ساعدوني مع الكشه ابغى حل الصوره هي الدليل

ربي يخليها لج ..

البنت توها صغيره و شعرها بيتعدل لين كبرت ان شاء الله ..

بس انتي حاولي انج تلمينه لها او تحطين لها شبصات بيطلع شكلها احلى و بيركد الشعر ..

لا تخافين اختي كان شعرها جذيه و هي صغيره بس الحين شوفي شعرها ما شاء الله ناااااااعم

الحل الوحيد ومن تجرررربة اختي
كل راس فلفله قصيها وداومي تقصصي اللي يتلفلفون وشوفي كيف يصير ولاتنسين تزيتيها بزيت الاوز مع محلب مو حلب محلللللللللللللللللب

انا بنتي كان شعرها جذيه وما كانت تحب اني امشطه .. والحل انك اتحطي لها كريم للشعر واتمشطينه وتربطينه لأن الربط هو اللي يرتب الشعر ويشده ويطلع ناااعم نوعا ما وابدا لاتفكرين اتقصينه قصه قصيره بحيث انه ما ينربط .. لا قصي اطرافه كل فتره لأن ها النوعيه ما ينفع القص وتسريحات الشعر القصير.. وبنتي ما شاء الله عليها بالصف الثالث وشعرها ما شاء الله مغطي ظهرها..لتحت وسابقا كانت نفس بنتج..

حطي فيه زيت الخروع ..وبعد ماتروشينها اربطيه في بكل مع شده بقوه <<<< مو مره عاد عشان ماتموت عليكِ من غير شر ..موفقه عيوني

ههههههههههههههه حلوه شمس الشموسه
الله يخليلك هالبنيه وهالكشيشه هههههههههههههههه
انا بنتي شعرها ملفف وتقهررررررررني ترفض امشطه واذا حطيت لها شباصات وزينتها
راح تتوزا وراء الباب وتفككهن :(
مرررررررره انقهر لاجيت اطلع مع الباب الا الشوشه منتفشه
عاد بنتي توها سنتين ماينفع معاها الهواش ولا شيء


اسمعي انصحك بزيت الحيه مرره حلو وينعم وبعد زيت السمسم مررره يجنن كلن يمدحه