سالفة ادلخ واحد شفته

هذا الله يسلمكم سالفه حصلت معي ايام المراهقه الزاحفه

مره طقت في راسي انا وبنات عمي وبنات خالي قلنا خل نروح السوق ما لنا حاجه بس ملاقيف

وخذينا معنا واحد من عيال عمي كان عمره حوالي 12 وهذا هو الدلخ اللي في العنوان وماخذينه على انه محرم عشان رايحين مع السايق امحق من محرم

ويوم بغينا نمشي الا يوم تولجونا ها المبزره يبون يروحون معنا ويوم طردناهم
قالوترى بنعلم ابوي ------نذالة بزران بعيد عنكم

قلنا امرنا لله واخذناهم وياليتنا ما اخذناهم والله ان السوبر بغى ينفجر من كثرهم

ويوم دخلنا السوق وهم ينتشرون في رحاب الارض وانا نتسوق وندوج شوي الاابوي
متصل :16: انتم وينكم قلت في المكتبه نجيب اغراض وانا في الاجازه الصيفيه :D
قال ايه المكتبه يالله تعالو ويصير خير انا صرت كذا :( بعد مانيب كذا :icon28:

ويوم ركبنا السياره ومشينا يجي كم كيلو قال واحد من البزران وين نوره اللي هي اختي الصغيره مهيب فيه الظاهر انها غدت يامصيبتي ونرجع ندورها وننزل في السوق وينتشرون مره اخرى وندورها وانا حالتي حاله امشي واكلم نفسي ياويلي
من ابوي ويلاه

والناس شافو حالتنا ورحمونا وقامو يدورون معنا

الا ويجي ذاك الرجال ويسال ولد عمي الدلخ قاله انا شفت بنيه هي وش لابسه
قاله المدلخ لابسه بنطلون ازرق وبدي زهر والبنت لابسه( قميص مرقمش )
قال لا اجل مهيب هي
قلت للولد وش يقولك الرجال قالي السالفه قلت الله يرجك يمكنه شايفها ليه ما قلتله الصدق قال ياسلام تبيني اقوله لابسه قميص مرنقط <<<<<<< شفتو الدلاخه

واروح انا وياه نسال الرجال وين شفت البنت اللي تقول قال شفتها في المواقف الخلفيه وهي قاعده تبكي ونروح ركض وفعلا طلعت هي :icon33:

الحمدلله عاى السلامه والاكان علوم :30:

الله يقطع من يروح بالبزران وخصوصا اللي معه واحد مدلخ مثل اخونافي الله