ساعدوني ... ايش اقول لابني " خايف من الموت" ...

مااعرف ايش اقولك الله يخليك لولدك ويخلي ولدك لك

الله لا يحرمك منه ولا يحرمه منك ابدا يا رب
خبريه يدعي الله لا ما يحرمكم من بعض
وان الله قريب سميع ومجيب لدعائنا
احكيله انه اللي بيدعي وبيطلب من الله ... الله ما بيخيبه ابدا لانه هيك قلنا بالقران الكريم
وقوليله انه هاد الشيطان بيضل يوسوسله ويخوفه لانه ما بده ياه شوفو فرحان ابدا
فبيحاول يحزنه .. طبعا علميه بس يجيه هالخوف يتعوذ من الشيطان اول شي
وبعدين يقرا سورة الناس .. او اي شي حافظه من القران ورح يرتاح وينسى ان شالله
بحال رجع فتح هالموضوع قوليله
انك دعيتي الله تشوفيه عريس و تشوفي ولاده .. وواثقة انه ربنا رح يستجيب لك لانه هو دايما عند ظن عباده المؤمنين .. وهو لازم يكون ظنه متل ظنك

وان شالله بتشوفي ولاد ولاده يا رب

مشكورين جميعا على الرد ...

اختي m600600
شكرا وتسلمي على الدعوة

اختي انسام

انا بقول له ان الله قريب وبقول له ادعي ..لكن وبكل صراحة ما بقدر اطمنه مية بالمية ان اذا ادعى خلاص انتهى الموضوع ....لان الموت علينا حق متل ما بتعرفي وما حدا بيعرف متى ...بخاف ااكد له ان الله رح يستجيب دعائه واموت بعدها يايام ما حدا بيعرف ربي شو كاتب .....اذا صار لا سمح الله شو رح يكون شعوره ؟؟ بخاف يصير ما عاد يصدق ولا يدعي " اسنغفر الله " >>>> شايفة افلام كثير

بس لو جينا للحقيقية هذا ممكن يحصل صح ولا انا غلطانة؟؟؟ ....

انا قلت له انت ادعي والله بيساوي الي فيه خير الي ولك

اختي ست الحسن ما قصرتي الله يعطيك العافية

انا قلت له كلام مثل كلامك لما قال لي خايف من الحرامي يدخل البيت قلت له ان الخوف شغلة طبيعية بالانسان بس الي مو طبيعي ان يزيد الخوف لدرجة كبيرة تاثر على حياة الانسان وتفكيره وقلت له انا كمان بخاف يدخل الحرامي للبيت ....قلت له الله خلق الخوف فينا علشان نذكره ..لما نخاف من شئ نذكر ان الله موجود وندعيه ونقرأ قران فخلاص بروح خوفنا ان شاء الله

وفهمته ان نحن بناخذ بالاسباب وبندعي وبنترك الباقي لله ...يعني منتاكد الابواب مقفولة والشبابيك مسكرة وخلاص ..وقتها ارتاح كتير وما عاد جاب لي سيرة الحرامي

بس فتح سيرة الموت ...ان شاء الله رح احاول اقرا وافيدكم بالي بشوفه والله يعطيك الف عافية

اختى اذا رجع قال لك نفس الكلام
لازم تعرفى هذه الفكره من مين سمعها من المدرسه ولا من اصدقائه ولا من التلفزيون ولامنك ولامن ابوه
ولما تعرفى المصدر خليه يقللك ايش حصل فى الموقف وساعتها بتتصرفى على حسب الموقف
لازم لما تكلميه خلى مستوى تفكيرك نفس مستوى تفكيره ولما تكلميه كونى ماسكه ايديه حتى يحس بحنانك ووجودك حوله وخلى كلامك مبسط ومع ابتسامه حتى يشعر بالامان
وبين كل فتره وفتره ملسى بيدك على شعره حتى يشعر بحبك وعطفك عليه
اخر شى قولى له ما تخاف قاعده على قلبك ما حروح بعيد واضحكى ......بمزح معك
الله لا يحرمك منه ولا يحرمه منك ابدا يا رب
اللهم امين

الله يخليلكم ولبعض يا فتاة وتشوفيهم عرسان ان شاء الله

اختي عليك غرس العقيدة في قلبه في حب الله ورسوله والرضاء بقضاء الله وقدره
وان عمرنا الله اعطانا اياه امانة انحافظ عليها ونعمل الاعمال الي امرنا الله فيها
ونجتنب نواهيه حتى ندخل الجنة وتجتمعوا كلكم مع بعض ومع من نحب
وان الله سبحانه وتعالى ارحم منك عليه ودائما بختار الاحسن لالنا
واذا اصابتنا مصيبة لازم نصبر والله بيكتبلنا حسنات
وانت اذا مرضت ماما بتعطيك الدوى لكن الله الي بيشفينا
وان ما لازم اتفكر وتسبق الاحداث يا ماما
الله مقدر للانسان عمره ورزقه في ناس بتعيش وبتكبر متل جدو وتاتا
وفي ناس الله بوسع عليها بالرزق وفي ناس بكون ضيق ولازم الواحد
دائما يشكر الله على كل شيء
وعلمي الاية ( قال - تعالى - : {قُل لَّن يُصِيبَنَا إلاَّ مَا كَتَبَ اللَّهُ لَنَا}
وخلي يشوف انك انت مو خايفة من الموت لانك بتعملي الصح
وهو كمان ما لازم يخاف لانه الله ارحم بنا من نفسنا
طبعا بصورة مبسطة تتناسب مع عمره وانه الشيطان بحاول يشغل
الانسان بهذي الافكار حتى يضعف همته ويدخل الشك في قلبه
وانه يقول اعوذ بالله من الشيطان الرجيم ويقرا قصار السور
وان هي رسول الله صلي الله عليه وسلم توفي ونحن نحبه اكتر من نفسنا واهلنا
والحمد لله بنعمل الي وصانا فيه مشان يكون مبسوط منا
وهيك بتكوني غرستي في حب رسول الله كمان واذكريله الجنة وحلاوة الجنة

الله يهدي باله ويحميلك ياه اسفة على كتابتي العامية لكن هاد الي خطر في بالي