سالفتي مع اخوي الكبير

بدخل بالموضوع على طول بس اللي تدخل تتحمل بربرتي شوي لاني متضايقه كثير


هذا الله يسلمكم صارت مشكله قبل فتره بيني وبين زوجي ورحت بيت اهلي وكان اخوي الكبير موجود

وكان يقولي اصلا هذا مايستاهلك وووو .. ( على فكره الموضوع مو كبير مره ) بس انا وقتها وحآآآم وحالتي النفسيه زفت مررره ..

يوم دخلت المجلس عند زوجي وقمنا نتفاهم على المشكله انا عصبت وتنرفزت على زوجي قااااام اخوي الكبير قال بنت اسكتي .. قال زوجي لا خلها تتكلم < زوجي مقدر وضعي ونفسيتي ..

اشتد النقاش شوي قام اخوي قال قومي انقلعي برررررى برى انتي و زوجك !!

انا هنا بكيت بصوت عالي وقلت مالك دخل انت محد قالك تتدخل بيننا وااابكي بقوه زوجي جاء وضمني وقال خلاص خلاص
قومي حقك علي انا اااسف

طلعت من عند امي وابكي و زوجي يقول والله قهرني اخوك المفروض اخته بيوقف معها مو يطردها للاسف طلع مو رجال ولا ينشد به الظهر ..!!!

وانا ساكته وابكي قال يوم تحتاجينه يطردك من البيت !! لو اني ماني موجود كان رماك بالشارع !!

المهم نسيت الموضوع

بعدها بفتره اهلي كانوا بـ مول رحت عندهم انا و زوجي واخوي كان موجود .. زوجي سلم عليه وجيت انا قلت عيب مااسلم عليه مديت يدي اسلم لف وجهه ولاكانه شايفني قدام الناس تفشلت وبكيت .. وزوجي قام قالي امشي اخوانك موب كفو والله يفشلون .. هذا مريض اخوك الظاهر .. انا كنت احسبه عاااقل وطلع موب صاحي ..

بعد نفس الشي زوجي عزمني على عشاء < عشان ينسيني الموضوع وانا بس اشاهق وابكي مثل الطفل

وحسيت زوجي حن علي كثير حتى اسلوبه تغير يقول ادري ان مالك غيري .. وانا ان شاء الله بعوضك عن كل شي ماعليك منهم لاتروحين لهم ولا تكلمين احد فيهم ..

وفعلا الله يخليه لي كان لي ونعم السند الله لايحرمني منه ..

بعدها بفتره رحنا غدا عند الوالده < لزمت علي امي وحلفت قال زوجي امشي عشان عمي وعمتي بس
والا اخوانك مع احترامي ماهموووني

المهم رحت وجاء اخوي دخل وسال اختي قالها مين في المجلس قالت له فلان < تقصد زوجي
قام قال وييييييييييييع قططع
سمعته وطنشت !!

قمت قلت بيني وبين نفسي خليك احسن منه واعقل منه وخيركما من يبدأ بالسلام يمكن المره الاوله مااننتبه لانه وقتها يوم امي هاوشته قال ماشفتها !!

التمست له عذر وقال بصير احسن منه وياليتني ماصرت .. دخلت الغرفه عنده وقلت فلان ليش ماتسلم قال وليش اسلم اصلا انا حالف مااسلم عليك ولا اطالع بوجهك . قلت الله وليش كل هذا .. ترى انا المفروض اللي ازعل مو انت !! انت اللي غلطت علي مرتين وانا ساكته ومع ذلك حسبت لك حساب واحترمتك وجيت اسلم

قال وانا حالف يمين مااسلم عليك ولا اطاااالع شكلك حتى < يكلمني وهو لاف وجهه

قلت تيب فهمني ليش قال انتي ادري وش قلتي هذاك اليوم في غرفه البنات وفي المجلس !!

قلت انا متاكده اني ماقلت ولا غلطت عليك بشي ،، بس ذكرني لو عندك شي قال .. لاا انتي ادرى .. قلت انتي اللي طردتني من البيت انا المفروض اللي ازعل موب انت .. قال قومي من وجهي
دخلت امي وقالت عيب هذي اختك قال مااتشرف فيها وخليها تطلع من الغرفه احسن مااطلع لك من البيت كله


طلعت وانا ماسكه نفسي الى غرفه خواتي وانفجرت ابكي ..

فهموني بإيش انا غلطانه وربي وربي يشهد علي اني ماقلت كلمة بحقه او غلطت عليه .. هو اللي غلط عليه والكل شاهد .. بس راكب راسه
جات امي تراضيني وقالت لي ماعليك منه هذا انسان خسيس يكفي انه مايصلي ولا يضرب ركعه حتى لو بالغلط !!

استغفر الله العظيم


بنات اللي عندها رد يبرد القلب تحطه واللي ماعندها سالفه تقضب الباب الله لا يهينها ماني نااقصصصصه نفسيات :44:



اللي استلموا الموضوع ان زوجي مايشوف الموقف الاول هو اخوي اللي تكلم قدام زوجي وطررد

والموقف الثاني مادرى عنه زوجي ..

والي تقولي صغرتي بعين زوجك ، انا مااوصل له شي ولا اقوله بس اخواني يفشلون مايحلا لهم الشي الا قدام الناس
يهايطون !