لاتفكرين بالطلاق ابد خلاص خلي حياتك لعيالك وانتي جربتي قبل فراقهم حاولي تتعاملين معه كنه فقير وماعندكم فلوس وتكيفي بالوضع هذا وانتي تقولين يملى بيته من الاغراض خلاص مو لازم الكماليات او خلي احد حكيم ينصحه

ربي يجبر بخاطرك ..
والله زوجك الله يهديه مستقوي عليك ومستضعفك ومستغل فكره انك كنتي مطلقه وعيالك راحو منك ..


شاف عندك نقاط هالضعف واستغلهن ل صالحه ..
وزوجته الاوله ماليه عينه وكاسره قلبه ب الفلوس..
تبي تعوض الهجران 5 سنوات


انتي الان انسي انه متزوووووووووج غيرك .. احذفيهااا من حياتك لاعمرك تجيبي سيرتها قدامه ابدااااا ترى يبي يذلك كل دقيقه ب وظيفتها صدقيني منتي رابحه ان قلتي له وبيتك هذاك وبيتك هذاك وبيتك هذاك ...... مافي مجال تقارني اسااااااااسااا واضح الحرمه لاعبتها صح معه ..


وانتي ايضاا العبي مثلهااا لاتجيبي طاريهااا قدامه ابددددددددددددد من يقبل عليك اعتبريه جاي من سفر ...
واي شئ تجيبيه من فلوسك ماله داعي يعرف عنه .. ولا عمرك تقولين له ابي اشتري من مصروفي بس وافق لا لا لا


غلططط




مثل الشغاله جيبي ام الساعه اذا كان مو عندك مو يومك وعارفه انه مب جاي لك اليوم


جيبيهاااااااا وخلها تنظف وتكرف ..
ولا تعلمينه وانتهى الموضوووع ..


واذا على الواتس يمكن حرمته تحرشه على صورك ولا شئ تقله شف وش حاطه حرمتك ومنبهته عليك اكثر من مره ..


ماتتدرين والله خبث الحريم ترى من تحت ل تحت ..
وهو عاد خلاص صار همه وش تححطين وتشيلين ب صورك ..


اذا ودك تغيرين بصورتك سوي لحرمته حظر ب الواتس وحطي الي تبين


وهو بعد سوي له حظرر ماعليك منه يوم يومين مب داري عنك ..
وغيري وبدلي ورجعيه مره ثانيه لا يشك ..


عندك ب الواتس الغي خيار الواي فاي وافتحي جوالك واحذفي الرسايل كلهاااا الي ماتبيه يشوفهااا وخذي ارقامك واقري الرسايل وبعدها فعلي الواي فاي واقفليه ولا كنك فاتحته ... وانتهى الموضووع ..


الان انتي شجعي ولدك يشتري له بيت ملك تقسيط ع البنك ..


وتاخذين لك شقه منها واجارهااا لك ..
ويتزوج ويسكن ب شقه وياجر منها ويستفيد ..
يعني انتي الان املك بعد الله الولد هذااا ..
ادعيله ربي يسخره لك ويوفقه ويرزقه الزوجه الي تحن عليك وتعوضك وتعوضه ......


صدقيني مااااااااالك بعد الله غير هالولد ..
وزوجك عامليه بدهااااءءء انتي شكلك واضحه معه مره ماتعرفين شغل الحريم التحتاني ..


جامليه كثير ولا تقولين له شرايك ابدااا باي موضوووع الي تبيه نفذيه ماعليك منه ..


واذا قالك اخطبي لي والثالثه قولي عساك ع القوه ...
انا ماني ماسكتك رح تزوج ليش تشاورني وش دخلني انا فيك ..
قولي له انا ادور ل ولدي الان ع عرووس وانت رح ل اهلك يدورن لك ..


وطنشي مره وبضحكه وبروح حلوه وانتي تكلمينه خلي مرارته تنفقع هو اصلن يبي يقهرك ويبي يشوف لذه الغيره منك ..


لا تعطينه الي يبي .. يشوفه منك صدقيني بينقهررر ويعرف انه مو فااارقه معك ..


اكبر دليل انه يقهرك انه يذلك ب البيت الملك انه يجيبه ل الثالثه مب عشانك ..


زوجك ذكي يعرف يستغلك وينكد عليك .. ل صالحه ..


انتي بعد خليه وهو زوجته اخر شئ بحياتك عيشي لعيالك وبسسسس


اهم شئ انك عندك عيال منه وبسسس هذا اهم شئ والباقي طنشيييي


لا تنتظري منه اكثر صدقيني لين تتوظفين وتغتنين عنه الله لا يحوجك ..
وب النسبه للوظيفه قدمي على الروضات جربي او على دور التحفيظظظ


قولي له ابي احفظ قران روحي الدار وقدمي وظيفه ان شاء الله يقبولنك ولاتقولي له انهاا وظيفه طنشيه ..


روحي عساس انك تحفظي قران وبسسس
وياااااااااارب يقبلونك ...


والطلاق لا تفكري فيه ابدد نصيحه ...
حتى ان جاب ال 3
جيبي عيال منه مو كل يوم لك رجل وذريه


وربي يوفقك ياااارب

قولي امين عسئ ربي يخليلك ولدك ويحميه ويحفظه ويرزقه ويوسعها عليه يارب ...   ويخليلك عيالك  ويرزقك برهم يااارب   ويصلح زوجك وامررك ويرزقه العدل اللي يرضي الله سبحاانه ....          وصلئ الله وسلم علئ حبيبنا محمد

أختي فرج الله عنك عاجلا غير آجل التجئي الى الى الاستغفار فلن يضيعك الله أبدا قللي ومن اهتمامك به عامليه معاملة عادية لا تطلبي منه شيء اكتبي له آغراض بيتك في ورقة و اكتبي ورائها حديث رسول الله صلى الله عليه وسلم حين قال:إذا أنفق الرجل نفقة على أهله و هو يحتسبها كانت له صدقة
زوجك من كلامك ملتزم و مصلي و لعل نقص شخصيته عند الاولى سبب لتصرفاته معك حاولي ان تكون لك شخصية أقوى و ابتعدي عنه قليلا لا تتركي بيتك بل اتركيه هو اجعليه يحس بفقدانك و تغيرك معه لعله يعود لرشدهو فرج الله عنك حبيبة

اسأل الله العظيم رب العرش العظيم يحرم وجيهكن على النار ويجمعني بكن في الفردوس الاعلى من الجنة كل من ردت وتفاعلت بالموضوع

وربي فيه دعوات اثلجت صدري بالذات لحبيبي الحنون الله يحفظه لي وفيه كلام لامس الجرح واستفدت منه كثييير

سبحان الله حطيت المشكله وانا ضاااايقه وبتفاعلتسن معي انزاح الهم الله يسعدكن

الاخوات في الله يتعاونن على الخير وربي مايخيبنا ياكريم دنيا واخره

وابشركن جاء اليوم الظهر واعتذر وجابلي احلى غداء من الاسماك البحريه

ومارضيت بسرعه لانه من دخل لقاني نايمه وشال اللحاف بسرعه حسيته مرعوب يقول ليه ماتردين على من الصبح اتصل

لانه امس جاء البيت مالقاني رحت لاهلي وانبسطت معهم ماجيت الا للنوم وبعد الفجر نظفت البيت وافطرت تمر عجوه وحليب وسويت طريقة رقيا جاتني رسالة واتس البارح الله يجزاه خير تقرين الفاتحه سبع مرات وبعدها سورة البقرة على ماء وزيت وشربت منه ودهنت وزيت شعري وتحممت وفطرت ضغنوني حبيبي وصليت الضحى ونمت ماصحيت الا على رفعته للحاف ملهوف سبحان مغير الاحوال

سويلته اكل بدون ولاكلمه وهو يقول وين رحتوا البارح مارديت عليه وحسيته بينجن حاس اني ماني على كيفه وخايف يخسرني

وكانت ريحتي كلها فراوله ولابسه وردي حرقته ولاحتى اناظره وبعدها جاء يقول ليش نكدتي ليلة المطعم قلت من الي نكد انا ولاانت سبحان الله

المهم قلت كل الي الي ابيه وقال طيب ليه يوم قلت غيري الصوره ليه ماقلتي ابشريازوجي على طول المهم اعتذروقال انا اعوضتس عن روحة المطعم وطلب مني اني بس اخليه يختارلي صورة الواتس وماعاد اغيرها لانه يتضايق من بعض صورالعرض تبعي

وفعلالاحضت انه فيه احد محرضه علي ويتابع صورالعرض تبعي زي ماقالت واحده من الاخوات الله يجزاها خير قلت مو على كيفك لابغيت اغير اغير قال ترى اخذ الجوال قلت خذه ماباقي الاتغيراسمي بعد قال لالاانتي حبيبتي وابي زوجتي تطيعني قلت انا اصلابرميلك جوالك الي تتحكم فيه والله يخليلي الي بيجيبلي جوال وحسيته انحرق وقال حتى لوجبتي أي جوال انتي زوجتي وماتعصيني المهم حاول يهدي الوضع واختارلي صوره بس قلت له ترى بغيرها

وطلبت الاشيااء الي مقصرفيها قال خلاص

منها مراجعتي بالعياده متأخره ومنها لاجاني احد اوابروح لاحد ماتمنعني قال ماعمري منعتس وذكرته ببعض المواقف الي احرجني فيها مع الناس وانه بعد ماعاد يرفع صوته بلاماكن العامه قال ماحدسمعنا لانابغرفه بالمطعم قلت الا حولنا ناس ووعدني مايكررها

وان شاءالله يتغيرللافضل

وترى زوجي الي استشفيته من وضعه مضغوط نفسيا من الاولى ومشاكلها ويبي يحس برجولته معي وحسيته شاريني والحمدلله

كلمته على الولاده بلالماني وذكرته بان افضل النفقه هي تكون على الزوجه وحسيته سكت ان شاء الله يوافق

والله يصلح حالنا يارب

فعلاالرقيا الي ذكرت طريقتها مع دعاء التعار من النوم رائعه شفت مفعولها اليوم ودعاء الكرب

ياسمينة ود لارواحكن ياغاليات