سالتني صديقتي هل يبرد الحب بين الزوجين بهذه السرعة

زي ما شفتوا بالعنوان سؤالها قهرني و اللي قهرني اكثر حكايتها
المسكينة تزوجته و هم بس ع التفونات طول فترة الخطبة و الملكة و كانت كل ما قرب الزواج تشتاق اكثر لتكون بين يديه و رغم كل المشاكل و الصعاب اللي واجهتها في الزواج تحدت كل الظروف و وقف اهلها بجانبها عشان تتزوج باللي تحبه المهم تزوجوا و سافرت وياه ع بلد غريب و لاقت انه اطيب زوج ممكن يكون ع وش الارض رغم ظروفه المادية الصعبة الا انها وقفت وياه لحد ما شارف على انهاء كل ديونه للحين كل شي حلو لكن التالي هو اللي مر
تقول لي و بمرارة تنتزعها من صميم نفسها و دواخلها و لا قادرة تخرجها انه بدا من فترة طافت عليهم يحسسها انه مشغول و انه ما له خلق للسهر و انها هي اللي مقصرة بالبيتو بالبيبي و كمان مقصرة معاه ما تشاركه اهتماماته انا لمتها ساعتها و قلت لها و انتي ليه ما تشاركيه همومه و اهتمامته
ردت عليا و الدمعة تسابق حروفها انها محد وقف معاه بهمومه و مشاكله زي ما سوت هي بعز ما هي عروس و هي تقصر عن نفسها عشانه و لا تطالبه باي شي و ان طغت عليها نفسها بشي ما تدور الا على ارخص الرخيص لها و للبيبي لكن هو لا ما يهون عليها ما تجيب له الا الحلو و الغالي عشان مظهره
قلت لها طب وش الي تغير الان !!! اكتشفت انها ماهي على وفاق مع اهله بسبب تدخلهم اللا معقول بحياتهم و ان تدخلوا تموا تدخلهم بتلميحات اصرح من الصراحة بانه ليش ما يتخلص منها و ياخذ احسن منها واحدة اجمل و ارتب (رغم انهم كانوا يتغنون بها و بجمالها الهادي و طبعها الطيب و قلبها الحنون) بس الحين النظرة تغيرت
صارت الحين هالمسكينة المرمية باخر الدنيا عن اهلها تشك باي شي يجيها من اهله و لا تطيق نفسها اي كلمة منهم رغم انها كبتت اللي بداخلها طوال السنسن اللي فاتت عشان بس ما ينقال انها مو من بيت اصل و ادب و سنع و يا ريتها لاقت الا عكس كل هالكلام
هالفترة زي ما ذكرت لكم عزيزاتي هي حاسة انه نافر منها حتى لما تجي تنام وياه ما عاد زي اول حنون معاها بالفراش و حتى انه ما ........... من فترة رغم انه كان جدا ماشاء الله عليه مرتاح معاها بههالناحية بين الازواج
هي الان صارت كتومة معاه كثيييير ما تتحكى وياه ابد لانه ان تحكت وياه يقاعها و يحاكيها باشياء خااااااارج اطار الموضوع فانولد عندها الاحساس انه مالو داعي تتحكى وياه باي موضوع مهما كان الا لو يتعلق بالبيبي و بس حتى عنها هي و البيت ما عادت تحاكيه باي شي خصوصا انه صار يقولها لما تساله ليه ما ترد علي لما اسالك عن شي تخيلوا ايش يرد عليها !!! يقولها اصلا تتكلمين كانك قاعدة تحاكين روحك صوتك مب طالع منك اصلا فكيف اسمعك
ايش رايكم وش اسوي لها وش انصحها قلبي منفطر عليها لاني اعرفها حنونة و طيبة و الكل يمدحها و يحبها