ساعدوني <<<< عروس حزينه اهئ اهئ

وعليكم السلام ورحمة الله وبركاته...

خيال الكويت...مبروووك والله يتمملكم على خير ...

انا من فتره طويله كنت عند بوعباس وماعطاني الاحبوب اوميغا3
وزنكال ...

واذا عرسج قرريب روحي لدكتور يتابع حالتج..
لاتقولين مالي خلق..ترى انتي على وجه زواج
يعني مو نفس يوم كنتي بنت
تسوين رجيم على الراحه..

وضحكتيني على مقاساتكم كبيره ..هههههههه
بس ان شاءالله نضعف واحنا بصحه وعافيه..
بالتوفيق

الف الف مبروووك
لولولولووووووش
منه المال و منج العيال
انا اقول روحي لمحمد ربيع باسرع وقت ممكن لا تضيعين الوقت
اذا راجعتي عند دكتور ابتلتزمين اكثر لانه بيوزنج كل اسبوع و بيراقبج
و اشتركي في مس تشامبيز او فليكس هذيلا وايد زينين و يعلمونج عن الاماكن اللي بجسمج اللي تحتاج شد او ضعف و يعلمونج عن الاجهزه اللي لازم تلعبين عليهم .. لا تبخلين على عمرج .. انتي عروس .
اما بالنسبه للبس .. الله يعينج لان السوق ولا ابيزه :(
بس شوفي بالصالحيه في محل في ميزانين1 ااااااااااخر شي اسمه ديسكاونت .. عنده بدلات كينزو وفيندي و و و ... و بنص السعر لانه ياخذ من المحلات اللي يمه كل مانزلوا نيو كولكشن اهو ياخذ القديم و يبيعه ... عندهم شغلات حلوه.
و بعد بنفس الطابق عندج محل الحذاء .. هم عزج الله جواتيهم شارل جوردان و فالنتينو و و و و ..و بنص السعر .لانه ياخذ من المحلات اللي تحت اهو اصلا نفس المحل اللي تحت بس كل ما نزل اللي تحت بضاعه يديده صعّد القديم فوق .. توني شاريه جوتي جوردان عزج الله اب 15 دينار يا بلاااااااااااش ... الحين جواتي حوش السالميه اللي يلوعون الجبد على 20 .

اخذي جم قطعه ماركات علشان اذا اعزموج حمولتج او انعزمتي استقبالاتهم او عروسهم تكونين كول مهما كان بتقعدين سنه كامله يسمونج العروس اليديده فلازم تضعفين و تكشخين

Nouvelle مشكوورة يالغاليه على الرد انا نفسج كان يعطيني هالحبوب بس بالمرحله الثالثه قالي عن الكريم وصراحه خفت اجرب وماسمعت من البنات هنيه احد استخدم قلت لا مابي كريم بس ريجيم بس الحين لازم انزل هالوزن :(

السلام عليكم،
حبوبة انا راجعت د.ريم شراب عيادة كويت لندن كلينيك بحولي، تسوين فحوصات وتاخذ مقاسات الدهون والجسم والذي منه وتعطيج رجيم وانتي قاعدة جدامها عاد انتي قوليلها شنو تحبين وشنو ماتحبين
وعلى هالاساس تاخذين جلسات تخسيس بالاجهزة اعرف وحدة عقب 4 يهال ويثلة ولما راحت صار جسمها احلى مني

نصيحة النوادي مصاريف على الفاضي>>>يبيلج جهاز جري في البيت وطيحيله بالغرفة حطي فيها دفاية وصكري الباب عليج عشان تعرقين عدل
او جهاز ركوب السلالم>>>اذا في بيتكم درج طلعي ونزلي وايد يشد ويبين عليج

وخري عن العيوش وجربي رجيم دشتي وايد نزلو عليه
والكريمات>>> انا سمعت عن كريم زيت الاتات له مفعول
والحبوب>>> كنت اراجع طبيب ووصفلي ريدكتايل>>وجربت زينيكال وكروم وسترين
الي شفت تأثيره عدل>>> الزينكال واكو رفيجاتي جربو شاي رويال للتخسيس
انا الحين اشرب خلطة ام سلطان سوي بحث بالمنتدى تلقينها وانشالله تفيدج

انا جربت زيت بذر الكتان (وجبة العشاء) على طاسة روب او سلطة 5 نقاط مو اقل ساعدني وايد
اكثري من شرب الماء

لا تعتمدين وايد على الميزان في تقدير السمنة اعتمدي على الشكل>>> يمكن تكونين نفسي عظامج من النوع الثقيل لانه محد يعطيني وزني

حطيلج صور/لوحات تشجيعية لج تشجعك وتخليج تفكرين بالسمنة وشلون قبيحة ومضرة للصحة
خلي دايما جدول بالسعرات الحرارية للأطعمة في جنطتج واحسبي باليوم شكثر يبيلج/كليتي كالوريز

انا توني عروس يديدة بعد ومتنت شوية وبموت عشان انزل مثل قبل
لا تزعلين وتحزنين انتي عروس

مساء الخير
مشكورات خواتي على الرد والله يبارك فيكم وعقبال اللي مابعد تزوجت يارب يرزقها بالزوج الصالح واللي متزوجه يرزقها بالذريه الصالحه

الكيكة مشكوورة حبيبتي وان شاء الله بروح له الاسبوع الجاي اشوفهم واخذ منهم
noni103 انا عظامي 65 من الوزن الدكتور قال 80 اوكي تكونين :(