ساعدوني كيف اتعامل مع اهل زوجي << مشكلة عضوة بالمنتدى

مشكلة اتت لي بالوارد
الرجاء مساعدة العضوة بايجاد حل لها


السلام عليكم

ياليت اذا مافي كلافه تنزلي هالمشكله الخاصه بقريبتي



مشكلتي مع اهل زوجي

للاسف انا واهل زوجي من يوم اخذت ولدهم الى هاليوم ماشفت الراحه والسعاده

اهل زوجي من يوم دخلت عليهم البيت وهم حاطين انفسهم بحرب ومين اللي بيفوز ياانا ياهم

صارت حياتنا مناقره والمشكله على زوجي يعني وربي اني احترمهم واقدرهم وحتى لو اغلطو علي بالكلام ماقولهم شي

عشان مايالفون من بالهم بس اروح اشتكي لزوجي واقوله اهلك بس مشغلين انفسهم فينا واهلك بيتدخلون بحياتنا واختك سوت وامك قالت

لما الرجال قرف من هالعيشه واهله نفس الشي اول مايجي يستلموه زوجتك لاتروح لاهلها كل يوم زوجتك لاتطلع دايم لصديقاتها خلاص تزوجت

انا وحده كافه خيري وشري بس شي اكيد اذا شفت ناس يتدخلون بادق تفاصيل حياتي زي عيالي الاثنين كلهم هم اللي سموهم بامر منهم لزوجي

وانا زي المزهريه لاتقولون كان رفضتي زوجي انسان صعب واهم شي عنده امه خط احمر قالت سم البنت علي وتخانقت انا وزوجي اسم امه قديم

وسماها غصبن عني ولما جاء الولد صارت امه تزن انت طول عمرك يسمونك ابو فلان على اسم ابوك سمه على ابوك وسماه

اصلا قدامي كانو يحددون الاسماء واذا شافوني اعصب واقول لا اسماء كبار يستانسو انهم قدرو يقهروني

تخيلو ماعشت مثل المتزوجات امه تغار لو يشتري لي اي شي تغار وتتخاصم معاه وتوصل للزعل

وخواته جدا غيورات ومسوين يعنني نحب اخونا ومتعلقين فيه تشوفون كل ساعتين يكلمونه ويعزموه ببيتهم واحيانا يروح يسهر معهم ويسحب علي

معقول كل اهل الازواج كذا حروب بينهم وبين مرت ولدهم امي نفس الشي عانت من اهل زوجها مثلي بالضبط عشان كذا صرت احس كل الناس نفسي

يعني اهل زوجي فيهم غيره ماهي صاحيه وحسد فضيع مايبون اخوهم يسوي لي اي شي كانهم اخذين وحده تحت حكمهم وامرهم

زوجي من النوع اللي كل شي عادي سويه بس لاتقربي لاهلي بكلام سب لهم او شي مثلا لو اقوله مو لازم تعلم اهلك يقلب وجهه علي

وتوصل احيانا للاتهام لي اني ابي اقطعه عن اهله وان السبب انا اللي اكرهه اهله ولا ني احبهم عشان كذا احاول ابعده واخليه يجحد عنهم

كذا تفكيره ويقول هالشي ماراح يصير لو ايش ماصار انا اهم شي اهلي لو اهله على نياتهم ويحبون الخير والسعاده لي والله كان اعتبرتهم مثل اهلي

لاكن اهله للاسف من يوم دخلتي عليهم وهم حاطينها حرب واننا بنحكمك ولا تسوين شي الا بامرنا ولا تسافري ولا تطلعي واذا طلعت لمطعم او سوق

لازم يضف خواته وامه معنا وكاننا طالعين لكشته ودي مره احس اني متزوجه مثل كل المتزوجات والله صرت من شده الوسواس اللي جاني على اهله

صرت اتخيل انهم جد يحكموني وجد يمشوني بمزاجهم او يطلقوني منه ويحرموني عيالي لان دايم كلمه امهم العيال لابوهم مو لامهم

صرت اتخيل شرهم علي اكثر من خيرهم وتجيني تهيات عنهم واحلام مرعبه زي احلم باشكال اهل زوجي بوجيههم مركبه باجسام حيوانات

ومره حملت بخنفسان ثنتين وسالت الشيخ قالي هذولا حرمتين من الاقارب حاسدينك وكارهينك وتحصني وانتبهي منهم

والله دايم احلامي بام زوجي ووحده من خواته لانهم هم اساس البلاء اللي انا في اللي مثل حالتي اهل زوجها مسطيرين على ولدهم

وولدهم اهم شي عنده اهله وش الحل معهم لاني قرفت من ذا العيشه