ساعدوني في تقسيم المهر متورطة بجد

هــــلا أختي ....
تقريبا أنا مثلك 10 وزعتها بين أمي وأبوي مع إنهم يستاهلون أكثر
وخصصت 25 للذهب خصوصا إنه غالي الله يعينك والباقي تجهيز ... والحمد لله كفى..
أهم شي تصدقي لو بشي بسيط وإن شاء الله ربي يطرح فيه البركه ..... نصيحتي جيبي دفتر وقسمي كل شي .. الذهب\الملابس\المكياج\العطور .....إلخ .. وأكتبي أي شي شريتيه
ولاتنسين حددي جزء لليلة الزواج من فستان وتصوير ومكياج
ولا تكثري الملابس بتملين ..وربي يوفقك

دعـــــــــــواتك..

يكفي ان شاء الله ولاتكثري ذهب لان بيجيك هديه ذهب
بس اول شي لاتنسين مثل ماقالت الاخت الصدقه وكفاله يتيم وان شاء الله امورك كله تتساهل ياااارب
واذا احتجتي شي اكتبي بالبحث وبيطلع لك الموضيع البنات ماقصرو ماشاء الله كل شي كتبو عنه
والله يوفقك ويسعدك ويسخر لك زوجك ياااارب

انتي بأي منطقه عشان نعرف كيف نساعدك
لأنك لو بالرياض قرب الان التخفيضات ولاتكثري ملابس
الذهب هو اللي راح بنفعك ولاتشتري ذهب فيه فصوص كثير تطيح قيمته بعدين
وهنا اسعار الذهب
http://saudi-arabia.gold-price-today.com/

احلى سوق ذهب بصراحه جده ذهبهم يعجبني مره اليمامه (خلي للذهب من 20 الى 25 الف

جيبي ظروف وقسمي فيها 10 الاف (للملابس وتوابعها - بتلاقي بالتخفيضات اشياء رخيصة وسيتي ماكس رهيب والله )

خمس الاف (اتصدقي بأي مبلغ منها باللي تقدري عليه والباقي لليلة الفرح ولو تطيعي شوري لا يضحكوا عليك المشاغل كاسريهم وحتى لو طرحتك رمي لا تقولي لهم انك عروس بيصير سعرك دبل والنتيجه وحده والله العظيم اني اتندم الف مليون مره اني طلبت مكياج عروس ومافيه اي شي زيادة والله ) واعملي حسابك تخلي معك الف او الفين بحسابك لاتصرفي منها شي اول الزواج بتستحي تطلبي من زوجك شي وعموما لو قالت تحبي اعطيك مصروف شهري قولي ايه مو تقولي لا وتستحي زي بنات كثير استحوا وليومك ذا ماقدروا يطلبوا من رجالهم

الله يسخره لك ولو عندك سؤال الثاني او توضيح ابشري ولايهمك بس

ونصيحه في بنات الله يسعدهم يسوون جداول ونماذج للتجهيز لا تاخذيها لانك بس بتخليك تشتري اشياء مالها داعي
وأسال مجرب ولا تسأل خبير :)

صح كلام ام عدنان بس لاتكثرين ملابس خلى خمسه الاف للمكياج والعطور وخمسه للملابس وخمسه لطرحه واغراض ليله العمر والباقى اللى ينقصك نصيحتى اكتبى بورقه كم تحتاجين ملبس وقمصان والباقى تعرفين والله يوفقك يارب -------------

الله يوفقك
استغفر الله