بقولكم الي صار وانا حالتي اللله الي يعلم فيها

الشيخ جاء واستقبله زوجي وجاه بيتنا اول وشرح له زوجي كل شيء وسئل مين اقرب احد له يجيه دايم فقال اخته طلبني علشان يسئلني عنه سئلني الشيخ عن صلاته اول شيء وعن هل اخوي مدخن او يشرب او يتعاطى اي شيء محذور فقلت له انه مواظب على صلاته وانه مايدخن ابد بس كان اول يحب يشرب معسل او شيشه او الي ايش يسمونه بعدين سئلني عن متى تغير وكذا وليش تغير على حد معرفتي وليش ماتزوج الى الان واسئله كثيرة المهم هو قبل مايروح لاااخوي قال مين اكثر ناس من اقاربكم كانو مهتمين فيه وكانو ديام عنده وهالسؤال صدع راسي بالمرة بس اقولكم ايش صار الشيخ مع اخوي واانا دفعت الثمن لان اخوي درى وسمعني كلام وقال ماابي اشوفيك وانا اللله لايوريكم بفراشي وقلبي انحرق واليوم جيته وغصب علية دخلت عنده وماكلمه ولا نص كلمه اليوم ساعه وانا اترجا على الباب يهون عليك يااخوي تخليني عند الباب واترجاه على الباب لما فك الباب وسمعني كلام وقال انا ماراح اجلس بهالديرة وببيع البيت وبرحل من هنا ياناس جنيت على حالي والله ماكنت اقصد اخوي بيتركني والله لاااموت لو يسويها والله لااانجن وصرت اترجاه واحب على يدينه لما قال لي خلص ماني تاركك بس لاعاد تجيبي لي احد ولا ابيك تجيني الين انا اتصل فيك
عن الشيخ قال عن اخوي مبتلى مبتلى وسئل زوجي الشيخ ايش صار بينكم يقول عن اخوي ان ماصادف احد بمثل خجل اخوي ولباقة بالكلام وانه دمعت عين الشيخ لما تجاوب معه اخوي وقال له عن الي صار له يقول الشيخ ان اخوي مدرك وانه صابر على نفسة ويعلم بحاله وان لازم يخرج من المدينه الي هو فيها ولا يجلس فيها وطلب ارقام اقاربنا مادري ليش بس ركز على اقاربنا واصحابة يبغى يكلمهم ايش كمان قال ابي اتذكر
ايه الشيخ سئل زوجي عن اخوي بعد ماراح من عند اخوي قال هل جاهد قبل كذا عن اخوي يسئل هل جاهد وزوجي قال مادري وجاء سئلني وقلت له لا عمرة ماجاهد اخوي بس كان حاله حاله الناس يحب اشرطه المجاهدين
يقول الشيخ انه لما تقابل مع اخوي يقول ماعمرة مر علية بخجل اخوي ولا باأدبة وقال بداية كلامي قلت له يابني يقول شاف اخوي عينه دمعت انا بس سمعت عن اخوي يابكي والله ياخواتي ماتدرووون بحالي ايش صار ماتهون دمعه من عين اخوي والله امووووت امووووت ولا اسمع ان عينه دمعت اه اه لو يرجع مثل اول لو يضحك مثل اول
المهم والله انا جالسة اكتب لكم واني ابكي واني والله ماني قادرة اشوف الشاشة ولا الحروف الي اكتب بس بقولكم ايش صار مع الشيخ
يقول الشيخ ليش مااحد راعاه ولا احد تقرب له بداية انعزالة ويقول ان اخوي مبتلى ولا علق كثير بس قال لاااخوي هالشيء وقال اخوي فهم هالكلام وان اخوي وعده بانه يعدل حاله
بس
يقول عن اخوي عجبه وانه مدرك لكل شيء حولة وان اخذ وعد من اخوي بانه يخرج ويعدل نفسة لاكن ان لازم يسئل اقاربي اسله معينه وبيرد علينا كمان قال ان ننتبة من لحظات يأس او شيطان تمر على اخوي لان حس بااخوي كثير ويقول يحزنني حاله ويقول ان اخوي قال له كلام حزنه ودمعت عينه ويقول اخطأت بحزني امامه لاكن اخذت وعد منه على تغير حاله لالاافضل
ويقول انه مبتلى ولا بد من علاجه بس صدع راسي من كلام الشيخ وخنقني مرة
واخوي من بعد الشيخ الله لايوريكم طار فيني
بس هذا الي صار مع الشيخ وقال الشيخ بيرجع لاااخوي هالايام وبينهم موعد واخذ وعد من اخوي على مقابلته مرة ثانية
بس زوجي قال حس من كلام الشيخ عن اخوي ان اخوي يامسحور ياصايبه شيء مو طبيعي لان الشيخ ماوضح له ولا حب يضغط على الشيخ لان الشيخ ماجاوب بشكل واضح الله اعلم ايش الي مخبية الشيخ واخوي
ويقول زوجي ان الشيخ معجب بالمرة بااخوي ويقول لاخوف علية الا من لحظات يأس قد تمر فية بعد سئل عن علاقته في الناس اول بس ماتكلم الشيخ بالضبط ايش صار بينهم بس قاله زوجي للشيخ هل يحتاج علاج نفسي او من هالامور قال له الشيخ القرأءن علاج النفس وانشالله ان اخوي مؤمن قوي بس قال انشالله هالشهر بيشوف ايش يصير مع اخوي لان يقول اخذ عهد ووعد من اخوي وانشالله يارب ياكريم انه يتغير اخوي
بس زوجي يقول فية شيء كثير بس الشيخ ماوضحهه المهم الشيخ وصاني ان لازم بااي طريقة ان اخوي يطلع من هالمدينه هذا الي وصاني فية واعطاني ادعية وسور القرأن وايات الي اخوي لازم يقراها لمده شهر مع ماء زمزم بعد ايش فية والله اني ناسية الشيخ صدع راسي بالمرة يارب اشفي اخوي ولا تحرق قلبي علية
والله اني دفعت الثمن واخوي الله لايوريكم ياطار فيني وصرخ فيني وانا بس محروقة علية ولا راضي يفهم
حسبي الله ونعم االوكيل على كل من اأذى اخوي حسبي الله ونعم الوكيل

أهم شيء

لا يحسون أقاربك بوجود الشيخ

حتى ما يستحي أخوك

و بعدين يترك البيت ..


الله يشفيه عاجل غير آجل

و تفرحين فيه ..

لا حول ولا قوة الا بالله العلي العظيم
ما قول الا الله يرفع عنه ويساعده يااارب شدة وتزول باذن الله تعالى

الله يفرج عنكم ويشفي اخوك عاجل غير اجل ويشفي المسلمين جميعا