ساعدووووني ...شغالتنا تبي تسافر وانا متورطه راح اطبخ وانا ماعرف

السلام عليكم ورحمة الله وبركاته


المكتوب من عنوانه انا ماعمري
طبخت إلا تناتيف وغالبا في رمضان صواني خفيفه على الطاير وماحب شغل المطبخ رغم اني اتمنى اتعلم الطبخ ولهالسبب دخلت اقتصاد منزلي

صحيح اني بالكليه اتعلم طبخات .... بس ماتصلح لمجتمعنا السعودي اللي مايريد غير الدسم و و و كلكم عارفين


وكذا مره حاولت اطبخ ....<<< بالسنه حسنه


وياكلونها وتطلع زينه بس مو معناته اني اناااااااااا اطبخ كل يوم او كل يومين كذا مصيبببببه


ولااااااا الغداء والعشاء والفطور يالهويييييييييييييييييييييييييييي طاحت براسي


خدامتنا بتسافر كللللل العطله وتجي على بداية المدارس

ولازم انا واخواتي الثنتين القرمات كل وحده عليها يوم :angry:

واختكم مالها خلق بالعربي احس اني تعودت على القعده <<<< مايصلح لازم اصير قرما


خصوصا اني على وجه زواج وكذا مصيببببه
ولا اوكل زوجي كل يوم بيض ؟؟؟؟؟؟؟؟؟ ههههههههههههه وشاي بس ههههههههه



ماقولكم ماعندي خبره لاااا عاد انا اقتصاد وافهم شوي بس مو كثير


بس ماعرف اتحمل المسؤليه ليوم كامل ولاااااا واليوم الثاني يصير الطبخ على اختي وعلي الغسيل والكوي <<<< اكرررررررررررررررررره الغسيل والكوي بعد



واريد منكم يالغاليات خدمه



أولا::::::::::: تحمسوني بعباراتكم المشجعه يبعدي والله

ثانيا ::::::::: طبخات تصلح للعليميه اللي مثلي


ثالث::::::::: بعض المعلومات اللي ممكن تفيدني بإستغلال وقتي وتنظيمه لأني لاصرت بالمطبخ حست الدنيا حوس اطلع وكلللللللللل ملابسي مويه تقل داخله اسبح مو داخله اطبخ ههههههههههههههههههه

وغير كذا حرام اهلي ينامون جوعانين ابي حركات خفيفه صواني طبخات بنوتيه لحد ماتتغير الحاله من مبتدئه الى فنانه بإذن الله


وانا اوعدكم راح اتمسك بنصايحكم وادخل كل يوم ابتداء من بعد اسبوعين ((موعد سفر الخدامه ))

ادخل كل يوم لهالموضوع واقول لكم وش خربطت اليوم من اكل وش صار معي <<علشان تتابعون الطالبه الجديده في مجال الطبخ


وادري بكم حريم قرمات راعيات بيوت راح تساعدوني وماتتخلون عني وتعلموني

علما بأن الوالده حفظها الله تطلع للدوام من الساعه 7 صباحا حتى الساعه 4 مساء وطبعا تجي منهكه وتعبانه وتحط راسها وتنام واذا قررت تشيل عني الحمل ماعندها غير وجبة العشاء اللي ممكن تشيل حملها عني ولو انها مبسووووووووووووطه اننا راح نتعلم الطبخ وماتوقع راح تشيل حمل
الطبخ عننا يمكن تشيل البيت كله إلا الطبخ لأنها تريدنا نتعلم









والبيت لاااااااااااا
ا اله الا الله حموله يعني لاااااازم ياكلون اكل سنع ولاااااا :30:



هههههههههههههههههههه


يله عاااد ساعدوني
شفتوا ازمتي وفكوها عني وعلموني كل التفاصيل اللي تحتاج لها المبتدئه سنه اولى طبخ



وكم طبخه سهله ممكن اسويها اذا صار يومي

المهم العشاء ... لأن الغداءمايحتاج (( كبســـــه )) على انواعها ههههههههه يوميا



وهالموضوع ممكن يفيد كللللل اللي يريدن يتعلمن الطبخ مثلي ومتورطات بأعمارهن مثل حالتي

وممكن الكل يشارك بالتعليم وبالتعلم

وااللي تريد تتعلم مثلي ممكن تكتب لنا كل ماطبخت وش صار معاها وش طبخت وش راي الاهل وتعليقاتهم على الطبخه ووشلون صارت الطبخه ومن هالكلااااام ونتناقش يوميا لما نصير طباخات ونبتكر طبخات بعد

يله من تبي تتعلم وتعلم تتفضل مشكوره جدددددا جددددا لأنها بتكون سبب خير

فكلنا وخصوصا انا على وجه زواااااج قريب ان شاء الله ونريد نتعلم وغيري ممكن تكون متزوجه ومو لاقيه احد يشجعها ويسألها كيف سويتي وش صار معاكي







هينا نتجمع وهينا نتعلم ونعلم ................. اتمنى الكل يشارك ويستفيد :icon28:

انا بالانتظار ................ وجزاكم الله الف خير مقدما