ساعدوني بحل لمشكلتي...

صباح الخير للي عندهم صبح ومساء الخير للي عندهم مساء،

قصتي هي إني متزوجة من ست سنين وعندي بنت راح تكمل خمس سنين كمان شهر وولد عمره سنة وثمان شهور، وأنا موظفة وطبعا لا عندي خدامة ولا ما يحزنون، وعمري 31 سنة.

من يومين رحت للدكتورة مشان عندي التهابات وفحصتني داخلي طبعاً وكنت أنا قايلتلها إني حاسة إنه عندي توسعات، فلما فحصتني قالتلي بالفعل في توسعات والسبب إنه مش عاملين الخياطة مزبوط وقت الولادة، قالتلي ممكن نعمل عملية خياطة بس ما بنصحك تعمليها إذا كنت ناوية تحملي مرة تانية، لما تخلصي إنجاب اعمليها.

رحت لزوجي وقلتله القصة على أساس إنه أنا ما بدي كمان أطفال مستكفية باللي عندي... يا بنات والله إني تعبانة، وظيفة وبيت وأولاد وكل شي على راسي، أنا بروح على السوق وأنا بودي الأولاد على الدكتور وبطبخ وبنظف وبسوي كل شي وزوجي ما بساعدني نهائياً وفوقهم الوظيفة.. قلتله أنا ما بدي كمان أطفال خلص، ما بقدر أربي كمان أولاد.. وهو أبدا معند بدو كمان طفلين وصارت مشكلة بينا على هالقصة، من يوم ما ولدت ايني وأنا أقوله بدي أروح أحط لولب مش راضي ومعند إلا بدو يجيب كمان أولاد.. قلته حرام عليكي كيف بدي أستحمل إنت طول النهار برا البيت وما بتساعدني بشي، كيف بدي أربيهم لحالي، بعدين احنا حالتنا متوسطة يعين يا دوب مسكلين أمورنا، بعني إذا جبنا كمان طفلين كيف راح تصير حالتنا؟ وهو ولا هامه بقولي على أساس ما في أمهات في الدنيا غيرك!! شوفو هالجواب.

والوظيفة ما بقدر أتركها، دخل الوظيفة بعملنا كتير أشياء بنقسط على راتبي أشياء كتير وإذا تركت الشغل ما عاد نسوي اشي في البيت لإنه ببساطة ما راح يقدر يلحق وطبعاً ما راح تفرق معه.

انصحوني شو أسوي؟؟