ساعدوني في حل مشكلتي

السلام عليكم ورحمة الله وبركاته
كيف حالكم؟؟
بصراحه احب ابدي اعجابي بهذا المنتدى الاكثر من رائع ... انا من زمان مشتركه في عالم حواء بس من ايام قليله اكتشفت قسم التنظيف وغير في حياتي اشياااااء كثيرة وخلاني اراجع نفسي وافكر واحاسب نفسي كثير فأبغاكم تحلون لي مشكلتي بأفكاركم ونصائحكم وهي:

انا طالبه وعندي طفل مقصره بمعنى الكلمة في كل شي
1/في بيتي فهو غير مرتب يا دوب اطبخ واغسل الاواني فقط وترتيبي للبيت سطحي وبسيط لايتجاوز ترتيب مفرش السرير وتنظيم الصاله بشكل بسيط وسطحي لا يتعدى اني اشيل الاشياء المتساقطة على الارض واحطها على الطاوله الجانيه وامسح الارضيه اذا كانت جدا متسخه مع العلم ان بيتي شقه مكونه من 3غرف وصاله ودورتين مياة بس عجازة فيني غريبة
2/ملابس زوجي يغسلها ويكويها عند الغسال يادوب اغسل ملابس طفلي وبدون كوي الا اذا جيت اطلع
3/ دراستي ماهي صعبه يعني ما اذاكر الاقبل الامتحان بيوم واذا كانت الماده صعبه بيومين
4/ما اهتم بنفسي كثير علشان كذا اقصر بالباقي اكون مرتبه بس بدون ما اسوي خلطات او حتى سشوار لشعري . شعري دائما مرفوع الا اذا كنت ابطلع لعزيمه وما اتكلف بوضع ميك اب اوغيره الا نادرا
5/ مع العلم انه في اليوم اللي اكون رايحه فيه للكليه ما اسوي غداء يكون جاهز من برى لاني ما اطلع الا متأخرة
6/ ولدي ما اعطيه وجه كثير ما العبه واسولف معه لاني ايام الدراسه تكون نفسي بطرف خشمي :01:
.......بعد ما دخلت المنتدى اكتشفت اني مقصره بكل شي فودي تساعدوني وتعطوني جدول انظم فيه نفسي ....
عندي مشكله كبيرة اللي هي النوم نومي كثيييييييييييييير انام بالليل بدري وأقيل من صلاة العصر لحد ما يجي زوجي من الدوام بعد المغرب بصراحة احس اني تعبته معي وودي اتدارك الموضوع قبل لا ينفجر علي :19: لاني احس انه يصبر علي واكيد الوضع مو عاجبه
لاني اذا قال شي اتحجج اني ادرس ومسكينه كل البنات ما يتزوجون الا اذا خلصو دراسه ومن ها الكلام واذا كنت في اجازه اقول خلني اريح من هم الدراسه ما حطو الاجازه الا علشان استعيد نشاطي ..الخ
دوام زوجي من الصبح الى الساعه 2 الظهر ومن بعد العصر الى 6 المغرب فودي بهذا الوقت
ارتب نفسي وبيتي وولدي لو بشكل بسيط على شوي شوي

ياليت تساعدوني وتعطوني من نصائحكم