ساعدوني يا بنات الدكتوره ما لقيت لحالتي تفسير !!!! وانا تعبانع

السلام عليكم
يا بنات صار لي شي غريب اليومين هذي ما لقيت له تفسير ولا الدكتوره قدرت تجاوبني وتزيل حيرتي
يالله باحكي لكم
انا لي شهرين استخدم خافض هرمون الحليب Dostenex والشهر هذا استخدمت Nolvadex اللي زي مفعول Clomid المنشط للتبويض لمدة 4 ايام تقريبا من رابع يوم للدوره
الشهر هذا جتني الدوره على موعدها طبيعي واستمرت معاي 6 ايام مع ان الطبيعي 8 ايام ومرات9 ايام ومرات 7 ايام بس دايما 8 ما علينا
اللي استغربته ان الدوره كانت كميتها قليله مقارنة بكل مره
وشي ثاني ما حسيت فيها نهائيا وهذا رجعته الى اني كنت اعاني من صداع نصفي من فتره وكنت اخذ مسكن فقلت يمكن انه سكن الدوره على الطريق وقالت الدكتوره انه ممكن يكون سبب قصر وقت الدوره
في اليوم الاخير اللي هو السادس اغتسلت وحصل ....... مع زوجي
بعدها على طول لاحظت نقط دم قلت يمكن عشان الدوره ما اخذت وقتها
ثاني يوم الدنيا صافيه وزي الحلاوه الى ما قبل العصر وعيني ما تشوف الا النور
حسيت بالم اسفل ظهري وكل ما له يزيد وبعدين مسك معاه البطن والفخوذ تماما مثل الم الدوره الشديد مع افرازات ملونه وكل ما لها تغمق... شوي شوي بدا يخف الالم لكن ما اختفى
كلمت الدكتوره وقالت تعالي نسوي لك اشعه تلفزيونيه
رحت وسويتها وقالت الدكتوره نقلا عن دكتور الاشعه انه ما في شي في الرحم ولكن فيه حاجه فوق المبيض ما هو عارف ايش هيه لا هي بويضه ولا كيس واحتمال يكون حمل خارج الرحم فسويت تحليل دم وطلعت النتيجه سلبيه الحمد لله والشكر
بس الدكتوره ما لقيت اي تفسير لهذي البقعه والالم لمصاحب لها وكتبت لي على Daflon لوقف الدم لمدة اسبوعين وطلبت مني اوقف Nolvadex المنشط اللي مفعوله زي مفعول Clomid وقالت راجعيني السبت
انا طلعت من عندها وعقلي يودي ويجيب لانها ما قدرت تقولي سبب اللي حصل والالم ما زال موجود الى الان على خفيف والتنقيط وقف الحمد لله
بس انا حيرانه وخايفه يكون شي خطير لانها اول مره تحصل لي ولان الدكتوره ما قدرت تجاوبني
الله يخليكم يا بنات اللي عندها معادلومات او تفسير للي حصل تطمني باسرع وقت
والله يوفقكم اللي تعرف دكتوره ممتاااااااازه في جده تقولي عليها عشان اشيل ملفي واروح لها
الله يكتب اجركم يا بنات لا تطنشوني انا محتاجه وقفتكم معاي وانا واثقه انكم بتساعدوني