سافرتي سفره وصار لك موقف .. حياك الله 😊😊..

هلا وغلا بالحبيبات...
سافرتي سفره وصار لك موقف مع اهلك او زوجك ... حياك الله ....اتحفينا ونتحفك😂😂...


سافرت مع اخواني وبنات اختي وحرمة ابوي الله يذكرها بالخير ... وقعدنا نفرفر بأنحاء المنطقه .. فجاه لفت سياره علينا ..واخوي عَصّب وفتح الجام وقام ياشر بيده ... المهم اللي بالسياره الثاني يطالع صوب حرمة ابوي لابسه لبسنا بالكويت لثام والجبهة طالعه وتلمع...قال لاخوي رح رح لعيون اللي معاك 😂😂.... ي ويلي ويلاه اخوي لف لفه عجيبه مغير نتصافق بالروس انا وبنات اختي ... وقال انزلن .. والطريق كان فيه اشاره وهذاك الخبل واقف ع الاشاره .... ونزلن كلهن وحرمة ابوي نزلت ...بقيت انا مانزلت 😂😂... قال اخوي انزلي ..قلت والله ما انزل تبي تجيب لنفسك بلوى وتموت الرجال .... ويلتفت اخوي .. ويسحبني من فوق ..اح مع شيلتي وشعري ونقابي .. ويقعد يحوس فيني بالسياره انزلي قبل تفك الاشاره ... ويعفش شعري بكل حيله ... وانا والله ما انزل ... وهذا هو يعفش وانا ابكي واولول والله ما انزل ... الله يقلع ذيك الاشاره كانت ي طولها طولاه .... ماصارت خضرا غير شعري منمصع😞😞.... ايه وصارت خضرا وهذاك الخبل شفته لف وراح وانا انزل ...واخوي والله ما اخليك ي الحيوانه ي العوبه تدخلين بشؤوني 😂😂... المهم نزلت بنت اختي يهمها الاتيكيت .. وهي واقفه عند الشارع واي ليش شيلتك منتفشه ونقابك ع جبهتك ... والله وقتها مافيني حيّل حتى ارد عليها واقولها ليش نزلتن وخليتوني بغى اخوي يتسبب ع نفسه ويهاوش الرجال ......😞😞...راسي والله قعد كم يوم يعورني واذا لمست الشعر يمه احس بنفضه....😣..


موقف اخر ... كنت بسفره مع زوجي وهو بالطريق يسوووق وجايه النوم معد يشوف يقول اقرصيني عشان لا انام وأكمل اسوق .. ويلفلف. فينا بالطريق يمه وهذا انا اقرص.... واقرص .... ومرات يوعى ... ومرات يزفني .... كانت هذيك السفره رعب والطريق سايد واحد ياربي تحفظنا ....طيب اصفط نم خذ لك غفوه ... لا لا مافيني نوم بس عيوني تبي ترتاح 🤔....


ومره بسفره مع ابوي الله يرحمه ..ركبت اعلى لعبه بالالعاب وركب اخوي معاي عشان ابوي ...المهم ونحن فوق .. اخوي قال عوذه منك وان طاحت بنا .. قلت انا لا عادي .. المهم المكعب حق اللعبه يلفلف من ألهوا واخوي انهبل نبي نطيح نطيح .. قام يقعد ويوقف .. وطاح تلفونه وانكسر ... وانا ماخفت وقتها كثر ماضحكت عليه .. اخر شي يقول بطيني يعورني بطني يعورني .....😂😂😂...سبحان الله الحين والله اني اخاف من الدرج المتحرك ...واخاف من ابسط الاشياء سبحان الله ..قبل كنت ماخاف مدري ليش.....


في مواقف بس شوووي واقولها ......


حياكن الله حبيباتي ....