفهمين ابوها انه يوقف معك و يكون معك بكل خطوه وما يخرب عليك اي شي
يعني النت يكون ساعتين باليوم وبعدها خلاص مافيه نت شيلوه لو تجلس تفحط يا شيخه لا ترضخين لها لا انتي ولا ابوها
وبعدين لو مدت لسانه لازم تعاقب ولازم تفهم ان امها و ابوها ما ترفع صوتها عليهم

بعد هذا كله اجلسي معها جلسه صريحه تكلمي معها قولي يوم انك في سنه كنتي نحيفه ورشيقه و ابوك ما تزوجني الا عشاني كنت رشيقه
ترى يابنيتي الي ما تنحف الحين ترى يصير لها مشاكل كثيره اذا كبرت قولي بعدين ما تقدرين تنحفين الا بعمليات ويمكن تموتين
لازم تفهم الشي هذا
البيت لا عاد يدخله اي مشروب غازي ولا حلاو ولا بسكويت ولا كيك ولا شوكلاته
استبدليها بالفواكه
يعني حطي لها برنامج غذائي الي يناسبها
اما تابعيها مع اخصائيى تغذيه
والا انتي اوزني لها الاكل
يعني الفطور بيضتين وكوب حليب طازج وخبزة توست وحده محمصه مع خس وخسار
الغداء قبل الغداء بنصف ساعه خليها تشرب كوبين مويه
بعدين حطي لها نصف الاكل الي تاكله
والعشاء زبادي وخس مع كوب عصير وتفاح
وكل ما جاعت باليوم خليها تاكل بقدونس وخس
لا بينين انه فرض عليها الرجيم لا كولي انتي وهي نفس الاكل عشان تقتنع
قولي لها يا بنيتي اذا شفتيني كثرت اكل اغمزي لي عشان ما اسمن وانا بغمز لك اذا كثرتي اكل يعني جيبيها من ناحية انا انتي تبين تنحفين وبنتك تساعدك فهمتي
واذا طلعتي لسوق وريها الملابس الزينه قولي ان شاء الله ننحف قبل العيد ونلبسها
اشتري لك ولها لبس اصغر من حجمكم وقولي نسوي تحدي الي تنحف تلبسه بالعيد ونجيب لها هديه
التمارين تمرني انتي وهي جيبي لها حبل تنط و زلاجات بدال النت صدقيني يكفي الحبل لو كل يوم نصف ساعه ممتاز

الامر كله بيدك بنتك توها صغيره بيدك تغيرين فيها كثير
والله يساعدك عليها ان شاء الله

اول شي تسوينه وديها المستشفى سوي لها تحاليل شامله عشان نعرف سبب السمنه

صعبه وحده بعمره تمنعيها عن الاكل
او تحددين لها نظام صعب على الكبار شلون الاطفال
اول شي حللي الغدد عندها
وامنعيها عن النت 24 ساعه لان كثره الجلوس هي اللي سبب لها السمنه
سجليها في نادي او امشي انتي وياها كل يوم

لاتزعلي مني بس اسلوبك في التعامل غلط
الفاظك شوية قاسية برميل- ام عيال - كرشه - وجهها مليان حبوب
ايش بقي ماقلتي ؟
بصراحه انا حسيت انك كارهتها لان ايش جاب الحبوب في موضوع السمنة هو والنت ؟؟ مع ان عنوان الموضوع بنتي صارت برميل من السمنة
حراااااااااااااام كيف تبغيها تبرك اذا كبرتي ؟؟ يمكن يجي يوم تقول فيه امي تنكة ماتفهم لان الواحد يوم يكبر ممكن يكون فهمه تخين شوية
انا هذي ملاحظتي عليكي
وثاني شي يمكن انتي كنتي تاكليها كثير وهي عمرها سنة او سنتين
لان عدد الخلايا الدهنية يتحدد في الصغر واذا كثرت راخ يزيد وزنها لان بعد كذا اي اكل تاكله وزنها يزيد بسبب زيادة حجم كل خليه دهنية
عكس الخلايا الدهنية لو كانت قليله مهما اكلت وزاد حجم الخلايا ماتزيد بنتك لان عددها قليل
يمكن كنتي تاكليها كثير وتشربيها حليب صناعي كثير
وترا في هذا السمن ماتقدري تسيطري تمام
لازم تحتوي بنتك وتتفهميها اكثر ترا اذا خسرتيها الله يعينك
في هذا السن خاويها
مو تكسري خاطرها بمفردات قاسية
انا زعلت اجل كيف بنتك ؟؟
ودها اخصائية تغذية وهي تتخذ الاجراء اللازم والموضوع متعب من ناحية الاقناع مو بالاجبار بس صاحبي بنتك شفتي كيف صاحباتها معاها ؟؟ انتي خليكي زيهم
التربية ماهي سهلة

الله يحفظ لك الأمورة ويسعدها
أهم شي لا تحطمينها وتفقدينها الثقة في نفسها
وديها أخصائية تغذية وحاولي انتي وياها تمشون مع بعض على الأقل نصف ساعة يوميا