بنت النيــــــــــــــــــــــل بارك الله فيج مشكوووووووووووووره يالغاليه ما قصرتي احرجتي تواضعنا :)


اختي حبيبتي ممكن نعيد دفت الحوار مره ثانيه والله افكر فيج وحاسه فيج
(((((((أولا هو فيه عيوب كثيره أنا ماذكرتها مثل يبغاني أكشف على اخوانه ويبغاني ألبس عبايه على الكتف وأنا ألبس على الراس)))))


في عيوب في الانسان يالجوري لها حل وفي عيوب صعب تعديلها بس ما في شي اسمه مستحيل في تصرفات نقدر نتغضا
عنها عندما تكون في حدود الشرع بس اذا انتي حاسه انه شخص مش ملتزم !!!!! لا بد ان تفكرين في شيئين

يا انج تتوجهيه لله بدعاااائج عسى الله يهديه لج وترضين
يا انج تفكرين في وضعج مليووووووووووون مره

صدقيني سهل باذن الله سهل بس عيدي الموضوع وهاتي ورقه وقلم وتمي كتبي عيوووووووبه كلهن
وردي كتبي حسناته كلهن وقاااااااااااااااارني
وردي كتبي العيوب الي تقدرين تتحملينهن والعيوب الي مستحيل تسكتين عنهن وقارني بالطريقه
هذي انتي تتخذين القرار بناء على العقل واين كانت النتائج بالايجاب او السلب بتكون الصدمه اخف
لانج اخذتي قرارج عن طريق العقل والدراسه .

وطلباته هذي اذا انتي رافضتنهن لا زم من البدايه تخبرينه وتوضحيله انج مستحيل تتنازلين عن اشيء مقتنعه
فيها انا اكتبلج جيه ما اقويج بس الموضوع دخل في شرع الله اما امور الدنيا كوني لينه لابعد الحدود مع حفظ الكرامه
وبعدين اذا الله كتب وخذتيه بيتغير وبطبع بطبعج اذا انتي ذكيه الرجل مثل الطفل تماما وبعدين الريايل يتغيرون بعد العرس الايام الاولى صعبه وبعدين تهدى .

((((((((((((((((((((((((زعله الكثيييييييييير على أسباب مالها داعي تافهه وربي تافهه ويستمر مقاطعني فتره طويله واذا دقيت عليه طنشني فصرت اطنشه لين مايرجع من نفسه ولا يعتذر ولا كأنه سوى شي وهذا الشي تعب قلبي كثير وصبرت كثيروتحملته كثير وخايفه كيف بقدر أعيش مع شخص زي هذا بس قلت في نفسي يمكن ينصلح حاله بعد الزواج ))))))))))))))))))))

انتي يالغاليه الي عودتيه على جيه يقولج ريلج على ما تعودينه وولدج على ما تربينه مثل مشهور بس ممكن اصلاحه شوي شوي بس المفروض تحاولين من البدايه تمتصين غضبه وترفضين المقاطعه لازم الموضوع يتناش في نفس الحظه ويتسكر الباب ممكن يكون في زعل بس لازم من تصبحين على خير فليل وصباح الخير الصبح لا ترقدين وهو
زعلانه وعوديه انه ما يرد وانتي زعلانه الا مراضنج وقص الاعتذار هذي مهمه وانتي بالسياسه تقدرين توصليلها
فنفرض فيه مشكله اول شي خليه يتكلم لا تقاطعينه ابدا يوم يسكت ابدي تكلمي وحطي اول كلمه حبيبي او عمري او حياتي ليش نلطف الجو ويكون صوتج هادي منكسر وتقوليله ان استاهل هذا منك انته الي لو تطلب عمري قدمته فدى عيونك انا ما اتمنى يحصل بينا زعل وانا فاهمه وجهت نضرك ووهيه صحيحه وحتى لو اختلفنا في بعض النقاط لا طلعينها غلطااااااااااااان لا وبعدين ناقشيه بهدوء وخذي رايه وقوليه وانته شو رايك يعني انته تتوقع لو سوينا الي توله صح والى اخره يعني النقاااااااش مش الصراااااااااااع وعن قصة الكشف عند اخوانه قوليلها انا ملكك انته بس يا رووووووووحي مش لحد غيــــــــــــــــــــر يعني عززي فيه جوانب الغيره وليله ابصراااحه انا ما اتخيل حد يطالعني غيرك يعني هاتيه بالسياسه بتقوليلي انا وين وانتي وين بس انا اقولج جيه لان عندي حل للنوضوع واتمنى الله يهديني على الصالح ولا اريدج تنسسين ان مافي انسان كامل والكمال لله وحده يعني كل شخص بتحصلين فيه عيوب ويمكن عيوبه اهون من غيره لازم تفكرين لازم .


(((((((((((((((((((( شخصيته ضعيفه جدا ومهزوزه ولا عمره كلم أهلي بشي يخصنا أو يتدخل بشي كل الأمور يتكلم فيها أخوه الكبير لأن والده متوفي حتى تفاصيل زواجنا من دعوه كروت زفه قاعه فندق ماااايدري عن شي متكل على اخوه مو كأنه زواجه حتى إني قلتله ليش انت ماتكلم أهلي ليش ماتتحرك لازم يكون لك دور هذا زواجك يقول لي أخوي يعرف مصلحتي يعني شخصيته ممسوحه قدام أهله وأخوه وهذا شي يخوف في المستقبل مايقدر يسوي شي الا بشورهم
بعدين أنا حاولت اتكلم معاه بخصوص زواجنا والمشاكل اللي صايره مايقول شي مفيد يكرر كلام أخوه وبعدين قاهرني بروده مو مهتم مو كأنه احتمال نفترق شكيت انه يحبني او انه لي قيمه عندي)))))))))))))))

شوفي الي تتكلمين عنه مش ضعف في الشخصيه ولكن تقدرين تسمينه اتكاليه لان ابوه مات اخوهم حاول يسيطر على
الوضع وياخذ مكان الوالد واصبح اشد بقليل وصارت كلمته في البيت مسموعه لدرجة الكل يعتبر كلامه مثالي وينصاغون له طبعا انا استشفيت من خلال كلامج فلا تلومينه هوه مثل النخله وفسائلها يوم تكون تحت النخله الفسيله
تكون معتمده اعتماد كلي على النخله ولكن بمجرد ما تشلينها وتحطينها في تربه صالحه ورعايه مركزه شوي شوي بتنمو بتكبر وتصير نخله مستغله بذاته والتربه الصالحه هذي انتي هذا النوع من الرجال يعتبر خام وتستطيع المرئه ان تشكله بطريقه او باخر ولكن بالاتكال على الله الدعاء الصبر المعامله الطيبه لان مش سهل على الفسيله الانفصال عن النخله في يوم وضحاها لازم تبتدي تثبت جذورها في الارض وتوى وبعدين تعتمد على حالها اختي وحبيبتي لا تتسرعي ابدا ابدا ابدا والمشاعر مش ترمومتر اختبار والرجل مواقف اي نعم ولكن بينج وبين هذا الشخص شرع الله ومن طلبت الطلاق لسبب تافه حرم عليها دخول الجنه بما معناه ((((((( ما اعلم مدى قوة هذا الحديث بس اسمعه وايد ))))))
وتعتبر الاسباب هذي غير كااااااااافيه لفرا اريدج تتانين تتانين تتانين ولا تاخذين القرار بهذي السرعه

انتي عيدي الكره وجربي الطريقه الي كتبتها لج في الاعلى وبتقدرين توصلين للحل لان بتبين قدراته وامكانياته


((((((((((((أنا فكرت كثير وقلت هذا مو الانسان اللي يستاهل اني اضحي واوقف في وجه اهلي عشانه))))))))))

بس اهلج في البدايه قبلوه وانتي بعد ولكن لعدت اسباب انلبت الميازين

(((((((((((((((((وأنا استخرت الله كثير وحاسه بعدم راحه لاكمال الزواج خصوصا بعد كلام أهلي لي وأهلي اليوم بيجتمعون وبيكلموني عشان اقولهم رأيي الأخير وأنا قررت أقولهم أنا راضيه باللي تقررونه وانا معاكم )))))))))))))))

وبما انج استخرتي الله وما رتحتي عليج بالتالي واتمنى تسوينه لانه العقل بذاته .

1_ اول شي تناقشين الموضوع بالكامل مثل ما قلتلج للمره الاخيره مع زوجك .
2_ تعطينه فرصه عشان تقدرين تقيمينه وتشوفين اذا هوه اهل لج ولا لا .
3_ يتاجل مشروع الزواج لبعد رمضان ( مهم يتاجل لا تاخذين قرارج وانتي زعلانه يمكن هوه بالبعد يحس بقيمتج ويتغير )
4_ روحي للعمر وحاولي الدعااااااء والالحاح بالدعاااااااااااء ان الله يكتب الي فيه الخير وتقربي من الله اكثر .
5_ في الفتره هذي لا تبتعدين عنه لا بالعكس خليج القريبه البعيده ممكن تتواصلين معاه عن طريق الايميلات او المسجات بس بثقل ممكن ننتقل للمرحله هذي اذا سمعتي كلامي.
6_ وخلال هذي الفتره انصحج بكتاب اسمه الرجل من المريخ والنساء من الزهره بيساعدج وايد صدقيني
تحفه الكتــــــــــــــــــــــــــــــــــــاب .

وأخر كلامي ابعدي فكرت الطلااااااااااااااااااااااااااااااااااااااااااق
وعطي نفسج وكت وعطيه فرصه ماشي باقي عن رمضان شهر و شهرين كفيلات انها تبين لج الامور
على حقيقتها واسل الله العلي العظيم ان ييسر امرج .

نصيحتي لا للطلااااااااااااااااااااااااااااااااااااااااااااااااااق نعم لتاجيل الزفاف وشوفي الوضع كيف بيصير
اذا ما وافقوا على التاجيل ردي كتبيلنا عشان نصحج بما يرضي الله .

السلام عليكم

أشكر الخوات اللي ردوا كل الشكر ابريز وتبوله وريماالله يحفظكم

أختي بدر البدور مو عارفه كيف أشكرك على ردك وتفاعلك معي ياغاليه كلامك خلاني أعيد النظر في حاجات كثير
تسلمين لي يااختي العزيزه

خليني أقولك اللي صار
زي ماقلتلك أهلي اجتمعوا وسألني الوالد قلت ياابوي أنا راضيه باللي انتوا تقررونه قال يعني نكلمهم ونقولهم خلاص قلتله خلاص اللي تشوفونه وراح واتصل على أخوه وقاله خلاص الموضوع منتهي والله يستر علينا وعليكم قاله اذا تقولون هذا الكلام خلاص طيب .
واليوم اتصل زوجي على ابوي وقاله أنا مابطلق أنا أبغاها وهي تبغاني مانبي احد يفرق بينا قاله ابوي طيب نشوف واردلك خبر اليوم الليل . وجا أبوي وقالي زوجك اتصل وقال كذا وكذا هاه انتي تبغينه ومقتنعه فيه ولا نقوله البنت ماتبغاك قلت لا يابوي لاتقول البنت ماتبغاك خفت انه ينصدم او ينجرح قال طيب اش تبينا نسوي اللحين قولي قرارك عشان ارد عليه اليوم الليل اذا انتي تبغينه خلاص راح نتنازل لهم ونمشي الزواجه واذا ماتبغينه نقوله هي ماتبغاك
يعني أنا صرت بين نارين اذا قلت أبغاه راح أذل أهلي وأحرجهم وأخليهم يضطرون يوافقون ويتنازلون عن شرط البيت ويتنازلون لهم عن كل حقوقهم وعن استهانتهم فينا وهذا الشي ماارضاه لأهلي لايمكن أرضاه لأنهم راح يزوجوني وهم مذلولين ومضطرين ومو فرحانين وأنا بنتهم الوحيده ، وإذا قلت ماأبغاه أخاف ينصدم الرجال لأنه يحسبني متعلقه فيه أخاف نفسيته تتعب وهذا شي صعب علي كنت أبي الرفض يجي من أهلي مو مني ، والله العظيم متضاااايقه ومحتاره ومادري اش اسوي صديقتي قالتلي قولي لأبوك هي رايها من راينا يا إنك توفر بيت مستقل لها ولا مافي زواج .. المشكله يابدر البدور حتى لو أبي أكلمه واتفاهم معاه هو مقاطعني له اسبوعين لسبب تافه مااقدر أهين نفسي وأكلمه ، ماكلف نفسه وسط كل هالمشاكل يتصل ويسأل عني ويتفاهم معي او يقولي كلمه حلوه تشجعني حاسه اني مالي قيمه عنده يبغى حرمه وبس .

ردوا علي اليوم لأني لازم اتخذ القرار اليوم أمانه لا تتأخرون

وكل وحده تشوف موضوعي تدعيلي من قلبها تراني محتاجه دعواتكم الله لايحرمني منكم
الله لايحطكم في موقفي ولايوريكم الحيره والألم والتعب اللي أنا فيه

ياودود ياودود ياذى العرش المجيد يا فعال لما تريد اسئلك بعزك الذي لايرام وبملكك الذي لايضام و بنور وجهك الذي ملأ اركان عرشك ان تيسرها على اختي وتكتب لها الخير يا ارحم الراحمين....

اللهم اني اسألك بانك انت الاحد الصمد الذي لم يلد و لم يولد و لم يكن له كفوا أحد ان توفق اختي جوري لما فيه الخير لها يا ذا الجلال و الاكرام....

وعليكم السلام ورحمة الله وبركاته

حبيبت قلبــــــــــي ريحي باللللللللللللللج
مادمتي مع الله الفرج قاااااام
نرجع للمناقشه وان شاء الله اقدر اساعدج


((((((((((((((((((((زي ماقلتلك أهلي اجتمعوا وسألني الوالد قلت ياابوي أنا راضيه باللي انتوا تقررونه قال يعني نكلمهم ونقولهم خلاص قلتله خلاص اللي تشوفونه وراح واتصل على أخوه وقاله خلاص الموضوع منتهي والله يستر علينا وعليكم قاله اذا تقولون هذا الكلام خلاص طيب . ))))))))))))))))))))


هذا شي صار وخلاص ما اقدر اناقشه كنت اتمنى انج سويتي الي قلتلج عليه :(


(((((((((((((((((((واليوم اتصل زوجي على ابوي وقاله أنا مابطلق أنا أبغاها وهي تبغاني مانبي احد يفرق بينا قاله ابوي طيب نشوف واردلك خبر اليوم الليل . وجا أبوي وقالي زوجك اتصل وقال كذا وكذا هاه انتي تبغينه ومقتنعه فيه ولا نقوله البنت ماتبغاك قلت لا يابوي لاتقول البنت ماتبغاك خفت انه ينصدم او ينجرح قال طيب اش تبينا نسوي اللحين قولي قرارك عشان ارد عليه اليوم الليل اذا انتي تبغينه خلاص راح نتنازل لهم ونمشي الزواجه واذا ماتبغينه نقوله هي ماتبغاك )))))))))))))))))))))))))))

اتصال زوجج لج هذي نقطه ايجابيه جدا والمفروض انج تاخذينها بعين الاعتبار ( وخوفج على مشاعره دليل حب )
يعني لو تفكرين شوي بتلقين الحل بسيط جدا ولا للتنااااااااااااااااااااااااااااازل لا .

(((((((((((((((((((يعني أنا صرت بين نارين اذا قلت أبغاه راح أذل أهلي وأحرجهم وأخليهم يضطرون يوافقون ويتنازلون عن شرط البيت ويتنازلون لهم عن كل حقوقهم وعن استهانتهم فينا وهذا الشي ماارضاه لأهلي لايمكن أرضاه لأنهم راح يزوجوني وهم مذلولين ومضطرين ومو فرحانين وأنا بنتهم الوحيده ، وإذا قلت ماأبغاه أخاف ينصدم الرجال لأنه يحسبني متعلقه فيه أخاف نفسيته تتعب وهذا شي صعب علي كنت أبي الرفض يجي من أهلي مومني )))))))))))

لا بين نارين ولا شي الحل بسيط بس يريده بعض التنازلات ( بس كنت ابا الرفض ايي من اهلي الي افهمه انج ما تريدينه خلاص )؟

ردي علي انا عندي حلين اذا تبين ترفضين وبشكل مهذب وانتي بعيده عن الموضوع ولا اي منه ممكن افيدج
واذا تريدين تردين المياه لمجاريها ممكن افيدج .

لان صعب اكتب الحلين ابا اعرف انتي شو قرارج ؟
واسفه على التاخير وانتظرج على احر من الجمر