بسم الله : اسمعي ياقلبي بخري بيتك قبل ميجون بشوي ولا تنسين تشغلين المكيف من بدري عشان تطلع ريحة البخورحلوه بعدين اداجو هلي ورحبي (نور البيت تو مايتبارك البيت)ومن هالرخيص بعدين قدمي عصير طاااازج مو علبومعاه قطع جاتوه صغيره مره ماتحتاج حتى شوك وخرابيط بعدين حطي القهوه ومعاها التمر موزع على الطاولات مع صحون الفصم مع نوعين حلا مع النصيحه تكون من تصليح البيت مو برا وكل شوي دوري به مع التلزيم وانتي جالسه لا تحتوسين وتكثر روحتك وجيتك خليك ثقل مع الابتسامه طول الوقت ثم دور الشاهي معاه الفطاير ادا تعرفين تسوينها او من بره مو مشكله واشتري مكسرات نوعيع حلوه مع صحونها الخاصة لها وزعيها من قبل على الطاولات الجانبيه من قبل مايجون وادا حطيتي الشاهي شيليها من الجوانب على طاولات التقديم طبعا اختياري ادا ودك تخلين الشاهي مر والسكر برا في صندوق خاص عند حقين المواعين وتراه يكون مثل التحفه تعبينه سكر مغلف مصفوف بشكل حلو ومحطوط على الطاوله الرئسيه من اول بعدين قلطيهم على العشى طبقين رئسيه نوعين سلطه او ثلاثه حسب الميزانيه مع المقبلات من سموسه وورق محشي كوسه الا ادا كنتي بتحطين دبيحه فهي من وجهة نظري اوجه ادا كانوا اول مره يدخلون بيتك فما يصلح معها الا السلطه وشعبيات مثل جريش وقرصان ادا كنتي يعرفين لها واهم شئ حلا بعد العشا مهم جدااا حطيه على طاوله جانبيه مع صحون غرف وملاعق صغيره انثري ورد مجفف مثلا على طاولة الحلا مع شموع صغيره موزعه بين اطباق الحلا بعدين حطي طاوله عند الغساله عليها علب صغيره من عند ابو ريالين وعبيها شوي علكه وبولو ولبان ومن هالحركات بعدين حطي كوفي او الكابتشينو اللي تجي في اكياس جاهزه واحلى نوع اللي بالنكهه الايطاليه مع حبت معمول او قطعت شكولاته مغلفه في نفس الصحن جنب الكوب بعدين بشوي شاهي عادي مع اخضر ادا عندك ولا تنسين البخور وخلي لبسك ناعم ومريح وجزمتك موعاليه ومكياجك بسيط وشعرك غير متكلف يعني دوق ومرتبه من غير تكلفه ولا تنسن تهلين وترحبين لما تجيبين القهوه والشاهي وعند التقليط بس مو بكثره عشان مايحسون انه مبتدل والله يعينك ويوفقك وخبرينا وش صار معك

تسلمون يابنات الله لا يحرمني منكم و الله يسعدكم


بس الرابط الي حطته الاخت صافي الود فتحته و لقيت كل الروابط بالموضوع مختفيه صورها :(


طيب لما اجي اطلب من المطعم هو بيحطها في صواني تقديم و الا لازم اروح اشتري و انقلها فيها


ووين احط االاطباق الرئيسية و المقبلات على طاولة الطعام الرئيسية و الا بوفيه؟

شوفي يالغلا

وحده وحده على نفسك


اولا يما انها اول زياره لازم تتكلفين شوي

اول شي لازم تكونين منظفه بيتك كله تخلينه يلق

بعدين يوم العزيمه تشيكين على نظافة المجالس تزيدين تلميع التحف والطاولات

قبل مايجون الحريم تبخرين البيت ا وتشغلين الفواحات اذا عندك

حلويات انصحك بسعد الدين خذي من عنده صحنين كبار حلا قهوه مشكل

وصحنين معجنات كبار


وجهزي صحن شوكولاته عندك شوكولاين والوليمه وباتشي كلها حلوه

سوي القهوه 3 دلال عشان ماتنزحمين

ووزعيها على الطاولات قدام كل مجموعه دلة قهوه

طبعا مع القهوه تقدمين الحلا والشوكولاته بابتسامه وترحيب عشان ضيوفك يرتاحون

بعد مايتقهوون الحريم تجيبين الشاي مع المعجنات اذا مافيه عشا

اما اذا كنتا مسويين عشا خلى الشاي بدون معجنات وبعد العشا افضل

طبعا تكونين مجهزه على المغاسل علبه بونبون اوصحن حلاوه تحطين فيه مناديل معطره

وعلبه زيها فيها حلاوه نعناع اوعلك مستكه

فيه ناس تبخر الضيوف قبل يمشون بس احنا نسنحرمها

واذا الموضوع موضوع بوفيه بيكون زحمه عليكي وانتي توك

ماراح تتجملين

لانك ماراح تعرفين لوحدك ولو جبتيه من المطعم بيكلفك شوي

نصيحتي خلي زوجك يجيب مندي وبيبسي وفواكه وريحي بالك

بالتوفيق ياقلبو


انا لو مكانك اروح عندهم قبل واشوف ايش مسوييين عشان تتعلمين قبل مايجوكي

البنات ماقصروا
الله يسهل أمرك ويبيض وجهك
بس تبين الحق مررررررررررررررررررررره ضاق صدري :44:
معقوله ماتعرفين تقدمين؟؟!! ماقلت تطبخين كثير بنات مايعرفون يطبخون بس البنات دايما فن في التقديم
بس تشوفينهم في العزايم يحبون الديكور والتنسيق ويتفننون فيه بعد
وين أمك عنك؟؟ معقوله ماتعرفين الأطباق الرئيسيه؟؟!!
وماتدرين وين تحطين الأكل فيه؟؟
ماعمرك حضرتي عزايم؟؟
من جد حزنت عليك.. الله يسامح أمك اللي ماربتك عالسنع :mad:

شوفي حبيبتي ترى الصواني للعشا حلو وزينه وكمان الذ

وتقدرين تصلحينها قبل بيوم بس من بكرى تحمرينهن

مثل صينيه خضار بالبشامل والمصقعه و مكرونه بالخضار
ومحشيات وسنبوسه والبف ورق العنب و سبرنق رول حلو لها طرق على شكل صينيه وتحطين فوق البشمل او صلصه حمره
وكذالك فيه قرصان بس طريقه حلو بالحم المفروم والزيتون مره لذيذه وطعمها جنااان

يعني ابحثي عن الصواني وصلحيها قبل بيوم وبعدين العصر طلعيهن وقبل العشاء بساعه ونص دخليهن الفرن او قبل ما يجون علشان ما يحترقن عليك وانت مشغوله فيهم بس خلي الفرن شوي حار

عمومن حبيبتي لازم تخلينهم ياخذون عنك نظر حلوه لانه اول مره ولازم تنطبع فيهم وبعدين لو جاو لمك مره ثانيه عادي اي شي تحطين لهم عااااادي
لان الحموله يا بنتي على اول عمرك وترسخ بذهانهم كل شي فيك نظافك طبخك تقديرك كلشي لازم تتحملينه

الله يكون بعونك وخبرينا عن عزيمك ان شا الله زينه

الله يبيض وجهك ويعينك استعيني بالله وتراى الامر عادي بس خلي الكسل