ساعدوني بطريقه لانزال وزن طفلي

عزيزتي ..
نصيحتي إلك بما إنه إبنك لسة طفل .. يعني ما بيفهم شي اسمه ريجيم
وحرام عليكي تدخليه بهالدوامة لإنه رح يحس حالو غير عن الأولاد ومش طبيعي وموضوع الريجيم اصلا بيجيب اكتئاب للكبير
فما بالك لو كان زغير..
لو بتحبي تسمعي مني .. خلي الأكل الصحي نظامكم بالبيت ..
يعني مش هوي لحالو .. لإنو لو فكرتي فيها بمنطقية شوي .. مش معقول انتو تاكلو أشياء دسمة أو تجيبو أكل من برة وأشياء بتسمن وهوي يقعد يتفرج عليكن ومطلوب منه انه يمسك نفسه ..

(( أبدا ما تفكري إنك تنزليله وزنه لو كان لحالو .. صدقيني ما رح تنجحي أبدا ))

شوفي اختي ..
أول شي شيلي كل الأشياء النقرشة اللي ممكن يدخل ع المطبخ وياكل منها
يعني شبسات شوكولاتة .. بسكوت .. حلويات..
امنعيها من البيت ..
واستبدليها بفواكه .. خلي الفواكه دائما مغسولة ومحطوطة بطبق تقديم وفي متناول يده ..
خلي كل شي عندكم بالبيت صحي ..
بمعنى ..
الحليب كامل الدسم استبدليه بخالي الدسم او على الأقل قليل الدسم
الجبنة كذلك ..
اللبنة ..
الزيوت الغيها .. واستبدليها بزيت الزيتون .. حتى للقلي صدقيني عن تجربة بحكيليك ..
ما تشتري اي زيت تاني غير زيت الزيتون لإنه طالما الزيوت التانية موجودة ببيتك رح تقلي بطاطا وكنتاكي و....و.. ,..
لما تيجي تعملي الدجاج .. أزيلي الجلد بالكامل وشيلي الدهون اللي بتكون تحته ..
لما تشتري اللحم تأكدي انها حمرا وخالية من الدهون ..
العصائر ..
دائما اشتري العصائر الفريش .. أو على الأقل اللي مافي بمحتوياتها سكر ..
يعني لازم تقرئي المحتويات .. لو في سكر انسي الموضوع ..

الخبز .. امنعي الخبز الأبيض بتاتا ..
استبدليه بالخبز الأسمر بالحبوب الكاملة .. والألياف ..

الرز.. جيبي رز أسمر .. وصدقيني طعمو ما بيفرق كتير عن الأبيض ..

إمنعي الماجي بالمرة ..
أو استبدليه على الأقل بماجي الخضار .. (جربته وكتير خفيف ومافيه كمية الدهن الموجودة بمكعبات الدجاج)

لما تعملي الأكل ركزي على صحن السلطة .. وتأكدي إنه اكل منها منيح .. علشان ما ياكل زيادة من الأكل التاني ..
لازم تحرمو نفسكم انتو كمان علشان الولد ما يشتهي لما يشوفكم بتاكلو ..
أو بالأصح ما إسمو حرمان .. خلو هيدي طريقتكم بالحياة .. يعني يكون اسلوب معيشتكم صحي ..

حاولي إطلعي إنتي وهوي أو لو قدرتو العيلة كلها تطلعو تتمشو مرتين او تلات أيام بالأسبوع ..
أو لو كان بيحب نوع من الرياضة شجعيه عليه ..
يعني لو كان بيحب كرة القدم .. خليه يلعب مع حدا كل يوم على الأقل نص ساعة (طبعا بعد ما يخلص دراسته)
أو لو كان بيحب كرة السلة .. أو .. أو .. أو..
يعني يا إما شاركيه انتي بالرياضة .. أو أبوه أو اي حد من اخوتو او صحابه ..
و لو ماكان بيحب الرياضة ..
حببيه فيها ..
يعني مثلا جيبي جهاز مشي على البيت .. وخليه يدرس مثلا وهوي بيمشي .. بأسلوب مسلي ..
أو مثلا اتسابقي انتي وهوي حولين البيت (لو كان فيه حوش )
ما تخليه يقعد على التلفزيون والريموت بإيدو ..
اسمحيلو بس يقعد بالكتير ساعة ولو كان بدو يقلب بالمحطات خليه يقوم من مكانو ويغير المحطات .. ما يستخدم الريموت ..
لما يطلب منك شي .. مثلا كاسة ماء أو أي شي خليه هوي يروح يجيبو ما تجيبيه انتي ..
اختلقي اي شي تخليه يتحرك ..
ممكن انتي تطلبي منه يجيبلك اي شي ..

لو كانت مدرستو قريبة شوي أو ممكن يروحها مشي .. خليه يروح مشي ومش بالباص ..
أو مثلا لو كنتي انتي بتوصليه أو أبوه ..
ما تنزلوه قدام المدرسة بالضبط .. نزليه قبلها بشوي علشان يمشي شوي ..

وبالنسبة للمدرسة .. ما تعطيه فلوس كتير علشان يقدر يشتري اي شي بدو اياه من المقصف ..
أعطيه انتي اكل من البيت .. يكون بمعرفتك وعارفة شو السعرات الحرارية اللي فيه ..
يعني خبز صمون أسمر بالألياف ، يحتوي على جبن قليل الدسم وخيار أو بندورة مع عصير أناناس أو فاكهة ..
أو ساندويش زعتر وزيت زيتون بنفس الخبز ..
وأعطيه يادوب درهمين (( ما تقولي قليل )) لإنك عاطيتيه اكل بيكفيه يعني هيدول الفلوس رح يكونو للشوكولا او الشبس أو هيدي الأشياء .. عشان هيك ما تعطيه مجال يشتري منهم كتير ..

و خلي يوم الإجازة هوي يوم الأكلات الغير صحية ..((بس طبعا باعتدال))يعني يوم الجمعة يكون يوم طلعة ومشوار ولعب وبعدين أكل بالمطعم وهوي يختار المطعم ..
ودائما حاولي لو قدرتي تطلبي من النادل أو اللي بيحضر الطعام إنه يقلل زيوت بقدر المستطاع ..
و لو جيبتي تشتريلو شوكولا أو بسكوت .. اشتريه من قسم الدايت ..
يعني اللي خالي من السكر .. أو اللي مخفض السعرات الحرارية قدر المستطاع ..

صدقيني اختي لو جربتي هالشي رح تنجحي ..
بالأصح إنتي لازم تعملي هيك .. ولازم تتعاوني انتي وباقي افراد الأسرة .. علشان ابنك
لإنك انتي المسؤولة أولا وأخيرا عن اللي هوي فيه .. وتأكدي انه ما وصل لهيك إلا لإنه ماكان في حد يراقبو ..
علشان تكسبي صحة ابنك .. ومستقبلو .. لازم تعملي هيك ..

اتوكلي على الله .. وقولي يا رب..

اختي نسرين ماشاء الله عليك كفيتي ووفيتي وماقصرتي الله يسعدك ويوفقك على هذي النصايح القيمه اللي هي اسلوب حياه اكثر منها دايت بس صعب تتحكمي في اكل الاسره بكاملها عندي طفله اصغر منه وعندي مراهقين يقدسوا شي اسمه الوجبات السريعه والحلا بس تعرفي انتي شجعتيني ابدا اغير عاداتنا شوي شوي بس تعرفي في الحفلات والاعياد لما نجتمع مع الاهل صعب تتحكمي تورتات ومعجنات بس اهم شي الاكل اليومي والثاني استثناءات وعجبتني ممارسة رياضه يحبها هو يعشق كورة القدم بس انا في دور وماعندي حوش والله اتركه يلعب في الصاله بس عاد تعالي شوفي الفوضى بس ممكن اخصص له يومين في الاسبوع نخرجه يلعب برا هو يروح مسبح بس يعني فين وفين تقدري تقولي مره في الشهر فكرت اعمل له اشتراك في نادي بس خفت عليه لازم احد يواظب معه زصعبه اربط احد معه اخوانه لو التزموا فتره بيملون ويخلوه بس راح احاول ان شاء الله وبالنسبه للمدرسه تبعد عن البيت 2 كيلو في الصباح احنا نوديه عشان مايتأخر بس فس الظهر يجي مشي مع اني اخاف عليه موت والله تعرفي كثرت البلاوي الله يحفظه بس عن جد ردك قيم جدا حفظته عندي عشان يذكرني بالعادات الصحيه الله يحفظك يالغاليه

صدقيني حبيبتي بتقدري ..
وزي ما قلتي هيدا أسلوب حياة أكتر منه دايت ..
وبالنسبة للصغار والمراهقين صدقيني هيدا الأسلوب أحسن وأحسن إلهن ..
وبعدين ما تحسسيهن انك بتعمليلهن ريجيم ..
زي ما قلتلك .. مثلا بدهن حليب .. مارح يكون قدامهن غير الخالي الدسم .. و مشتقات الألبان كذلك ..
والخبز بالحبوب الكاملة .. وهيك متل ما قلتلك فوق ..
وبالنسبة للعزايم أنا ما قلتلك تتحكمي .. بعرف انه صعب نتحكم بس حاولي انها ما تكون دايما .. يعني مثلا مرة بالأسبوع يعني ممكن تعتبروها اليوم الفري .. لإنو بيني وبينك الواحد بيشتاق ..
بالنسبة للشباب الي في سن المراهقة اللي عندك .. لو كانو بيروحو لحالهن رح اقولك صعب تتحكمي ..
بس لو كنتو سوا بالمطعم خليهن يطلبو مثلا المشروب دايت (كأضعف الإيمان)
وحاولي تقوليلهن ما يطلبو على البيت وجبات سريعة علشان أخوهن .. وقوليلهن انه حرام يشوفهن بياكلو ويمنع نفسو ..
ولو كان ولا بد يجيبو وياكلو بعيد عن الأنظار يعني مش قدامه..
بالنسبة للرياضة ..
ليش بالصالة .. مافي مجال يلعب قدام البيت يعني مع حد من الجيران؟؟ أنا ما بعرف ظروفك بس أعتقد انها ممكنة لو خصصتيلو كل يوم نص ساعة ..
وبالنسبة للمدرسة .. ممكن تصحو بدري شوي وتخليه يروح مشي .. وإنتي او أبوه راقبوه من بعيد بدون ما يعرف (كنوع من الأمان)
و أهم أهم أهم نقطة
صدقيني مش لازم يحس انه هوي غير عنكم .. يعني مش لازم تحسسوه انكم انتو ممكن تاكلو كل شي وهوي لأ
صدقيني اختي هيدي النقطة مهمة كتييييييييير .. بعدين بتأثر في نفسيته وبتخليه متذبذب ..
علشان ما يحس حالو محروم لازم يشوفككم كلكم بتاكلو معهو .. مش هوي بياكل سلطة وإنتو بتاكلو فاست فود ..
أو هوي بيشرب عصير وإنتو بيبسي ..
أرجوكي اهتمي بهالنقطة كتير منيح ..
و لمعلوماتك الخاصة ..
بتعرفي انك لو خليتيه يشرب بيبسي كل يوم أو يوم بعد يوم فإن معدل الزيادة بالوزن تصل من 8 إلى 10 كيلو بالسنة ..
فمثلا لو أخذنا دايت (مع انه كله أضرار) .. ممكن ينقص الوزن تقريبا 5 كيلو بالسنة ..
فما بالك لو منعتيه بالمرة ؟؟

بتعرفي انكم ما عملتو ريجيم ..
وبس استبدلتي كل ماهو كامل الدسم بخالي الدسم .. أو بالحبوب الكاملة والألياف.. ولغيتي الزيوت والسمنة والزبدة واستبدلتيها بزيت الزيتون..
بتعرفي انه ممكن يكون نقص الوزن بالسنة بحدود 15 كيلو ..
فما بالك لو كان فيه رياضة ..؟؟؟

أختي لمصلحة ابنك وصحته .. اتوكلي على الله وابدإي بهالمشوار ..
وما تقولي لو .. أو بس..
إعرفي أن كل (( بسسس )) فيها أذى لإبنك !!!
اسمحيلي على تجاوزي .. بس والله كلو لمصلحة إبنك .ز

ويارب تشوفيه أحسن الناس وبألف صحة وعافية ..

ياعمري كلامك شجعني اشكرك كثير وان شاء الله راح ابدا النظام الصحي بالنسبه للبسي احنا مانعينه من زمان نشرب الشعير اللي بنكهات الله ياشيخه انه يسعدك ويسهل امرك كفايه انه ما احد رد علي غيرك بس الحق ردك كافي الله يعطيك العافيه

ايه نسيت اقولك حكاية انه يلعب برا ومع الجيران هذي مره ما احبها ولايعرف الشارع الا اذا رايح مشوار حتى مع اخوانه الكبار اخاف من اللعب بالشارع وما احسه مكان مناسب اطمن عليهم فيه مع اني اشوف اولاد كثير يلعبوا بس احسه اخطار ومشاكل