ساااااعدوني قبل لاموت بذنوبي الله يخليكم

السلام عليكم ورحمة الله وبركاته

انا قريت وتابعت كثير من المشاكل في هذا القسم واعجبني طريقتكم في النصح وخاصة انها تملائها النزعه الدينيه وعشان كذا انا لجائت اليكم بعد الله لمساعدتي واتمنى منكم ماتخيبون املي،،، وللمعلوميه لقد بحثت عن شروط للكتابه في القسم حرصا مني ان لا تكون مثل مشكلتي ممنوع كتابتها او نشرها بالمنتدى

في البدايه" استحلف الله" كل من دخلت وسوف تقراء قصتي انها اذا ماقدرت تفيدني وتنصحني ان لاتدعي علي وان تدعي لي بالهدايه قبل كل شي ،، فانا بامس الحاجه الى الدعاء وخاصة مع الاحداث الاخيره الي امر فيها :( :(

>>> باحاول قدر الامكان اختصر قصتي مع انها طويله وكل احداثها مهمه واعذروني اذا طولت عليكم <<<

انا انسانه من عائله محافظه جدا جدا ومتزوجه صار لي ست سنوات متزوجه ولي اطفال الحمد لله..... طبعا كنت متاثره بعائلتي مااسمع الاغاني ومحافظه على واجباتي الدينيه ومحافظه على نفسي بشده لاني كنت اتعرض لضغوط من صاحباتي الي كانوا يتعرفوا على شباب وانا الوحيده الي كنت ارفض هالشي واقول الحب مايجي الا بعد الزواج،،،،،والحمد لله في هذيك الفتره تقدم لي زوجي و تزوجت وانا صغيره،،
مع الايام وتاثرت بزوجي صرت اسمع الاغاني واتابع الفضائيات(( الى الحين الوضع عادي والكل يمر فيه))
مشكلتي بدائت لما بديت احس ان زوجي بعيد بمشاعره عني حاولت اني احسسه واكلمه عن الحب وكلام الحب كان يقول لي انه مايعترف بهالكلام وانه مجرد كذاب واذا فيه زوج يقول لزوجته مثل هالكلام فهو كذاب ويقول هالكلام عشان يخبي عليها شغلات يسويها من وراها،،،،حاولت بالكلام الحلو والهدايا وكل الشغلات الي ممكن تحرك مشاعر اي انسان،،حاولت معه لمدةاربع سنوات مافي فايده ماتغير

بعد فتره مليت منه وصارت حياتنا روتينيه مثل اي زوج وزوجه مابينهم اي مشاعر مايربطهم ببعض الا الاطفال لدرجه وصلت بينا ان كل واحد بنام بغرف مع انا مالنا الا اربع سنوات متزوجين ،، وللاسف في هذا الوقت زوجي جاب لي جهاز الكمبيوتر وبديت اتعرف على النت هذا الكلام كله وانا الانسانه المحافظه الي مقدره بيتها وزوجها
ودخلت عالم النت مابي منه غير المنتديات المفيده مثل عالم حواء والمنتديات الي مثلها ،،كنت اشوف والاحظ زوجي يدخل الشات لكن ماكنت اهتم ولا اسئله عنه
وبيوم للاسف زوجي من ثقته الزايده فيني جلس يحكي لي عن الشات وفتحه قدامي هو مالاحظ اني انبهرت بهالعلم وتفاجئت لاني اول مره اشوف اولاد وبنات يتكلموا مع بعض ويتعرفوا على بعض بالجرئه الي شفتها صراحه انصدمت وشوي شوي صرت اجلس مع زوجي واتعلم منه وهو مايلاحظ

…. مع الايام صرت افتح الشات وفي البدايه كنت اتفرج بس ماعندي الجرئه اتكلم وشوي شوي اشارك بالعامه كل هذا وانا اقول لنفسي انه مجرد تسليه اناعاقله مابسوي مثل غيري
وطبعا فتحت لي ايميل واضفت لي ايميلات وصرت اتكلم بالمسنجر وكل هذا وماحد يدري اني متزوجه اكلمهم على اني بنت ماقد تزوجت،،وشوي شوي كلمت بالجوال وبديت اصدق الكذبه اني بنت وكرهت زوجي واطفالي وصرت اقول لنفسي لو انا مو متزوجه ولو ماعندي اطفال كان تعرفت و تزوجت على الانسان الي يحبني ويقدرني

تعرفت على شباب واجد ماتوقع في وحده من البنات الي مثلي الله يهديني ويهديهم ممكن تتعرف على اكثر من شاب بنفس الوقت ،،،لدرجة اني بديت اشك اني مجنونه اوماعندي احساس اكذب و العب عليهم فيه منهم الي صدقني وتعلق فيني واحس تجاههم بالذنب لاني الى الان ماقلت لهم الحقيقه ومعيشتهم على امل،،
((انا ماافتخر بهالشي اعوذ بالله لكن ابي ابين لكم حجم المصيبه الي حطيت نفسي فيها ))
مع الايام تعلقت بواحد وحبيته بصدق وصرت ارفض مكالماته خفت اجرحه اذا عرف الحقيقه لانه كان مصريخطبني ويتزوجني ومع كثر اتصلاته والحاحه على الزواج رديت عليه وقلت له اني متزوجه هو انصدم في البدايه مع الوقت قال انه مقدر الظروف الي امر فيها واذا انا بصدق مو مرتاحه مع زوجي هو مستعد يتزوجني بعد مااطلب الطلاق
تفاجئت من موقفه معي وكنت محتاره ومدري من استشير،، كلمت وحده من صاحباتي الي تكلمت عنهم من قبل لانه محد بيسمعني ومايلومني غيرهم وشرحت لها القصه ،، اتفقت معها على انها تختبره وتتاكد من صحت كلامه طبعا هي ماصدقت على الفرصه كلمته كم يوم وقالت لي كذاب يلعب عليك وفيه من يثبت لك صدق كلامي
قالت لي انا اعرف شخص يشتغل بالوظيفه الفلانيه يقدر يجيب لك خبره وياكد لك انه يلعب عليك مثل مايلعب على غيرك لكن مابيساعدك الا بشرط انك تكلمينه ،،وافقت اكلمه بعد ماقنعتني اني اقدر اثق فيه وبيتركني بحالي بعد ماتنتهي المشكله
وبالفعل كلمته ونتهت المشكله لكن ماتركني هالشاب في حالي وبداء يضغط علي ويراقب جوالي ومكلاماتي ويرسل علي الي يهددني بزوجي لدرجه اني صرت اطيعه ومارفض أي طلب له اخاف منه
اكتشفت ان هالشاب كان مضايق صاحبتي وكنت بالنسبه لها فرصه عشان تتخلص منه ولما سئلتها كيف اقدر اتخلص منه قالت الله يعينك الى ان ينشغل بغيرك وقالت على فكره ممكن يكون صاحبك الاول مظلوم وجد يحبك لكن بعد ماحكيت لصاحبنا الجديد قصتك طلب مني اقنعك بانه يكذب عليك واعرفك عليه

كل هذا يحصل معي وزوجي بداء يتغير معي واسلوبه معي غير متحسن كثير صار يقولي ماعرفت قيمة الحب وكلام الحب الا بعد مافقدتها والله يابنات انه صار يقولي اجمل كلام الحب ويقدم لي احلى الهديا ويعاملني احسن معامله ماطلبه شي ماياخره عني، لكن انا ماصرت اقبله منه واحس انه كذاب واحيانا اقوله له باحساسي والومه على الايام الي راحت وانا احاول معه ويجلس يترجاني انسى الكلام الي كان يقوله قبل سنتين ونعيش باقي حياتنا بالحب

قصتي طويله جدا وفي اشياء ماقدرت اتكلم عنها وحاولت اختصرها واهم شي بمشكلتي يابنات والي ابي منك انكم تدعولي اتخلص منها وارجع مثل الاول لزوجي واطفالي اني ماقدرت ابطل مكلامات وتعارف كل ماقول خلاص ماراح اكلم واستغفر الله واتوب اتعرف على واحد وابداء معه الي بديته مع غيره ،، والاهم من هذا مشكلتي مع الشاب الي يهددني باستمرار ويطلب مني اشياء مو ممكن تتوقعونها

انا نفسي ارجع الانسانه الاوله الي تخاف ربها وتحافظ على واجبات دينها وتحافظ على نفسها واسرتها ،،،انا ظلمت نفسي وزوجي واطفالي والله الي يجلس منكم معي ماتتوقع انه انا الي كاتبه الموضوع لاني ماتكلم الا في الدين وانا مع اهلي واخواتي واسب البنات الي مثلي وادعي عليهم"والله مو نفاق او اغطي على نفسي بهالكلام لكن والله اني انسى اني مثلهم ،، والله اني احس اني مثل المجنونه الي بوجهين في لحظات انقلب من الانسانه الهاديه المؤدبه الي تخاف ربها لشيطانه ملها أي حدود

تكفووووووف تكفوووووووون دخيله عليكم بعد الله ماتردوني وتنصحوني ايش الحل كيف اتصرف قبل لاخسر الباقي من ديني بسبب الضغوط الي جالسه اتعرض لها.... انا فكرت اكلم احد الشيوخ واعرض عليه مشكلتي ماعرفت من اكلم وكيف..؟؟!!!!

اترجاكم يابنااااااات ساعدوني مصيبتي كبييييييره اااليوم افطرت تعرفون اش يعني افطرت..؟!!!
افطرت في نهار رمضان بدون عذر بسبب شهواتهم الحيوانيه و الي مخوفني مابي اوصل لاشياء اكبر من كذا ممكن تخسرني الدنيا والاخره

اترجاكم تتدعون لي واستحلفكم بالله ماتدعون علي لاني مو ناقصه ذنوب على الي انا فيها

>>(((الله يسعدها ويجزاها خيرولايبلاها ومن يعزعليها ويجعل بينها وبين ذنوبها مثل مابين المشرق والمغرب الي تدخل وتساعدني لو بنصيحه بسيطه والله لايسامح من تدعي علي او تتشمت فيني وهي قادره تدعي لي)))<<
:( :( :( :(