الله يعينك حبيبتي ومثل ما قالوا الأخوات ادعي ربك واصبري بس لا تفتكرين ان الدعاء والصبر شي هين أو ضعف لا أبد بالعكس الضعف انك تغضبين وتروحين بيت أهلك وتشتكين لكل الناس ترا الشكوى لغير الله مذله أنا أقصد الشكوى الزياده عن اللزوم لكن انك تبين النصيحه هذا شي زين
بس أنا بغيت أقول شي ترا أنا مريت بنفس المشكله وأكثر وما أكذب عليكم زعلت وايد وتزاعلت أنا وزوجي وايد ورحت بيت أهلي ووصلت للطلاق لكن اكتشفت ان هذا كله ما منه فايده آخرته شو سويت صراحه بكل صراحه خليت الزعل في قلبي واشتكيت لربي ودعيتله ان الله يهدي زوجي ويصلحه وصبرت والشي الثاني الي سويته اني قمت أهمله نعم أحين بتقولون ما يستوي تهملين زوجك وهاالشي غلط أنا زوجي عكس الرياييل لما كنت أهتم فيه وأتزين له 24 ساعه وكلمت حبيبي ما تفارق شفايفي وكله حاضر والي تآمر فيه يعني بصراحه كنت زوجه مثاليه وشو النتيجه هو الي أهملني وزهق من الحب والاهتمام فشو سويت أهملته ما أكذب عليكم رد زوجي أحسن من الأول لا بنات ولا شات ولا هم يحزنون وصار يخاف يزعلني أو يشوفني زعلانه وينفذ كل اللي أباه الحمد لله الله يدوم السعاده علينا وعلى كل الناس وخاصه انتوا يابنات حواء
ساعدوني زوجي وأدمان الشات !!
متابعة النقاش، صفحة 3