ساعدوني باكلات خفيفه

مثلا لو حايه تسوين كيك انا اسوي العلالي واحط نص الكرتون مع بيضه وحده وملعقتين اكل زيت واحط مويه لما احس قوامه مضبوط ويطلع ماشاء الله مره مضبوط بصينيه صغيره البايركس
المعجنات سوي كاستين دقيق و3ملاعق حليب بودر و3ملاعق سكر وملعقه خميره فوريه وملعقه باكنج ورشه ملح وربع زيت حطي كل المكونات بالخلاط ماعدا الدقيق والباكنج وبعد ماتخلطيها اعجني الدقيق وخليها لما تتخمر وبامكانك تسوي فيها بيتزا بس افردي العجينه وممكن تسوي بباقي العجين تشكيله من زعتر وجبن ونقانق
ممكن تجيبي عجينة بف باستري وتسوي منها كذا شي ممكن تحشيها جبن او نقانق او زعتر او لحم مفروماو دجاج او ممكن تسوي منها حلا احشيها جبن كيري وبعد ماتستوي سقيها شيره اوحليب نستله وممكن تطويها على شكل مثلث وبعد مايتحمر ممكن تقيه من النص وتحشيه نوتيلا
ممكن تسوي بسبوسه بصينيه صغيره البايركس انا احط نص كوب سميد وربع كوب سكر وربع كوب حليب بودر وملعقه صغيرة باكنج وملعقه ص فانيلا وعلبه قشطه و3ملاعق اكل زيت وشوي مويه يمكن ملعقتين او ثلاث وحطيها بصينيه مدهونه زيت واذا خرجتيها من الفرن سقيها هالطريقه حطي عليه نص علبه حليب بوني على النار وحطي نص فنجان شاي سكر ولماتحسي السكر ذاب طفي عنها وضيفي عليها ربع علبه حليب نستله وتلذذي باحلى بسبوسه
ممكن تجيبي عجينه سبرينق رول وتحشيها اللي تحبي وكمان عجينه سمبوسه وتحشيها اي حشوة وممكن تسوين كميه وتحطيها بالفريزر وتاخذي المقدار اللي تبين
كمان فيه ببنده في الثلاجه منتجات الكبير مره حلوه فيه سمبوسه جربت جبن روعه وجربت كمان سبرينق رول بالخضار مره حلو
ممكن تشترين عجينه السنبله للبيتزا جاهزه بس انتي سوي صوص طماطم وتحطيه على العجينه وتحطي جبن وفطر وفلفل الوان وزيتون
ممكن تسوي لقيمات للعصريه وتشيز كيك باصغر صينيه وتشيز كيك الجالكسي فيه حلويات تقدري تنقصي وتزيدي بمقاديرها
هذا اللي ببالي ان شاء الله تستفيدي:heart:

التوست احس ضروري في البيت
قطعي التوست داير او مربعات عشان الاطراف ماتروح وجيبي صلصة البيتزاء الجاهزه او اخلطي كتشب مع شوي مايونز وحطيها وبعدين حطي مكونات البيتزاء المتوفره

وتقدرين تحطين الحشوه بيض وجبن او مرتدلا وبيض وجبن شرايح
سهل التفنن بالتوست ويفك زنقات حتى للضيوف واشتريلك الاشاء مثل همبرقر مجمد وبوب كورن دجاجج وفطير مشتلت وسمك فيليه مجمد ونجت وخليها بالفريز اذا اشتهيتي شي فكي لفريزر وصلحي وبالعافيه عليكم يارب

يعطيكم العافيه ماقصرتووووووووووووووا

بالنسبة للكيكات المالحة وحتى الحالية او اي حلا شفتيه وعجبك
المقادير تكون بالكاس انتي سويها بفنجان قهوة تركية او بيالة
وامشي عالمقادير واللي مو بالكاس حاولي تقدرينه تقدير بحيث تسوين مرة قليل على قدكم

الكيك الجاهز حطي بيضة وحدة او بيضتين وشوي زيت وبيالة موية وحطي عليها من دقيقق الكيك لين تحسين قوامها صار ممتاز وسويها كب كيك بيطلع لك عدد قليل بتخلصونه بيوم او يومين انتي وزوجك والبنونة عليكم بالعافية

كذلك جيبي من الفواكه وقصصي العصريات وكلي واكلي البنت
الفواكه مفيدة جدا
وممكن نفس الشي بالخضار خيار خس جزر

وفيه شغلات اذا سويتيها اقسميها بصينيتين صغار وحدة اطبخيها وحدة فرزنيها والمرة الجاية طلعيها وحمريها بالفرن
او البيتزا صغار حطيها بالفريزر ووقت ما تحبين طلعي كم حبة واخبزيها
ممكن تراجعين مواضيع المفرزنات مليانة باشياء حلوة

واذا سويتي شي وطلع كثير حطي نصه بصحن بلاستيك وعطوه عامل البقالة اللي جنبكم او عامل نظافة او محطة بنزين
ولكم أجر

البنت اعرف كم عمرها بس ممكن تسوين لها سيريلاك او بسكوت تغمسه بحليب او رز ولبن او زبادي او كورن فليكس او شابورة
اي شي

والله يوفقك

دعواتك

الله يسعدهم الاخوات ما قصرووو