أختي يالغالية...البنات ما شاء الله كفوا ووفوا ..قالوا كلام كان ودي أكتبه لكن فيه نقطة صغييرة لكنها مهمة كثييير حبيت أنبهك عليها..وهي إنك قاعدة تبرمجين عقلك الباطن على إنه يصير يفسر جميع المواقف اللي تحدث لك بصورة سلبية ويجعلك تفترضين النوايا السيئة في كل من سوا لك موقف حتى لو كان هذا في الحقيقة غير صحيح.!!وبرمجتك هذي تكون لما تقعدين تفكرين بينك وبين نفسك في المواقف اللي تحدث وتفترضين النوايا السيئة في أصحابها فيجيك هم وغم وتقولين في داخلك أنا الكل يكرهني وماحد فاهمني و...ومن هذا الكلام اللي يزيد حالتك سوء....
وصدقيني العلاج هو اللي قالوا لك عليه البنات في الردود السابقة الله لا يحرمهم أجر مساعدتك..وبعد هناك علاج تدريبي ممكن يساعدك على برمجة نفسك بشكل إيجابي وراح تلاحظين من نفسك التغير إن شاء الله..التدريب بسييط وهو إنك لما تجين تنامين في الليل وأنت على سريرك قومي كلمي نفسك بصوت هاديء وخافت ماحد يسمعه إلا أنت وقولي لنفسك معاني إيجابية مثل : بكرة بأكون هادية وراح أضحك وأنبسط مع من حولي ..أنا زوجة مثالية وخلوقة ..أنا قادرة أكسب كل من حولي وهذا بكلامي الطيب والحلو مع (فلان وفلانه..و..) يعني قولي حاجات حلوة ودك تكونين عليها وكرري هذا الكلام ليما تنامين وكل ليلة كذا وبإذن الله راح تشوفين الفرق...
وعلى فكرة أعيد وأقول لك ترى كلام البنات عن الاستعانه بالله وقراءة القرآن وقيام الليل والتقرب لله بالصدقات والدعاء والانكسار فيه والخضوع بمذلة شديدة والبكاء بين يدي الله هو أصل العلاج .. والله سبحانه اللي يقول:( ادعوني استجب لكم ) ماراح يخيبك لأنه قال بعد كلمة (ادعوني ) كلمة ( أستجب لكم) !!..يالله وش تنتظرين خلي عندك عزيمة قوية مقرونة بصدق التوكل على الله وابدئي تساعدين نفسك...... وراح ننتظر البشارة منك بأنك صرت أحسن..
ربي يحفظك ويسعدك وكل بنات المنتدى ..آمين.....

بصراحة اللة يعينك على هالعصبية
صدقيني راح تخسري اهلك وزوجك وكل الي يحبونك
الحين الازواج ياللة يرضون على زوجاتهم بالدلع والكلام الحلو والحركااااااات
وانتي تقومي الدنيا بسبب معجون اسنان صدقيني هو بس متحملك لانك لسى عروسة
حبيبتي العرايس الي زيك ماينسمع صوتهم دلع نعومةوحيا مو يصرخون على ازواجهم
اعذريني اذا قسيت عليك بس واللة ماابغاك تندمي
شوفي بقولك شي وحطية حلقة بودنك













فية حديث عن الرسول علية الصلاة والسلام(الحلم بالتحلم والعلم بالتعلم)يعني لاتقولين مااقدر امسكي اعصابك

صدقوا البنات تقربي الى الله واقرئي سورة البقرة واستمعي باستمرار اليها وبطلي كل انواع المعاصي تقربا لله لانه اذا تقربت بها لله فرج عنك ان شاء الله همومك من يتق الله يجعل له مخرجا وانا اقولك من تجربه انا ولله الحمد ماعندي مشاكل بس احس نفسي صعبة مو طيبه حيل وسمحه تصدقين تغريت حتى انا استغرب نفسي احيانا ناس ماكنت احبهم ولا احب اسمع اسمهم القى نفسي اسئل عنهم واهتم لهم واحيانا ودي ازورهم والاعتراف بالخطاء فضيله وهذا دليل على الخير الي فيك انك تصارحين نفسك بعيوبك ودورين حل بس الي باقي انك تسعين بقوة ارادتك للحل وفيه طريقه ممتازة اتبعتها مع زوجي ريحتني وخففت المشاكل وهي انو لما يصير مشكله ويبدء الخلاف والنقاش اجبر نفسي على التزام الصمت حتى هو يستحي وما يطول بالكلام يختصره لا وتضحكين بعد حتى ما اضخم المشكله براسي واسويها قصة وهي لافكرت فيها ماتسوى اخسر زوجي عشانها وهو معصب ولازعلان مايكلمني ولا يهاوش انا في نفس الوقت اعدد في نفسي محاسنه ومواقفه الحلوة معي واقيس الموقف عدة مرات بموضوعيه واعرف الي لي والي علي

اواخيرا وليس اخرا ملئ الله قلبك بالايمان وحب الرحمن وملئه بالسكينه والطمائنينه وحقق لكي ماتسعين اليه واذا شفتي الي ينرفزونك قولي دعاء ( اللهم لاتجعل في قلوبنا غلا على الذين امنوا ) وحفظك الله وكل من قرء

سلافة
الواثقة من نفسها
هايدي
نسيم عليل
السيدة كوكيز
جرح يقتل
الماسة السوداء
البندقية
حب الرمان
الباب المفتوح
إشراق
ودي أنسى

الله يجزاكم كل خير ويبارك لكم أنا ما عندي خوات بس حسيتكم خواتي
بناااااااات انا تعبي أيضا إني أبعد مرات كثيرة والله يسامحني عن ""الله"" عزوجل
أنا ما بلجأ لطبيب نفسي بلجأ لعلام الغيوووووووووب
يا بنات انا زوجي سافر من يومين بشغل وجلست في البيت لوحدي أرتب في البيت قبل لأروح عند أهلي
والله يا بنات رفعت إيديني ودعيت ودعيت ودعيت وبكيت تميت أبكي لساعات الفجر الأولى
بس يوم صحيت الصبح حسيت نفسي مولودة من جديد "أنا بإذن الله بتغير" لازم أتغير
أذا مب عشان عمري عشان أهلي وزوجي واللي يحبوني :(
يا بنات إدعولي جزاكم الله خير أنا أختكم في الله
لا تنسوني من دعائكم :44:
بعلن الحرب على الحرب اللي في نفسي وعلى العصبية بحاول وبحاول وبحاول
خايفة بس بتوكل على الله (أرحم الرحماء)
إنشاله بلتزم في صلاتي وبداوم على سورة البقرة مثل ما نصحتوني
وعلى صلاة الفجر وبحفظ الأدعية اللي عطيتوني إياها

"شكر خاص لحب الرمان" كلامك يشرح الصدر الله يشرح صدرك للخير

اسعدني ردك الاخير :)

الله يوفقك ويزيدك قوه على نفسك
وعليك بدعاء والالحاح اثناء سجودك واسئلي مجرب

وبالتوفيق :26:

..

.