ساعدوني في إتخاذ القرار ....... مستقبلي ومصيــــــــر حياتي

عزيزاتي جميلات حواء حبيت انكم تشاركوني في قرار خطيريحدد مستقبلي لأني
عاجزة عن اتخاذ القرار لحالي وانا والله على اتم الأستعداد بتنفيذ مشورتكم فأتمنى تنصحوني بالقرار اللي ماأندم عليه ويسعدني لأني عجزت عن مجارات الحياة المشكلة تتعلق في حياتي الزوجية انا من يوم تزوجت وانا الليل مانامه بس بكاء كل يوم على ذالحال لي ثمان سنوات وانافي هم وغم والسبب زوجي مايحس فيني على اني جميلة وجذابة ومتعلمة واهتم في نفسي من كل ناحية وعندي ذوق في كل حاجة بس زوجي مايلقني بال مايسولف معي اخبارة اعرفها من الناس مثلا جدولنا اليومي اقوم اسوي الغدا وبعد مايرجع من الدوام يتغدى وينام المغرب يقوم اسوي القهوه الشاي احطها ونتقهوى ساكت مثل الجدار في بدايه حياتي كنت انا اسولف بس مايعطيني وجه تعرفين اللي تسولفين على شخص هو مايبغى يسمع هو كذا مايعطيني وجه ويطلع برا ومايتعشى عندنايجي الساعة12 ونصف او وحدة يجلس عند الكمبيوتر ويروح ينام كل يوم كذاوبعد مايطلعني محبوسه في ذالبيت وهو داج مايهون عليه يطلعني يروح كل خميس الاستراحه ويروح بنته معه مايروح بي في البدايه كنت اتطلبه اروح معه واذاراح جلست في مكان وهو في مكان ثاني فحرمت اوح معه حتى السوق يقول لك شوي وترجعين مايمديني اخلص اغراضي خصوصا اني في قريه وزود على ذا واهم شي بصراحة مايعطيني حقي في المعاشره يجيني مره كل شهر او شهرين تجي الدورة وتروح واشيل بالحلاوة واتعب نفسي والبس احلى لبس واتطيب واحط مكياج كامل مايعطيني بال يروح ينام اتعب والله شعر جسمي يطلع ماقربني ولاحس فيني مع اني والله مزيونه الكل يتمناني ماشاالله بس؟ كم مره قلت له انت ماتبغاني مغصوب علي الزواج قسمة ونصيب ،يقول بالعكس احبك وابيك بس تصرفاته غير كذا وبصراحة انا ماقدر استحمل الزواج عفه وهو مايعفني ولايقضي رغبتي انا والله مانيب جنسيه بس لوانه يعوض باالاحساس فيني كان ماهمني بس الاحساس ولا غيره
وعلىكذا انا برضى لو ينومني جنبه او يمسك يدي يحسسني اني مع زوجي اقسم بالله يابنات اني كاني مع حرمة ينام في اخر السرير وانا في اخرطرف قرفت حياتي والله قرفته قلت يمكن مربوط وصرت اقراالبقره وايات بس المسحور يبان عليه وهذا لا وحتى لوكان عنده ضعف جنسي ليش مايعالج سبق وقلت له يقوللي انامافيني شي الحرمة مالها الامره وحده بالشهر ويزعل ولا يبغى افتح الموضوع مره ثانيه وعلى ذا يحب يقلل من قيمتي يقولي انت غبيه دايم بدون سبب وعنده انهذي خفة دم وعنده رهاب من الناس اهم شي الناس اللي يقولونه يطبقة علي اهم شي الناس وبعد يحب يقلل من قدري عند الغير مع اني ووالله احترمة عند الناس بس مدري وش سالفته وبعد المجتمع اللي عايشه فيه بدائي مره قريه وبعيده مره عن اهلي حوالي 900 كيلوماقول الا
تردى حظي وياليت الحظ يتبدل وبيع حظي لغيري واشتري غيره
انا ناويه على الطلاق تعبت من القرف والهم والبكاء اللي منيوم تزوجته وانافي بكاء والله الليل نادرا مانام وان نمت مانام الا بعد بكاء مرير وليته يحس ولاهوهنا عمره ماقال ليش متظايقة او عرض علي طلع نتمشى خصوصا ني محبوسه ماطلع نهائي وابغى اتنفس ويعلبي اذابغيت فلوس مايطلع الريال الا وروحي قدطلعت مره شريت اغراض تجميل حي الله اي كلام وبصراحة الي احتاجها وطلع المجموع300 ريال ويقوم الدنيا يبغى يرجع لي العطريقول غالي وانامتمسكه فيه كني بزر والله العظيم كلي يرحم شوي وببكي متمسكه فيه :icon33: ويقول رجعي واقول لا ابيه ياحرام وش طلبت حاجات بسييطة وقادرعليها بس مايبي يسعدني
السؤال انا ناويه على طلاق هل هذا قرار مناسب مع اني كل السنين وانا اقول بيتعدل بيتغير ةالله لاتغيرولاحاجه عمري يمشي وبس.
السؤال الثاني هل فعلا الرجل مايجي مرته الاكل شهر اوشهرين يني طبيعي
وبس الله لا يجعل حظكم زي حظي منسدح بقوه