سبحونه (الشباب الثلاثه)

السلام عليكم ورحمه الله وبركاته

في البدايه اقول الحمدلله على السلامه للي رجعوا من السفر وحظاً اوفر للي مسنترين في بيتهم واقول لهم ترى السفر مهوب زين مضر بالصحه ( تبي ترفع من معنوياتكم شوي لانها مثلكم منطقه في بيتها مع حوسه عيالها )
بس الي يهونها شوي اني احيانا اخذ لي اقامه عند اهلي كم يوم اغير فيها عن جو البيت ومنها بعد نكتسب خبرات في المصارعات الحره مع فرق جديده خخخخخخخخ
المهم شكلي طولتها بدخل على طول في الموضوع الي هو السبحونه


في البدايه صلوا على الرسول صلى الله عليه وسلم


كان يا ما كان كان فيه ثلاثه شباب عند ابوهم مزرعه ومشغلهم فيها اربع وعشرين ساعه وكان يزورهم يوم الجمعه بس من كل اسبوع ويجلس ساعه بس معهم في هذي الساعه محد يدخل عليه فيها الا واحد بس (ابوك يا التعقيد)

المهم جا يوم من الايام وكانوا الشباب زهقانين وقرروا انهم يكلمون ابوهم ويقولون له نبي نتزوج ونحس بالاستقرار ونشوف عيالنا وعيال عيالنا وعيال عيال عيالنا وعيال عيال عيال عيالنا (شكلهم راعين طويله هذولا خخخخخخخخخ)

المهم قال الكبير خلاص اذا جت الجمعه بدخل عليه واكلمه وجا يوم الجمعه ودخل الكبير وقال له ابي اتزوج قام الابو وعصب وطلع عيونه وهاش عليه وقال ما عندي عيال يتزوجون انتم اشتغلوا في المزرعه وبس , قام طلع الولد وهو يجر اذيال الخيبه ومتحطم بس على باله سوى نفسه قوي عند اخوانه قابلوه اخوانه وقالوا هاه بشر وش قال لك ابوي ؟؟
قال : لا ابشركم قال ابشر وانا ابوك وبزوجني (هو يلعب عليهم ما يبي يقول لهم ان ابوه عيا عليه الى ان يشوف وش يصير معهم )

وجا الجمعه الثانيه ودخل عليه الولد الاوسط ونفس الشي صار معه مثل ما صار مع الكبير وطلع وهو حزين وسوى نفس الي سواه الكبير وكذب على اخوانه وقال ان ابوي وعدني انه يزوجني

وجت الجمعه الثالثه ودخل الصغير ونفس الشي صار معه مثل ما صار مع اخوانه وطلع وهو يجر اذيال الخيبه معه (انا ما رحمت الا اذيال الخيبه الي كلن يجر فيها من جهه خخخخخخخ)
بس الولد هذا طلع لاخوانه وقال لهم بالي صار معه مع ابوه وقال ليه انتم وافق لكم وانا لا قاموا عاد اخوانه واعترفوا وقالوا وش الي صار معهم
واجتمعوا وقعدوا يفكرون وش يسوون فقرروا انهم يتركون المزرعه ويتركون قريتهم ويرحون
الى ديره ثانيه يترزقون الله فيه ويتزوجون منها
وفعلا نفذوا الي قرروه وشدوا من ديرتهم (شدوا = رحلوا) ووقفوا عند ديره غريبه شوي راحوا وحطوا خيمتهم في طرف المدينه ودخلوا الديره يتمشون فيها وسمعوا ان فيها واحد حرامي يجي كل ليله في الديره ويسرق ويذبح اي احد يوقف في وجهه وان اهل الديره ما قدروا يمسكون الحرامي هذا وهو مسبب لهم قلق في اليل
المهم الشباب خافوا وقالوا لازم اذا بغينا ننام يقعد واحد يحرسنا واثنين ينامون واليوم الثاني ينام الي كان سهرا ويحرسهم الثاني واليوم الثالث ينام الي سهران في اليوم الثاني ويسهر الثالث وهكذا يعني يتناوبون الحراسه
فجات الليله الاولى وحرس الكبير والليله الثانيه حرس الاوسط والليله الثالثه حرس الصغير لكن يوم جا دور الصغير فكر وقال بروح واذبح الحرامي هذا الي مقلق نومنا ونرتاح وفعلا راح الصغير وتلثم وراح يدور على الحرامي داخل الديره وشافه وهو يطب على بيت واحد تاجر دخل الولد وراه بدون لا يحس ولقى على الجدار ثلاث شيال معلقه (شيال = الطرح الي تلف على الرأس ومفردها شيله) نعود للقصه اخذ الولد الشيال وربط بها الحرامي وقتله وبعدين طبع يده على دم الحرامي وطبعها على الجدار واخذ الشيال معه ورجع للخيمه عند اخوانه (مسوي لي فيها شجاع خخخخخخخخ) وما علم احد حتى اخوانه ما حسوا فيه المهم يوم جا الصبح لقوا الناس الحرامي مذبوح واجتمعوا وقالوا من الي ذبحه عشان نكافأه لانه يستاهل الي خلصنا من الحرامي وقالوا نبي نجرب ونقوس طبعه اليد الي تجي طبعه اليد عليه هو الي ذابحه وجربوا كل اهل الديره وما احد طبقت عليه الطبعه فقال واحد اعرف ثلاثه شباب في خيمه في اطراف الديره قالوا جيبوهم نشوف وجربوا وطلعت يد الصغير (سندريلا زمانه ههههههه)
وقالوا له اطلب اي شي قال ما ابي منكم الا الي انتم فاقدين (يقصد الشيال) فعرف راعي البيت انه يبي بناته الثلاث وقال موافق وتزوجوا الشباب من هالبنات الثلاث وخلفوا صبيان وبنات وعاشوا في صفاء وهنا وتوته توته خلصت الحتوته


ايه صح نسيت لا اقول لكم فيه روايه ثانيه انهم رجعوا لابوهم ولقوا ابوهم ضايق صدره ومصخنته (مصخنته = يعني مريض ) ومتحسف على الي سواه مع عياله ويم رجعوا انبسط ابوهم وعاشوا كلهم في المزرعه مع ابوهم وخلصت


والسلااااااااااااام عليكم