شلونكم بنات..
انا ببدا بالموضوع على طول وبدون مقدمات..
أدري انكم مستغربين من العنوان لكن الحين أقولكم السالفة..
بنات انا بعد شهرين يصيرلي سنة من تزوجت وزوجي يغار علي ويحبني بجنون والحمدلله..لكن في الفترة الأخيرة لما يسمعني أكلم أحد صديقاتي بالتلفون باسلوبنا احنا البنات المعتاد مثل..:هلا حبيبتي..او..اوكي حياتي..او..لا تحاتين يا قلبي
احنا البنات هالاسلوب عندنا عادي ونيتنا مو سيئة...صح؟؟لكنه ما يرضا أكلمها جذي ويقولي لا تكلمينهم جذي شنو هذول رياييل ولا حريم وانا أضحك وقمت ما أقول جدامه جذي عشان ما أغيظه مع ان انا اسلوبي جذي
أدري الحين راح تسألون وين السالفة وشكو موضوعج بالعنوان..المهم..راح تعرفون
انا من أول ما تزوجت زوجي عز واحد من عيال اخواني عمره 15 سنة لكن ماشالله شكله وتفكيره تقولين عمره 20 وعلى طول يقولي زوجي انا هالانسان عزيته وايد..أحس ان تفكيره كبير..
وعلطول نناديه شقتنا ينام عندنا ونطلعه معانا ..ودايما على اتصال مع زوجي وخلاص صارو ربع.. زوجي على طول يطلعه معاه..
المهم..
انا تمر علي أيام أحوس بتلفون زوجي وأشوف مسجات ربعه ومن بين المسجات أشوف مسجات حب وغرام منه لولد أخوي ومن ولد أخوي له والعجيب ان ما شوف هالمسجات بين ربعه الباجي..
لكني طوفتها وقلت عادي انا ورفيجاتي بينا هالمسجات لكن من معزتنا لبعض ندزهم مو من تفكير ثاني..
لكني على طول أسئله وأقوله:انت تمسح بعض المسجات..
فيرد علي:لأ هذول كل المسجات
المهم..
اليوم الطامة الكبرى..بصراحة حسيت ان الاثنين طاحو من عيني وحاسة ان مشاعري معتفسة ومتضاربة وأحس بتعب من التفكير..
اليوم انا رايحة أتغدى بيت أهلي وأخوي ابو الولد كان جاي هناك معاه بيتغدون بعد فقلت حق ولد أخوي بشوف الفيديوات والصور اللي عندك بموبايلك فقالي اوكي بس لا تبطلين الرسايل قتله اوكي..
انا مو من طبعي اللقافة لكن مادري شاللي خلاني أبطل الرسايل خلوني أقولكم شنو مكتوب..
طبعا راح أقولكم بعضهم لأنهم وايد..اللي زوجي دازهم لولد أخوي
*****
أأأأأأأأأأه يا بنات ما تدرون شصاير فيني والله من لصدمة لي موفادرة أتخملها..
والمشكله ان زوجي نفس ما قتلكم في البداية..
يسوي نفسه ما يحب هالسوالف وما يرضا أقول حق رفيجاتي حتى كلمة حبيبتي يعني يغار..
آآآآآآآآآه يالقهر..والمشكلة الثانية جذبه..أقوله انت ما تمسح الرسايل يقولي لأ هذول كلهم..
الجذاب القذر..
بنات انا ليلحين ما تصرفت لأن ادري اني لو بتصرف على تفكيري راح أتصرف تصرف احتمال ينتهي زواجنا منه..عشان جذي حبيت أستشيركم..
علموني تكفة قولولي شسوي..والله حاسة ان مو قادرة حتى أطل بوجه زوجي حاسته مثل الخنزير وانتتو بكرامة..
وولد أخوي وربي ودي اقتله من حرتي
ســــــــــــــــــــــــــــــــــــــــاعدوني تكفة تكككككككككككفة
والله محتاجتكم انا مخي منشل منالصدمى
لا تتصرفي اي شيء الا بعد تفكييييييييييييير لانك راح تحرجيه اذا واجهتيه
بس برضو الموضوع مابينسكت عليه