ساعدونى ولدى... عسى الله لا يحرمكم الجنه

يااااااااارب يكون مثل ماتتمنين واحسن

الله يحفظه ويبارك فيه ويجعله قرة عين لكم

يااااااااااارب اشفيه..
اقول يا لغاليه لا تحسسينه انه ينسا
ولا تحاولين تقوليله ما تعرف ما تدري
كذا تزيدينه..
اكليه زعتر وبالفطاير وشربيه زعتر..
والله يشفيه لك ويبقيه..

هو مايركز معك وانتي تشرحين؟

لعاب ويلهى باشياء حوله؟

السلام عليكم ورحمة الله وبركاته
يا حبيبتي طولي بالك واستهدي بالله وتوكلي على الله فمن توكل على الله كفاه
فيه حلول بس يبي لها وقت وصبر
في البداية وعلى طول : عطيه موية زمزم وانوي انها لتقوية الذاكره وهذا مجرب
وبعدين اسعي في انه يحفظ اكبر قدر ممكن قران ولو يجلس شهر في ايه لان القران يقوي الذاكره بالتاكيد ... خلي مسجل يقرا عليه قبل النوم الايه او السوره اللي بيحفظها بالتكرار

ثم سوي تدريبات الذاكره اعرف منها واحده بس : دخليه غرفة الجلوس مثلا وعبيها اشياء انت وقولي له شف الاشيا وحطها براسك لاني ابسالك بعد شوي 5 دقايق ... وطلعيه وعطيه قلم وورقه وخليه يكتب اللي تذكر ... كل يوم وبعد فتره بتحسين انه تحسن .. طبعا فتره طويله مو يوم وليله وتقولي ما تحسن

وبعدين التدريس يبي لك تغيرين طريقة المذاكرة يعني بالالعاب او بالكتابه او بالمسجل يسجل نفسه
اخوي نفس الحاله والحمدلله الحين تخرج الله يوفقه بالوظيفه ... واسالي معلمات صعوبات التعلم لانهم يدرسون الطالبات اللي كذا ينسون بطرق ثانية ما تخليهم ينسون ,, وعندهم الوسائل المناسبه
وتعرفين صعوبات التعلم وش يعني .. يعني هم طلاب طبيعيين ويمكن اذكى من الطبيعيين بس عندهم صعوبة في حاجه معينه في الدراسه ... مثل النسيان او عدم التركيز او في الضرب فقط او الجمع فقط او القراءة فقط ... فيدرسون بطريقة تناسبهم وتنتهي المشكله باذن الله

انا ما اقول ان ابنك ممكن يكون عنده صعوبة تعلم بس ممكن تستعينين بوسائلهم تخفف عليك وتختصر وقتك باذن الله ويارب يبرد قلبك ويبلغك فيه ما تتمنين ويبر فيك ... وعلى فكره انا كنت كسلانه ونسايه وما افهم الى ان صرت في الجامعه وتزوجت واعتمدت على نفسي واهتميت بعدها صرت افهم وادرس واحفظ اكثر من اول ... فالصبر جميل وحاولي تخليه يعتمد على نفسه

وهذا اللي عندي وارجو اني اكون افدتك

يااااااااارب يكون مثل ماتتمنين واحسن

الله يحفظه ويبارك فيه ويجعله قرة عين لكم