اختي jory2004 الله يوفقك ويييسر لك الصالح والخير لك يارب

عزيزتي الرجال بداله عشره والاهل مالهم بديل ياالغاليه وترى ابوك الله لايحرمك منه واخوانك يبون يحفظون كرامتك وقيمتك قدام الناس والرجال واسمحي لي زوجك بعد اذنك ضعيف شخصيه وزعول وكثير تزعل وفوق كذا يامرك بامور فيها معصيه للخالق ولاطاعة لمخلوق في معصية الخالق واسمحي لي والله مش هذا الشخص اللي علشانه اضحي بابوي وخواني واهلي وكرامتي قبل كرامتهم علشانه ومسالة تحبني واحبها ولا تفرقون بيننا خلاص دامك حريص على حبي انا اللي هي انتي ليه انتي تتنازلين علشان تحافظين على الحب واهو وينه ما يتنازل ويسوي لك اللي شرطتي وبعدين ياختي حتى لو هو اللي تكفل بمصاريف العرس ماله حق انه يلغي اسم اهلك من البطاقه يكفيه شرف انه ناسب اهلك
اختي تكفين فكري صح ولا تاخذك العواطف وتخسرين اهلك علشانه ابوك ياحياتي يشاورك ويسالك علشان بكره ما تحسين انه ظلمك مع انه اللحين انتي واقع عليك الظلم من الرجال واهله
اسمعي كلام اهلك وخليك وراه واهلك ياحبيبتي هم سندك وعضيدك بكره لاغلط عليك لا سمح الله
وقلت لك الرجال بداله الف والا عشره والا الاهل مالهم بديل

اسمحي لي اكلمك وانا قلبي مع ابوك ياحياتي لاني احب ابوي مووووووووووت الله لايحرمني منه يارب واحس بمشاعره لاني اتذكر لمى كان يجووني ناس يخطبوني ويرفضهم ويشرح لي ليه رفضهم وكيف يقول لي انت يابنيتي جوهره مش اي واحد ياخذها لازم القى لتس من يصونتس وسبحان الله ابوي لمى يشوف الرجال يعرفهم زين لان عنده فراسه ووالله ما كان يشرط عليهم ابد وكان يمنعنا اني وامي انا نشرط ويقول هالرجال ما ينشرط عليه هو اللي يشرط من كثر ما توسم فيه الخير والكرم والرجوله والحمد لله ما خاب ضنه ولله الحمد وماشاء الله تبارك الله اللهم بارك
معليش طولت عليتس
انا اسفه ان طولت والا قسيت والا غلطت ومنك السموحه

هلا بأختي وعزيزتي الغاليه بدر البدور

الحمدلله على كل حال وتسلمين على دعواتك الطيبه ياغاليه الله لايحرمني منك
والله حتى أنا أحبك في الله والله يعلم لأنك نعم الأخت المحبه الله يحفظك ويسعدك
:24: :26:

هلا أختي واحة الأمل تسلمين عزيزتي ألف شكر لك


هلا أختي maui

والله انك صادقه في كل كلمه قلتيها والحمدلله اللي وفقني لاتخاذ هذا القرار وأني حفظت كرامتي وكرامة أهلي
الله يخليلك أبوك ولا يحرمك منه إن شاء الله صحيح مافي زي الأهل يعرفون مصلحة أولادهم ويحسون بأي شي ممكن يأذيهم
انتي ماقلتي الا الصح ماقلتي شي غط تسلميييين الله يسعدك يارب

مشكورات يابنات حسستوني براحه أكثر بردودكم الله لايحرمني منكم قولوا آآآآمين

تحياتي لكم ،، :26:

الله يوفقك ياختي وييسر لك امرك يارب والله يعوضك خير يارب وسبحان الله ياااااااااما مرت علينا تجارب فكرناها نهاية الدنيا وسبحان الله التفت لها اللحين واضحك عليها
وعلى فكره الرأي اللي كتبته صدقيني رأي زوجي نفس الشئ قالي مااااااااالها غنى عن اهلها مهما يكون
وطمنينا عليك وعلمينا بأخر التطورات
اسأل الله العلي العظيم ان يكتب لك من كل هم فرجا ومن كل كربامخرجا يارب

لا تفكرين و لا تعورين راسج ...انا انصحج تتركينه يعني اذا شخصيته جذي من البدايه فعلى شنو راح تاخذين شوفي الغاليه هذا زواج مو لعبه يعني طول عمرج بتكونين معاه و انت اكتشفتي شخصيته الضعيفه و عقله الصغير لما تختلفون و كيف ان اهله ما يحبون مصلحة ولدهم و بخلهم الزايد عن الحدود...و اكبر غلطه اتسوينها انج اتكونين ساكنه مع اهله ..تعرفين وايد بنات اعرفهم غلطوا هالغلطه و شوفي كيف حالتهم الحين ..يكسرون الخاطر كل يوم مشكال غير هذا في مجال كبير ان اي شخص من اهله يسويلج سحر و هالسوالف الي اتسد النفس لو سكنتي معاهم ...و اعرفي شي واحد محد من اهله و لا خواته راح يفيدج يوم بتتزاعلون لانهم كلهم راح يوقفون ضدج حتى لو كان هو الغلطان.....انت من حقج اتعيشين حياه سعيده بس موب مع هذا الانسان و مع هذي الشخصيه الضعيفه ..دوري واحد عند شخصيه قويه و يعتمد على نفسه في كل شي و صدقيني الي شخصيته قويه ما راح يزعلج في يوم ليش لانكم حتى لو زعلتم من بعض ما راح يطنشك اسابيع بل بالعكس راح ترضون في نفس اليوم لانه تفكيره ناضج:21::21:........الله يوفقج