ساعدوني الله يخليكم.....مشكلتي صعبه

السلام عليكم

بغيت مساعده يابنات في هذي المشكله الي ماادري وش الحل فيها؟؟؟

أنا يابنات مو مشكلتي في البشره أو في الشعر أو في ....(مشكلتي فيها كلها)

من البدايه:

شُفيت من مرض دام لمدة سنه ونصف والحمد لله و المشكله هنا الأثار الي خلفها عليه المرض..

تساقط شعري مع قشره كثيره وتقصف في شعري وأعاني من أسمرار شديد في بشرتي بدأ في يدي ووجهي وبعدين صار في جسمي كله خلال مرضي والحين بعد ان تشافيت منه ولله الحمد منذ6 شهور بقيت بشرتي مثل وأنا مريضه وصار وجهي رمادي وحول عيوني سواد مو طبيعي كني مضروبه على عيوني حتى أني البس النظارات الشمسيه في البيت وطالع أماكن في وجهي مثل الذقن وأطراف الأنف والجزء القريب من الأذن ورقبتي وشفايفي غامقة ورحت لدكتورة بشره واعطتني مبيض ولما حطيته حسيت أن الأماكن الغامقه بالأخص حول العينين صار بارزه وشفايفي صار ماينفع فيها المرطي العادي ناشفه ومتقشره مره وعيوني أحسها مثل عيون الي توه قايم من النوم.
ورجولي صايره من تحت مثل رجول الرجال الله يرحم رجول الرجاجيل جنب رجلي وأظافر يدي كل ماأطولتها تشققت.
والطامه الكبرى أني لما مرضت ماقمت أتحرك كثير وزاد وزني مو كثير بس مو مثل أي زياده عاديه طالع جسمي مو مشدود حتى وجهي أحس مو مشدود مره الي يشوفتي مايقول وحده عمرها 19 كأني وحده عمرها فوق الأربعين..


من أول ما مرضت ماسافرت لأقاربي ولا أحد بعد شافني ولا أحد درى اني مرضت من الأساس واتمنى ماأحد يشوفني بهاذي الحاله. بسافر لهم في الأجازه بعد خمسه شهور :icon33:


هذي مشكلتي ماعاد عندي امل الافيكم بعد الله.

ملاحظه:
أنا وحيدة أهلي وماعندي خوات كبار وأعتبركم خواتي الي عندها حل لاتبخل عليه الله يوفقكم