السلام عليكم خواتي
انا وايد احب هالمنتدى بالرغم من قلة مشاركتي لأني ماستخدم النت وايد... والحمدلله لقيت فيه الفايده من جميع النواحي...
ها سبب خلاني الجأ لكم خواتي في الله... انا تعبانه وايد وحالتي مايعلم بها غير رب العالمين..
انا متزوجه من 3 شهور بس يعني بعدني عروس... بس من أول اسبوع المشاكل بدت بيني وبين ريلي... ريلي ولله الحمد ريال والنعم فيه... يحبني وضحى وايد عشان يتزوجني... اهلي وايد يحبونه لأخلاقه واحترامه لهم ومعاملته الطيبه وياهم... اهله ناس والنعم فيهم وماعليهم كلام والحمدلله علاقتي وايد زينه وياهم وبالذات عمتي اللي هي امه...
بتقولولي وين المشكله؟؟؟
المشكله غيرته الزايده اللي مالها حدود واللي وصلت لدرجة الشك والتجريح بالكلام!!!!!!!!!
ريلي وايد طيب وحنون وينحط عالجرح يطيب ولا مره طلبت منه شي مهما كان وقالي لا... مغرقني بحبه وحنانه واهتمامه ويدلعني ومايبخل علي بشي... المشكله انه يحسسني انه يبا يمتلكني واذا اعترضت ها معناه اني ما احبه واني ابا انشغل عنه... يبا كل وقتي حقه حتى لو كنت ويا اهلي... انقطعت عن ربيعاتي عشانه... ماقدر المس التليفون عشان ما اعرض نفسي لكلام ماله معني... ماقدر اروح اي مكان الا اذا هو وداني... يعني ممنوع حتى اني اطلع ويا اهلي
كل ها وقلت ماعليه مع الوقت كل شي بيتغير... كنت دايما اسمع ان اللي تصبر على ريلها لها الجنه... وها اللي مصبرني غير اني احبه لدرجة الجنون واعشقه... الله يعلم اني مب مقصره وياه في اي شي... اكثر من مره شفت دموع الندم في عيونه على معاملته وظلمه لي... مع اني صابره وماشتكيت
وجازاني في النهايه بأنه ذبحني وقالي انا مابتغير وماريد اعذبج وياي خلنا ننفصل احسن.. هالكلام صارله كم يوم ولين الحين مادخلت حد في الموضوع... شوروا علي يزاكم الله الف خير... واسمحولي على الإطاله
أحلى_إماراتيه @ahl_amaratyh_1
عضوة فعالة
يلزم عليك تسجيل الدخول أولًا لكتابة تعليق.
ام سعوود
•
هلا والله بعروستنا الحلوه الدلوعه من حقج من بلاد زايد ,شوفي حياتي احمدي ربج على هالريال لان غيرج يتمنا نصه ومشكلتج واااايد بسيطه وان شاء الله مع الايام بتعرفين تغييرينه .وان تو معرس تمي عنده خلي يتهنا وسالفة طلاق انسوها من قاموسكم واليوم يوم بيرجع من دوام قوليله كيفك واذا انت مرتاح انا مرتاحه اكثر اني قاعده وياك وانتي ادرى بها سوالف سوووري طولت عليج.
أنا ويا اختي أم سعود الله يجزاها كل الخير ... كفت ووفت.... ما قصرت.. توكم معرسين يعني الريال ما شبع منج عشان تطلعين ويا ربيعاتج و أهلج .. اصبري شوي عليه... أنا ما اقولج انه باجر بيشبع و بيخليج تطلعين بس القصد انه توه معرس يباج طول الوقت وياه و تهتمينه فيه... انتي لا تبينين له انج تضايجتي و زيدي اهتمامج فيه أكثر و اكثر.. اعرف انج مب مقصرة و باين من كلامج، بس انتي خليه يحس انج مستحييييل تنشغلين عنه لو شو يستوي... الله يوفقكم ان شاءالله و يسعدكم
اختج وحيدوووووووووه :27:
اختج وحيدوووووووووه :27:
يااختي حاولو تتفاهمو ولاتروحو لطبيب اسرة لاتهدمي حيلتك وادعي وحاولي تتقربي منه وخذي الامر عادي مع الايام راح يعرفك اكثر ويقرب منك اكثر وينسى كل شي الله يسخركم لبعض ويسعدكم قولي امين
ياختى مشكلتك حلها ببساطه
انك تتفرغين له واتركي صديقاتك شوي
مصيره بيمل وبكره يبي الفكه منك
كلهم كذا اول الزواج(طبعا ماعدا زوجي لانه راد فيني من تزوجنا :( )
وبعدين يتمنى اللحظه اللى تطلعين فيها
انك تتفرغين له واتركي صديقاتك شوي
مصيره بيمل وبكره يبي الفكه منك
كلهم كذا اول الزواج(طبعا ماعدا زوجي لانه راد فيني من تزوجنا :( )
وبعدين يتمنى اللحظه اللى تطلعين فيها
خواتي:
(( أم سعود،، وحيدة الإمارات،، rere@rere،، شهاليل))
يزاكن الله ألف خير على الردود اللي ريحتني شوي وهدت بالي
المشكله مب في جيه... أنا مب زعلانه لأني ريلي متعلق فيني بالعكس ويمكن تستغربون إذا قلتلكم إن الحب بينا يزيد يوم بعد يوم... أساسا هو ماخذني إلا لأنه يحبني...
المشكله في شكه الزايد واللي بدون أسباب!!!!!!!!!!! تخيلوا إني مره خذت موعد حق الصالون ونسيت اخبره... وعلى بالي اني خبرته... ويوم رد قالي بنسير اليوم نتمشى،،، قلتله بعد موعد الصالون،،، قالي ليش خذتي موعد وماخبرتيني عنه؟؟ الله يعلم يا خواتي اني ماسوي اي شي بدون شوره... اخبره قبل ماسوي اي شي طبعا لأنه هذا طلبه هو... دايما يطلب مني اخبره اذا ابا اتصل حق اي حد حتى لو كان مشغول في الدوام... واذا مارام يرد علي اطرشله مسج واقوله انا برمس منو وحق شو!!!!
المهم انا رديت عليه وقلتله امبلا انا متأكده اني خبرتك وحتى قلتلك في الساعه الفلانيه بسير... يعني شو صار؟؟ جل من لا يسهو... وبعدين كفايه المشاغل اللي على راسي... شغل ودراسه وبيت وريل.... مافيها شي اذا نسيت مره انا مخي مب كمبيوتر... طبعا كلامي ماعيبه... تعرفون شو رد علي؟؟؟ قالي ها معناه انه في حياتج واحد ثاني واكيد قلتيله هالكلام واتحرين انج قلتيه حقي!!!!!!!!!!!!!!!!
ماتخيلون شقايل غدت حالتي... والحمدلله هالموضوع ماطول اكثر من يومين ورد اعتذر... على فكره هالموال يتكرر في الاسبوع مره او مرتين من تزوجنا... شك بدون اسباب وفي النهايه يعتذر ويقول آسف سامحيني ويحب ايدي وراسي وريولي... ولأني أحبه موت اسامحه حتى قبل مايعتذر ولأني ماريد اهدم بيتي....
هاي هيه مشكلتي.... وانا مب عارفه شو اسوي... ماريد اخسره لأني احس اذا خسرته بخسر كل شي...
واسمحولي لأني طولت عليكم مره ثانيه
(( أم سعود،، وحيدة الإمارات،، rere@rere،، شهاليل))
يزاكن الله ألف خير على الردود اللي ريحتني شوي وهدت بالي
المشكله مب في جيه... أنا مب زعلانه لأني ريلي متعلق فيني بالعكس ويمكن تستغربون إذا قلتلكم إن الحب بينا يزيد يوم بعد يوم... أساسا هو ماخذني إلا لأنه يحبني...
المشكله في شكه الزايد واللي بدون أسباب!!!!!!!!!!! تخيلوا إني مره خذت موعد حق الصالون ونسيت اخبره... وعلى بالي اني خبرته... ويوم رد قالي بنسير اليوم نتمشى،،، قلتله بعد موعد الصالون،،، قالي ليش خذتي موعد وماخبرتيني عنه؟؟ الله يعلم يا خواتي اني ماسوي اي شي بدون شوره... اخبره قبل ماسوي اي شي طبعا لأنه هذا طلبه هو... دايما يطلب مني اخبره اذا ابا اتصل حق اي حد حتى لو كان مشغول في الدوام... واذا مارام يرد علي اطرشله مسج واقوله انا برمس منو وحق شو!!!!
المهم انا رديت عليه وقلتله امبلا انا متأكده اني خبرتك وحتى قلتلك في الساعه الفلانيه بسير... يعني شو صار؟؟ جل من لا يسهو... وبعدين كفايه المشاغل اللي على راسي... شغل ودراسه وبيت وريل.... مافيها شي اذا نسيت مره انا مخي مب كمبيوتر... طبعا كلامي ماعيبه... تعرفون شو رد علي؟؟؟ قالي ها معناه انه في حياتج واحد ثاني واكيد قلتيله هالكلام واتحرين انج قلتيه حقي!!!!!!!!!!!!!!!!
ماتخيلون شقايل غدت حالتي... والحمدلله هالموضوع ماطول اكثر من يومين ورد اعتذر... على فكره هالموال يتكرر في الاسبوع مره او مرتين من تزوجنا... شك بدون اسباب وفي النهايه يعتذر ويقول آسف سامحيني ويحب ايدي وراسي وريولي... ولأني أحبه موت اسامحه حتى قبل مايعتذر ولأني ماريد اهدم بيتي....
هاي هيه مشكلتي.... وانا مب عارفه شو اسوي... ماريد اخسره لأني احس اذا خسرته بخسر كل شي...
واسمحولي لأني طولت عليكم مره ثانيه
الصفحة الأخيرة