ساعدوني و فهموني ..يمكن انا ما افهم او يمكن الي اسويه غلط

رفع

يمكن انتي تبالغي بترك الاشياء حتى المباح تتركيه خوف من انه حرام عشان كذا حياتك فارغة يمكن تشوفي كل شي حرام بس الواقع ديننا مو كذا ديننا دين يسر وسهولة ومحبة وتسامح مو دين غلقة وكئابة وانعزال

وعليكم السلام
اتفق مع رد سيلين راجعي نفسك وتأكدي من سقف المحرمات اللي ماشيه عليه هل هو فعلاً حقيقي او ماشيه على مبدأ سد الذرائع وتحرمين المباحات ومضيقه على نفسك
ومن كلامك حسيت انك مثل اللي تقول انا راح اعبد الله واتقيه واعمل طاعات وعبادات واحرم نفسي من الشي الفلاني والفلاني بهدف ان الله يعطيك اشياء اخرى اتمناها ولما ماتجيك تحسين بصدمه واستياء وان تعبك راح عالفاضي
لانك ماعبدتي الله لاجل العباده بل عبدتيه لاجل رغبه في داخلك بالحصول على مقابل لهذي العباده
ومن هنا لازم تصححين طريقة تفكيرك ومعتقداتك اتجاه العباده والحياه والرزق
وتأكدي ان رزقك مقسوم لك ورزق غيرك مقسوم لهم
والله سبحانه وتعالى يرزق ويعطي ويكرم جميع عباده بمختلف انتمائهم وجنسهم ودينهم
اعبدي الله لانه الخالق المعبود
واطلبي الله حاجتك واسعي في تحقيقها
غيري في نفسك وحياتك وطريقة نظرتك للامور وراح تتغير معك حاجات كثير في حياتك
ان الله لا يغير ما بقوم حتى يغيروا ما بأنفسهم
واذا انتي من الناس اللي يمشون مع البرمجات الجمعيه للعقول وتظنين ان حاجتك اللي تطلبينها من الله مرهونه بكثرة التدين والعبادات والبكاء والتعصر ألماً عند الدعاء وطلب حاجتك من الله فهذا ظنك ويقينك قد اخذتيه فلا تلومين احد عليه وثقي تمام الثقه الله سبحانه وتعالى ليس بحاجه لألمك ولا لتعذيبك والحياه ميسره وسهله والدعاء ماله شروط الا صدق النيه والظن الحسن