سالفه حلوه لا تطوفكم

السلام عليكم
بـ اقول لك سالفه صغيرة صارت لي في رمضان لا تقولون كذابه تراهي صدق

مرة من المراير وفي حزة من الحزايز وفي ليله من ليالي رمضان ومع الرياح والزمهرير
وانا منسدحه وقالب خشتي واشوف تلفزيون
وقاعده اشوف برنامج باايخ اسمه طاق طااقيه مدري رن يا جرس
الا ادور الريموت ما لقيته يوهوه هذا وقته بعد يضيع الريموت
الا الاقي ريموت لونه احمر <اموت يا الرومانسيه
واضغط عليه وادخل داخل التلفزيون
ويه ويه ويه وش هـ المصيبه والسحور مين ياكله

ما علينا ..

عاد ادخل لكم عند هذي حبيبتكم حليمه بولند تقول لي يلا اختار الإجابه الصحيحه هاهاها ترى انا ما احب اغشش بس يمدحون الإختبار الثالث
ووععع لوعتي كبدي وانا ما بعد اتسحر خلاص ما ابي السحورابي امي ابي ابوي ابي زوجي لا ما اقدر مستحيل:s

عاد غيرت القناة رحت وقادمي وحدة مصريه تصارخ
تقول لي انا داليا فاشوش
قلت لها والكوبه فيك وفي اهلك
قالت لي انتي مين<لاحظوا انتي
قلت لها انا العنزة نور قصدي العمه نور وانا اعرف الصح من الغلط وامك الصايعه ما تعرف شيوهاو ووات هابند:Sنيفير:S
قالت لي وانتي قايه عندنا تعملي ايه
قلت لها انا قايه اربيكم انتو ويا اهلك واخوك بو شعر كشه
قالت لي انا داليا فاشوش
قلت لها سمعي عاد يا الحراميه الخايسه انا شايف النهايه حقه المسلسل ليه تسرقين يا قليله الأدب واخوك ليه يحلق شعره
قالت لي هو انتي بتقولي ايه
قلت لها وابوك ليه يروح ينام مع وحدة ثانيه احنا في مصر البطاله منتشرة بشكل كبير ويجب القضاء عليها بـ اي وسيله و و و ..... إلخ
الا اشوف البنت نامت
يا كرهها قلت خلني اغير القناة لوعت كبدي العنزة نور ويا نصايحها انا ما صدقت افتك من المدرسه ومن ماده الوطنيه تجي ذي الغبرة
خلني اغير القناة احسن

وووووي واضغط الزر واطلع في شقه .. الا يرن التلفيون وارد
انا:الووو
اللي تتكلم:غنييييييييييمه .. لحقي علي
انا:مين انتي ووجع
اللي تتكلم:انا حصه هو ما عرفتيني
انا(اقول في نفسي:اييه هذي هي حصه اللي في مسلسل الحريم <يعني لازم يوريكم اسم المسلسل )قلت لها شفيج خرعتيني
حصه:وش فيني بعد .. مرزوق حسبي الله عليه باع البيت و سافر واخذ كل فلوسنا
انا:طيب وش اسوي لج
حصه:وابرار بعد .. قامت ترااددني وكله صاكه على روحها الدار
انا:قومي كفخيها
حصه:واليوم الغدا ما طبخته
انا:وش رايك اجي اطبخ لك بعد
حصه:وخلّود ولدي كله يكفخ في اخواانه
انا:طااااخ<<صكيت السماعه

ويه هذي مسكينه فقيرة لازم اساعدها خلني اكلم اخوي ابراهيم .. ايه اخو على طل

انا:الووو
حنان:الااوه
انا:هلا مين حنان شلونك؟
حنان:انا بخير مين غنيمه خير شفيك
انا:اقول عطيني ريلج بس
حنان:ابراااااااااهيييييييني كللللم تليفوووووووووووووووووووووووووووووووون <حشى موب صوت
حنان:اقول غنيمه تعرفيني انا احب الكشخه وما اعرف اطلع من البيت الا كاشخه
انا:طيب خلصي عطيني ابراهيم
ابراهيم:هلا غنيمه
انا:هلا
إلخ إلخ إلخ ..<قلت له مشاكل حصه
ابراهيم:طيب انا وش اسوي لها؟؟
غنيمه:انت اخوها
ابراهيم:الحين صرت اخوها
انا:بس يا ابراهيم ما يصير كذا
ابراهيم:يلا بس باي
انا:سلم على حنّونه .. حنت عليها اذونها
طاااخ ..<انا سكرت

قطيعه تقطعه .. هذا اسمه اخو اخو على طل مالت عليهم ..
اقول خلني اروح ازور راويه ..

((عند راويه))
هلا راويه حبيتي شلونك ..
راويه:انتي هني طلعي برررررة برررررررررررررررة
ويه ويه راويه شفيج علامج طلعي برة
وتكفخ فيني وتكفخ

اقول بس خلني اطلع من حلبه المصارعه WWF احسن لي


---------فاصل إعلاني---------
مريم ندى
هاهاهاها .. رقعتي امتى؟بس وشك احلو اوي ومنور
اكيد في سر
لا سر ولا حاقه .. ده بألاي شهرين استعمل فير اند لافلي
ده بيفتح لون البشة بطريئه لطيفه وامنه .. وكمان بيحميها من الشمس ..
وقربيه طبعا عشان أبأى حلوة زيك
فير اند لافلي .. لبشرة اكثر إشراقا .. وجمالا
---------
كلوقز يتمنى لكم إفطارا سعيدا طنق طنق طتق
---------فاصل إعلاني---------

المهم لما ضغطت الزر وصلت لبيت خايس وقديم واشوف وجهي الا انقلبت وحدة بيضا بس شينه
مهااا وين رحتي <<وييه شكلي في يوم آخر
هلا هاله انا موجوده ما شفتي وش سوا خالي
صدق لي قالوا .. الخال خلي والعم بعد خلي

هيه انتي ريموه تعالي وين رايحه <كل ذا صراخ هاله
وانتي وش دخلك يا الخايسه يا السباله
انا:بس خلاص ما فيه احترام لي
ريم:سكتي انتي ويا هـ الخلاجين اللي لابستها
انا:انتي وين رايحه؟
ريم:انا اطلعه مع خويي ليه عندك مانع ولا عندك مانع؟
انا:انتي صج جليله ادب .. طرااق
ريم:وشو انا الطوفه العبيطه عندكم انا ما اسمح لك تمدين يدك علي
هاله:هيه انتي يا الصايعه يا ام الرياييل تعالي .. ويقوم الطرااق

ويه ما لي خلق خلوني اقدم في الحلقات شوي واغير الشخصيه حقتي <لاحظا كل هذا في الريموت الكشخه حقه
ابي العب بـ خالد
ابي اكل
هاله:بسك يا الدب انت تاكل عشر وجبات في اليوم
انا:بس انا جيعان
هاله:رووح زين
الخال:هيه انت يا خلود ليه ما رحت المدرسه
انا:اليوم الجمعه
الخال:هذا موب عذر مقنع احنا ندفع لك فلوس عشان تروح المدرسه
انا:انت ما تدفع شي عمي علي هو اللي يدفع
الخال:عمك علي انت عندك عم اسمه علي من متى انا عندي اخو اسمه علي
انا:انت ويا رفيجك حمدي
حمدي:انا احسن منك ومن جدك
الخال:لا تييب طاري ابوي الله يرحمه في السالفه تراه احسن منك
حمدي:ايه الله يرحمه كان طيب مرة .. الا هو شلونه الحين ؟
الخال:الحمدلله احسن شوي

وانا بس خلاص لاعت كبدي من الريحه قلت خلني اغير القناه ..

فجورة حبيبتي شلونك يا عمري انا احبك موووت
انا قلت في نفسي . ذا اكيد ياخوي <حبيبتكم ام عيون
انا اكيد سعاد عبدالله
حبيبي فيصل انا احبك ليه يا عمري تدمن المخدرات وبعدين انا بعد احب ابوك واحب اخوان واحب آلاء بنت اخوي والدكتورة سارة بعد
وما احب سعود حبته سخونه ما تفك منه الا ف القبر

هو علامك يا عماد تطلع الدكتورة جذي ما تعرفها هذي الدكتور سارة اللي ولدت اختك
عماد الا اكيد اعرفها
سارة:

وعع قطييييعه كل هذي رومانسيه
اقول بس خلني اطفي التلفزيون الا صدق وين ريموتي حبيبي
عاد لما طلعت من التلفزيون لقيت الريموت على الكنبه

بس بيني وبينكم يدي تعبت