أم الأقمار :

سبحان الله نفس المعاناة بنتي قمة في العناد والمشاكل مع اختها اللي اصغرمنها تدور اي شيء يضايق اختها وتسويه وشعرها معاناة معه ماتحب تربطه دايم مفتوح واذا جيت بروح مشوار لازم هواش وضيقة صدر عشان أربطه لها بس في الترتيب مااظلمها اذا طلبت منهاترتب بس احيانا اصير مااتحملها من كثر ماهي تستفزني الله يصلحها وضميري مأنبني من معاملتي معها ودي احسسها بالحنان والحب..بس هي ماتسمح لي دايم انا وياها متزاعلين !! فكرت والله اوديها عند معالج نفسي ينورني في كيفية التعامل مع مثل شخصيتها او يشرح لي كيف هي شخصيتها لاني تعبت معها وخصوصا اني ماعندي شغالة واحيانا اقول ممكن مني انا وكثرة الضغوط اللي عندي تخليني انفجر عليها ومااتحمل تصرفاتها..وعمرها 9سنوات...الله يصلحهم ويقر أعينا فيهم

سبحان الله نفس المعاناة بنتي قمة في العناد والمشاكل مع اختها اللي اصغرمنها تدور اي شيء يضايق...

ro0oze :

الله يعينك عليها.. جربي طريقة الأخوات ،،ان شالله انها تفيد معك..

الله يعينك عليها.. جربي طريقة الأخوات ،،ان شالله انها تفيد معك..

توتو018 :

حرام عليك لاتدمرين بنتك :) تراك بتدفعين الثمن قريب وربي بيسألك عن الأمانة الي ضيعتيها بقلة الصبر عزيزتي بنتك مراهقة في بداية المراهقة وياما بتشوفين توك بأول الطريق الحين المفروض تعاملينها مثل أختك .. مو المثل يقول اذا كبر ولدك لازم تخاويه .. أختي والله كلامك يعور القلب ! ماكأنك تتكلمين عن بنتك ! تراها مسكينة ضعيفة مالها الا انتي تتذكرين أيامها الأولى ؟ قطعة منك ضعيفة مابيدها حول ولا قوة .. ولا زالت .. البنت ضعيفة .. خافي الله فيها لاتقسين عليها وتقولين ماتحس .. صدقيني تحس .. لكن موب شرط تبين .. وبيوم وليلة بتتفاجئين بتغيرها .. لاتقسين قلبها عليك وتخلينها تكرهك .. ترا مالك الا هي ولا لها الا انتي .. لاتقارنينها بأحد ولا بأختها الصغيرة .. ولاتتوقعين كل البنات زي بعض .. يسطرون دفاترهم ويلونونها ! أحس ان بنتك ماملت عينك !! لكن تخيلي لو لاسمح الله صابها مرض .. من أول من بيتألم ؟؟ أمها .. أنا ماأشكك أبداً بحنانك .. لكن ثقي ان أسلوبك هذا ماراح يجيب أي نتيجة ..

حرام عليك لاتدمرين بنتك :) تراك بتدفعين الثمن قريب وربي بيسألك عن الأمانة الي ضيعتيها بقلة...

غيم2000 :

وعليكم السلام ,, هلا اختي برق ورعد ..بيننا رابط بالاسماء ههههههههههههههههه لاتشكين يااختي وابكي لك ....الله يصلحهم ويهديهم وربي انهم يطلّعون الشيب بالرأس ,,ويعصبون الواحد ويخلونه يزعل ويتعصب لاتفه شيء ؟؟؟ انا عندي بنتي الكبيره الله يهديهاعمرها 14 سنه مره مره عنيده وتمشي اللي براسها ,, صح انها تحبني وتخاف علي ,,لكن تعاندني بكل شيء.. احيانا احس كانها طبينتي ماهى بنتي ,, هههههههههههههه لكن بالاخير اهي بنتي نور عيني لكن الله يهديها ..احيانا يمشي معها حركة اني امدح احدمن بنات العيله او المعارف وتقوم تسلك معي ,,لكن لفترة معينه وترجع حليمه لعادتها القديمه ,,:( وولدي عمره 11سنه الله يصلحه ويجعله من الصالحين الخيرين يارب لنا ولك يارب ,,, نفس حال بنتك الا اذا وعدته بشيء تعدل شوي وهم رجع كما كان وعصبي وبسرعه يزعل لكن ماينلام انا وابوه عصبيين ..الله يهدينا ....... وبنتي الثانيه 8سنه احسنهم بكل شيء ... لكن ها الايام من الصيف احس انها بدات تقلد اختها في عنادها وتصرفاتها ,, رغم اني والله قويه وشخصيتي ماهى بالساهل بالعكس ماني من النوع اللي ارضى بالدلع ,,, الا انهم تحدوني وقدروا علي؟؟!!!:( صح يخافون من العقاب والضرب لكن ماهمهم في الاخر لانهم يعرفون بالاخير اني طيبه وارجع احن عليهم واتودد لهم ,,,, وبصراحه طلباتهم منفذه ودلع على الاخروالحمدلله وطلباتهم مستجابه مني ومن الشغاله 24 ساعه وانا ادري انه هذا اللي مخربهم,, لكن التمس لهم عذر السن واشوف نفسي فيهم يوم كنت صغيره بصراحه عشت دلع ورفاهيه ولكن ماكنت اعاند امي بالعكس اخاف منها اكثر من ابوي,,واسمع كلامها واحترمها.. وارجع اقول يالله اهي مرحله من العمر وبيتعدلون واقول بنفسي خليهم يتمتعون الحين حدهم صغارمساكين يمديهم على الهم والتعب والنكد.... الله يعنيهم اذا كبروا وتحملوا المسؤوليه , الله يعينهم على مجابهة الحياه.. الله يخليهم ويهديهم ويصلحهم باذن الله ,, تحملي وانا اختك تحملي ,,واتركيها للزمن اصلحي منها ماتستطيعين والباقي اتركيها لرب العباد ,,اسوي مثل ماقالوا الخوات امدحي غيرها من البنات عشان تغارمنهن وتسوي مثلهم .. والدعاء افضل شيء .... الله يهديهم ...وان شاء الله يتعدلون بالقريب العاجل لك ولي .. تحياتي ,,

وعليكم السلام ,, هلا اختي برق ورعد ..بيننا رابط بالاسماء ههههههههههههههههه لاتشكين يااختي...