اصبري عليه يختي مفكرة الرجال شو ؟؟؟ تراه اي رجال ما اعطيه اكثر من سنة بالعمر يعني طفل رضيع هذا من ناحية الدلع طبعا يعني عامليه كانه طفل واللي يقوله نفذيه على طول والا يبدا بالزعل .

مادام ما يطلب شي يغضب ربنا خلاص نفذيه

غيرك تشتهي ظفر هالرجال .

احمدي ربك وداريه .

أختي مهى

الحمدلله ان الله عطاني ريل شراته.... وصدقيني ماودي اخسره لأني اعرف اني مابلقى اللي يسوى تراب ريوله...

كل اللي اباه انكم تقولولي كيف اتعامل وياه عسب المشاكل اللي بينا تخف... بتقولولي اصبري الله يعلم اني صابره وماعندي مشكله من هالناحيه

يزاها الله الف خير اللي تقدر تدلني على طريقة اقدر اغير فيها ريلي... الله يعلم انا اشكثر متعلقه فيه بس الخبره تنقصني وماريد ادخل اهلي في الموضوع لأني وايد سمعت ان بيوت انهدمت بسبب تدخل الأهل حتى لو ماكانوا يقصدون...

حبيبتي أحلى اماراتية، الله يهديكم انتوا الاثنين، أنا مابا أكبر المسائل و انتي عاقلة و فاهمة، بسسس ، كونه يشك بهالطريقة لازم تسوين علاج عاجل و جذري، عشان ما يتفاقم الموضوع، يوم بيقولج أي شي أي شي يحسسج انه يشك و الا يعق عليج كلام، ردي عليه انه هو بالدنيا كلها، هو أهلج و ناسج و كل شي، تعرفين، يمكن يهدى شوي...و انتي أدرى فيه أكثر من أي حد... بالاضافة الى سوالف التلفون أنا أحس و لا تاخذين على كلامي لأني مب معرسة بس أحس أحس انه الريال ما ينقال له كل شي، ممكن تقولين له بتصل في فلانة، بس حق شو،، قوليله تعرف سوالف حريم ابا اسألها عن شي،، و بنفس هاليوم سويله مفاجأة حلوة، حركة اي شي ممكن طبخة يديدة تكوني انتي ماخذتنها من هني من حواء، بس بيني له انه ربيعتج علمتج عليها عشان يستانس و ما يتم يدقق وايد على كلامج ويا ربعج عن شو يدور.....و ما يحط في باله اي شي جهة ربعج و يكرههم.... الله يهديه ان شاءالله يا رب و يشل هالافكار من باله. هذا اللي عندي ان شاءالله الحريم يفيدونج أكثر مني...

عزيزتي احلى إماراتية....... ذكرتيني بالذي مضى
زوجي أول ماتزوجنا كان نفس الشي.....
بس كل شي مع الوقت بيخف إن شالله
يعني بعد العيال وكثرة الإنشغال
قصدي بالتدريج بيخف عليج بس صبري

زوجك يحبك كثير ويغار عليك ........يمكن الشك يخف مع مرور الايام لانكم توكم معاريس

وصدقيني اختي حتى هو متضايق من هذا الشيء........بس هذا من زود حبه لك .......والشك

حتى الحريم يتعرضوله مثلا تلقين حرمه تحب زوجها كثير بعدين تغار عليه يتطور الامر الى شك

والمنتدى مليان من شكاوي الحريم وشكهم :D ......العلاج انك تحسسيه بحبك واهتمامك ويوم

يكون موجود في البيت عطيه كل اهتمامك وسمعيه من الكلام الحلو :)