ساعدوني على الوزن وفقر الدم

حبيبتي اخبريني بطولك ووزنك وعمرك وحالتك الاجتماعية
ونسبة الهيموجلوبين لديكي

انا عندي فقر دم وقالت لي وحده من اللي اعرفهم اكثري من شرب عصير الشمندر

ياافشيلتي ليتني ماسالت طولي ووزني وعمري وحالتي الاجتماعيه وش بقى !!!!!مابقي الا الاسم رباعي ورقم الثابت والجوال
دكتورة ياليت تجاوبيني من غير هالاسئله ولو بس على سالفة الفيتامين اخذه من الصيدليه والااراجع طبيب اول
وفقر الدم عندي منذ ايام الطفوله والصبا وحتى اثناء حملي قبل فتره......نسبة الهيموجلوبين مدري صراحه بس ايام الولاده كانوا بينقلون لي دم بس رفضت النيرز كانت تطلع من عندي وابرتها فاضيه تقول مافيك دم ناخذ للتحليل
حالتي الاجتماعيه متزوجه وام لطفل ماشاء الله لا قوة الابالله
عمري نهاية رمضان ان شاء الله ادخل 24العمر كله ان شاء الله!!!!
عاد السؤالين الخطيرين اعفيني لاتطلع الفضايح ويلغون عضويتي بعد ماصرت محررة في عالم حواء!!!!
بس صدق دكتورة انا مرات تجيني الآم تحت الثدي الايسر الم مرات يكون مؤلم مرة ومرات اقدر استحمله ثواني ويختفي واحيانا يطول الى 10دقائق تكفين جاوبيني ليكون قلب يااااويلي عاد القلب معقد مرره وجراحاته خطيره ياربي تستر وهو ماعمري حسيت فيه الا بعد الولاده وهي قيصري بعد الولاده بشهرين اوثلاثه ماني متاكده بالظبط تعتقدين ابرة الظهر السبب والا ايش تكفين دكتوره ترا من الخوف ماراجعت طبيب ولا علمت احد مرررره الا:arb: وابددددددددا مو مهتم ولا يلقيلي بال ولا يهمه
بليز دكتورة جاوبيني انا مرات اخاف اموت !!!!

حبيبتي هذه البيانات ضرورية لاحدد احتياجاتك الغذائية
واحدد ما تحتاجين الى انقاصه ووزنك المثالي
بحيث لا يؤثر الرجيم الذي ساعطيه لكي على حالتك الصحية

ويمكننا ان نستكمل حديثنا في عيادة التغذية حيث الخصوصية بقسم العيادات الطبية
اذا كنتي ستشعرين بالاحراج من نشر بياناتك في المنتدى

نفس المعاناه
بس وشهو عصير الشمندر قريت عنه بالمنتدي بس ماعرفته
وانا يبيى لى انقص 17كيلو
واستخدم الحديد لى سنه بس بدون قايده
سويت رجيم اندومي بالقشطه بس ماقدرت اكمل ثلاثه ايام ودوخات وحاله