ساعدوني على اتخاذ قرار السكن جعل والديكم الجنة

السلام عليكم ورحمة الله

بإختصار الموضوع عندي من مبدأ ( ماخاب من استخار ولاندم من استشار)


السالفة حبيباتي ومافيها أبيكم واللي يسلم عمركم تساعدوني باتخاذ قرار اختيار الشقة اللي راح نسكنها إن شاء الله والسبب حبيباتي في ترددي مو مثل مايقول زوجي ويكرر على مسامعي هالكلمة عالطالعة والنازلة إني مترددة وماني قادرة آتخذ قرار سريع
لا بالعكس بس مشكلتي أفكررررررر كثيرررررر قبل اتخاذ أي قرار وآخذ وقتي وخصوصا إذا كانت الخيارات اللي قدامي محدودة وصعبة والشي الثاني أنا مابفكر بنفسي وبس بفكر بعد بعيالي

بإختصار قدامي عرض لشقتين صغار بنفس العمارة صاحبها واحد عربي

في سكوير مرررررة حلو وفي مكان قريب من كل شي كل شي
قريب من البحر وقدام العمارة حديقة مسيجة صغيرة لا مل الواحد طلع وسع صدره فيها
قربية من المطاعم العربية وقريب من السنتر ومن البي جي وجنبه عيادة أسنان وكل شي أحتاجه حولي ألقاه قريب
لحد الحين الأمور تمام وماعليه اختلاف

نجي للشقق كلهم مأثثات Furnished Flats

الشقة الأولى

شقة صغيرة مكونة من غرفة صغيرة وصالة و الشقة في الدور البـ Basement يعني أنزل لها بدرج للي مايعرفون وش ذا
يعني يوم تجين تنزلين للشقة كأنك نازلة لملحق أو بدروم تحت العمارة :09:وهالشي مرررررة راح يرهقني وشايلة همه في الدخلة والطلعة لأن معي عربية لبنتي
هالشقة أول ماتدخلين لها ممر مفروش بموكيت وعلى طول بوجهك صالة صغيرة فيها تلفزيون يمين مقابل كنبة وحدة كبيرة يسار
وفي وجهك على طول مكان زي البلكونة أو المنور عندنا مدري وش هو فاضي مافيه شي عبارة عن مساحة مربعة ينطلع لها بباب زجاج ممكن يلعب فيها ولدي بعدين.
وأما على يدك اليمين جنب التلفزيون مطبخ اللي جنبه في الزاوية الحمام وغرفة النوم
المطبخ فيه مواعين وغسالة ملابس بس مافيها نشافة ولا مكنسة ولا غسالة صحون والفرن حقها صغير يجي شكله زي المايكرويف أعتقد هو أصلا مايكروويف ويستخدم كفرن
الغرفة فيها سرير دوبل Double مفروش + دولاب صغير وبس
الشقة ماحبيتها حسيت إنها تجيب الاكتئاب لأنها تحت مرررة وأنا مو ناقصة :(

الشقة الثانية

نصف شقة بالدور الثالث بنفس العمارة طبعا تدخلين لها من باب العمارة الأساسي ومغلق
أقول لكم ليش نصف شقة لأنه في الأساس هي عبارة عن شقة كبيييييرة ووفخمة وحلوووة الشقة لهابابين الباب الأول للشقة أول ماتدخلينه يجيك على يمينك حمام ومن يسارك باب يدخل على صالة روووووووووعة تفتح النفس وتسر الخاطر فيها بلكونة تجنن وطاولة طعام وقبال الباب هذا مطبخ امريكي مفتوح ومدمج مع الصالة << هذا الشق الأول من الشقة انتهينا منه

هاللحين الصالة الكبيرة من عند مطبخها فيه باب يدخل على ممر طويل ضيق نوعا ما على يدك اليمين على طول من تدخلين الممر غرفة نوم ومن على اليسار الباب الثاني للشقة
وبعدين تمشين تطلعين 4 درجات ويجيك حمام ثاني عاليسار وتمشين بعد شوي يسارك مطبخ صغيييييييييير وقبالك في الوجه غرفة نوم << هذا الشق الثاني من الشقة

ومثل ماقلت لكم صاحب العمارة الله يسامحه شكله طمع ويبي يأجرة هالشقة مقسومة نصين ؟
الشق الأول من الشقة بيأجرها ستديو فلات يعني بس الصالة الكبيرة والحمام ومطبخها.
والشق الثاني من الشقة ابتداءا من الممر الطويل بالغرفتين والحمام والمطبخ.
واحنا طبعا ماراح نقدر ناخذ الاستديو فلات لأنه عندي طفلين 8 شهور و5 سنوات
وماراح نقدر ننحشر بصالة كلنا ننام ونصحى وناكل ونشرب ونسهر فيها
فما قدامنا إلا أم ممر طويل اللي هي الشق الثاني من الشقة

طبعا هي شكلا أحسن من اللي في البيزمنت وأفخم نوعا ما بس مثل ماوصفت لكم مشكلتها جاية على طول ممر ومافيها صالة مفتوحة زي ماتعودنا يكون بكل بيت ، مافيها إلا غرفتين وحدة بيسويها لنا صالة والثانية بيسويها لنا غرفة نوم ومطبخها صغييييير نفس محتويات مطبخ شقة البيزمنت الأولى بس زيادة عليها فيها نشافة ملابس وطبعا نفس الشي مافيها لا مكنسة ولا غسالة صحون وفرنها نفسه الأول مايكروويف

والله محتااااااارة مرررررررة :39:
أفكر ونفسي بالثانية لأنها أشرح شوي وأفخم ومدخلها زين مع إنها ضيقة جاية بالطول
وأفكر وأرجع أقول الأولى صغيرة وتضيق الصدر صح بس عالأقل فيها مكان يلعب فيه ولدي
علما بأن كلا الشقتين سعرهم واحد 850 باوند

بنات
أدري وربي إني لفيت لكم روووسكم ودوختكم ومصختها بعد بالتفاصيل بس حبيت أحط لكم الوصف بالتفصيل الممل علشان تتخيلون معي بس مدى الضيق والصغر بكلا الشقتين كأنها قدام عيونكم وتقارنونهم بنفس منظاري
بنات
والله تعبت من التفكير وصعوبة حسم القرار ويعلم الله إن مالي بعد الله أحد أستشيره وآخذ رايه إلا أنتم
أسألكم بالله لو كنتم مكاني وش بتختارون ؟ الأولى وإلا الثانية ؟
ساعدوني بنات زوجي مل مني وأنا والله مليت من نفسي مو داري إني بين نارين
بنات نسيت أقول لكم إن القرار صعب بالنسبة لي لأن :arb: الله يهديه ويسامحه حصرني بشقتين
الخيار بينهم صعب ومافيه خيارات ثانية أو أمل يغير رأيه إننا نشوف شقق غيرها
ونسيت أقول بعد تراني استخرت كثيرررر وزوجي بعد بس لهالحين ماصار شي ولا ملت لشي

بنات
والله تعبت وقلت مالي إلا أن أستشير اهل الخبرة الموثوق فى امانتهم فى النصيحة اللي هم أنتم
ربي يسعدكم ماكتبت وتعبت إلا أبي مساعدة حقيقية
نخيتكم يالغاليات لاتطنشوني وتطلعون بدون ماتردين وتعطيني رأيك
أنتظركم
واللي ترد لها مني ولوالديها إن شاء المولى دعوة بجوف الليل