سبحان الله فارج الهم وكاشف الضرر

السلام عليكم ورحمة الله وبركاته
بنات انا بقولكم عن قصة خالتي و ان شاء الله بعدها ولا وحده تفقد الثقه بالله ابببداا
طبعا خالتي تزوجت وهي صغيره عمرها ١٨ سنه
و اخذها زوجها من الجنوب للقصيم تشوف اهلها كل سنتين حطها بشقه وجاب اخوانه وخواته يدرسون
لانهم اساسا بقربه طبعا هالكلام قبل ٢٥ سنه
وكانت تغسل تطبخ لدرجة سيرنا عليها واحنا بزران اذكر تقول لامي وجدتي تقول انام ١٢ اصحا ٤ كرف بكرف بس طبعا عن طيب خاطر وحسن نيه
طبعا زواجها اثمر عنه ٨ اطفال و زوجها يحبها وتحبه
و تزوج عليها و طلقها بسبب كيد اخته اللي جت جلست عندها ظلمتها انها تكلم وتغازل و كانت مثل السوسه تطلقت خالتي وهي عمرها ٣٨ و اخذ كل أطفالها الا الصغار بنتين خلاهم عندها


وكان كثير يشمتون منهم زوجة أخوها اللي هو خالي
وخالي صار بدال ما يقول ياام فلان يناديها حاف


طبعا هي جمالها بسيط و غير متعلمه راحت زيارة لصديقتها و كانت كاشخه وسبحان الله شافها أخوها صدفه و خطبها أخوها اصغر من خالتي ب ٩ سنوات شاب ما سبق له الزواج هو عمره ٣١ وهي ٤٠


طبعا تزوجت بعد سنتين من طلاقها وما جابت اطفال منه من ٥ سنوات
وهو دلعها دلع لدرجة قسم بالله انها صغرررت حتى وجهها وجسمها وشكلها احسن من لما كانت بنت
ولكن ماكتب لهم ربي بالأطفال و بضغط اهله قرر يخطب وخطب وملك وزواجه بتاريخ ٢٩/١٢










طبعا ما شاء الله تبارك الله خالتي طلعت حامل
وهو من حبه لها إلغاء الزواج مع انه حاجز ودافع و حتى المهر من فرحته قال لأهل العروسه ماابيه كله لكم




و الحمد لله ما شاء الله تبارك الله سمعت خبر حملها فرررحت لها و الحمد لله صح انها انظلمت وانحرمت من أطفالها و انخرب بيتها ظلم لكن عوض الله جميل


و ولدها الكبير صار يزورها ومعه اخوانه وخواته والحمد الله الله ينصر كل مظلومه