ahlammmmmm

ahlammmmmm @ahlammmmmm

عضوة جديدة

سجلت بالمنتدى عندي امل فيكم تساعدوني ..........

علاج السمنة والنحافة

السلام عليكم ..
انا جديده بالمنتدى .. وسجلت بسبب انو وزني زايد وابي ابدا دايت
بس ابيكم تساعدوني وتشجعوني ..
دايم اقول لخواتي ابي انحف ابي البس ابي اطلع ابي احضر زواجات بس ردهم يكون (انتي كذا انتي دوبا حياتك بتكون كذا
ماراح تلبسين ولا تطلعين ولا تكونين واثقه بنفسك انتي بتكونين كذا كن عمرك في ال30 )
والكلام الي دايم اسمعه انتي كبيره انتي ماتدلعين ..كله كلام خلاني افكر ليه ماانحف واكون احللللللللللى منهم والبس واطلع واحب نفسي .
عمري 27 وزني 92 وطولي 155 .
حمسوني تكفون ابي ابدا من الحظه هذي
10
1K

يلزم عليك تسجيل الدخول أولًا لكتابة تعليق.

تسجيل دخول

تولان
تولان
وقت ممتاز للبدء بالاهتمام بالنفس اول شي تصلحينه ابدي امشي ربع ساعة في اليوم ثم زيدي كل يوم ٥ دقايق وحاولي تزيدين السرعة . بعد اسبوع الى أسبوعين بتصيرين أنشطتي شوي ابدي صلحي تمارين مقاومة استخدمي اثقال خفيفة عشان فعلا يتغير شكل جسمك
من الان ابدي فكري في اكلك انصحك مبدئيا بحمية الثلاث ساعات
تفطرين بعد ثلاث ساعات تاكلين حبتين فاكه بعد ٣ ساعات تتغدين بعد ٣ ساعات سناك خفيف بعد ٣ ساعات عشاء
طريقة الاكل الصحن الكبير طبق الاكل الكبير مو صحن المقبلات لا الأكبر اقسميه بالنصف نصف عبيه خضار مسلوقة مشوية طازجة زي ماتحبين والنصف الثاني اقسميه ربع حطي فيه بروتين لحم دجاج سمك عدس الموجود والنصف الثاني نشويات رز خبز مكرونة
حاولي تستغنين عن الدهون وخلي طبخك مسلوق ومشوي


المعادلة
حمية + مشي = جسمك نفس شكله بس مقاس اصغر
حمية + مشي ( او ركض او اي نوع تمارين هوائية + تمارين مقاومة =. جسم مرسوم رسم
الله ينحفني وينحفك من غير شر
تولان
تولان
وعلى طاري الدلع حاولي ترقصين رياضة ودلع في نفس الوقت
Sebaa123
Sebaa123
شدي ع نفسك بالبدايه رح تتعبي كم يوم بعدين رح تستمتعي بالرياضه والله يقويك
طوبى للذاكرين
طوبى للذاكرين
اشتري لك سير في البيت اولا بعدين اشترك في قنوات للرجيم على اليوتيوب تثقفين نفسك واسمعي كثير واعرفي الاكلات المفيدة ولاتزيد الوزن انا بدأت قبل اسبوع رجيم نزلت 3 كيلو في اسبوع لاني غيرت نظامي انا وزني قبل 55 الحين 52 غيرت نظامي ونزل الوزن انا عشان بعد الولادة المهم حذفت الدقيق الابيض واستبدلت بالتوست على الريق اول شي اشرب مويه كثير تقريبا 4 كاسات انا اخذ القطارة في يدي دايم وكلما فضيت المويه اعبي اشرب وافطر اولا على الريق 3 حبات تمر عشان مستوى السكر في الدم يزبط وما احس بشعور اني ابي حلا وافطر بيضتين مع قطعتين طماطم وخيار وحبتين زيتون والغدا صدر دجاج مع سلطة وزبادي خالي الدسم وقليل من الارز تقريبا 5 ملاعق اكل اخلطها مع السلطة وصرت اكل في صحن صغير عشان الكمية تصير اقل واخر وجبة توست مع تونة وسلطة وبعد المغرب اقفل فمي واتعشا زبادي خالي الدسم فقط وطبعا اهم شي شرب مويه بكثرررره وبين الوجبات حبة فاكهه موزه او تفاحة او برتقاله طبعا امشي تقريبا ساعة على السير ابدأ ببطئ بعدين ازيد السرعة بالتدريج لين اهرول وبعدين انزل السرعة بالتدريج بذا الطريقة واحيانا اذا كسلت نصف ساعة بس لازم مشي والحمدلله احس بالصحة وخذي مكملات غذائية مهمة مثل بروفكتيل
اشتقت لحضن امي
اشتقت لحضن امي
وقت ممتاز للبدء بالاهتمام بالنفس اول شي تصلحينه ابدي امشي ربع ساعة في اليوم ثم زيدي كل يوم ٥ دقايق وحاولي تزيدين السرعة . بعد اسبوع الى أسبوعين بتصيرين أنشطتي شوي ابدي صلحي تمارين مقاومة استخدمي اثقال خفيفة عشان فعلا يتغير شكل جسمك من الان ابدي فكري في اكلك انصحك مبدئيا بحمية الثلاث ساعات تفطرين بعد ثلاث ساعات تاكلين حبتين فاكه بعد ٣ ساعات تتغدين بعد ٣ ساعات سناك خفيف بعد ٣ ساعات عشاء طريقة الاكل الصحن الكبير طبق الاكل الكبير مو صحن المقبلات لا الأكبر اقسميه بالنصف نصف عبيه خضار مسلوقة مشوية طازجة زي ماتحبين والنصف الثاني اقسميه ربع حطي فيه بروتين لحم دجاج سمك عدس الموجود والنصف الثاني نشويات رز خبز مكرونة حاولي تستغنين عن الدهون وخلي طبخك مسلوق ومشوي المعادلة حمية + مشي = جسمك نفس شكله بس مقاس اصغر حمية + مشي ( او ركض او اي نوع تمارين هوائية + تمارين مقاومة =. جسم مرسوم رسم الله ينحفني وينحفك من غير شر
وقت ممتاز للبدء بالاهتمام بالنفس اول شي تصلحينه ابدي امشي ربع ساعة في اليوم ثم زيدي كل يوم ٥...
ماشاء الله كفيتي ووفيتي مافي كلام بعد كلامك 😊😊😊😊😊