السلام عليكم ورحمة الله وبركاته
اني احبكم في الله
جزاكم الله خيرا علي الترحيب بيا وهنا كل اخواتي اللي ربنا مارزقنيش بيهم حقيقه ولكن انتو نعم الاخوات بحس ده من كلامكو مع بعض

بس انا الاول عايزة اسالكو سؤال
انا بس اللي كده ولا ايه اصلي كل اما افكر اكتب الاقيني نسيت كل حاجه ومابقتش فاكرة اي حاجه اكتبها وببقي ناويه اكتب بالتفصيل لكل واحده رد والوقتي تصدقوني لو قلتلكو انه الكام اختفي تماما من دماغي .بجد خايفه علينفسي مش عارفه من ايه وسبحان الله جوايا كلام كتييييييييييييييييييييييييييييير جدا نفسي اكتبه لكن مش قادرة ويمكن علشان وانا بكتب برد علي بنتي او بروح اعمل حاجه بوظوها او اي شغله بتلهيني فبحس اني مش مركزة ............. والله الوقتي حوالي خمس دقايق رحت اشوف بيعملو ايه ودخلت بنتي الحمام

انا موافقه علي كل شروط الملف واولها اني احبكم في الله
بالنسبه ليومياتي تقريبا ماليش اي يوميات ثابته الوقتي لاني قاعده عند ماما وكل اخر اسبوع بروح لحماتي يومين ومتنقله بين هنا وهنا وكمان فيه احتماليه اني اسافر لزوجي ان شاء الله فربنا ييسر ونسافر ونستقر
ولو سافرت وربنا سهل وكان هناك نت هاكلمكو من هناك علطول لانكو ما شاء الله ونعم الصحبه ومشجعين جدا خاصه في اعمال البيت اللي انا بحس اني اخر واحده ممكن تعمل حاجه في بيتها من الكسل والاكتئاب واغلب الوقت من كتر الذنوب انا بحس بده اوقات كتير اوي وهو اني لما الاقي نفسي كسلانه ومش قادرة اعمل اي حاجه ونايمه طول اليوم بيكون من الذنوب اللي عملتها وسبحان الله لما استغفر كتير او التزم بحس بفرق كبير
طب اسالكو يابنات ياتري مجربين حكايه انك قبل النوم تسبحي 33 و تحمدي ربنا 33 وتكبري 34 سبحان الله فعلا بحس تاني يوم قايمه اني نشيطه وبنجز كتير عن اليوم اللي مش بقول فيه فعلا "صدق رسول الله"

لي عودة باذن الله
وسلامي لكل احبابي اللي اعرفهم واللي لسه بتعرف عليهم

خلاص يا جماعة اتصالحنا انا وزيزو مؤقتا و عملنا فشار واكلناه وبنلعب مع بعض

ميمسي الحمد لله انك اتصالحتي واكلتي فيشار ربنا يهديه ليكي
انا لسه من شويه حدفت مريم بنتي بزجاجه مياه لكن فاضيه من غيظي مش عارفه اعمل ايه اكيد انا اللي غلطانه وانا اللي عصبيه ومكتئبه وفيا كل العبر لكن مش عارفه اتحكم في نفسي بحاول لكن برجع تاني وكل شويه اقول اما استقر ابقي اظبط نفسي لاني هنا مش قادرة اسيطر عليهم هي وساره بيدلعو وكله هنا بيربيهم معايا حماتي وحمايا ووماما يعني انا ماليش كلمه ومهما احاول مافيش فايده لدرجه اني زعقت لماما غصب عني وزعلت مني وصالحتها لكن برده مافيش فايده لدرجه انه مريم الوقتي لو ماوافقتش علي حاجه تروح تزن علي تيته وهي مريم نفسها طويل عندها استعداد تزن للصبح لحد ماتوصل للي هي عايزاه

ازيك يا حنان على فكرة عمرو برده بيعمل معاى كده ربنا يهديهم

مى الحمد لله ان ربنا هدى زيزو وضى يلعب معاكى ربنا يهديهم جميعا

مبروك الملف الجديد وبجد كلام والد ام سوسو احسن كلام نبدأ بيه صفحه جديده
وكل واحده كتبت كلام حسيت انه بيعبر عن اللي عايزه اقوله سبحان الله فعلا اتواصلن عبر البلاد وحبينا بعض من غير مصلحه وده اهم حاجه في بيتنا لأن الزمن ده قليل فيه الحب لوجه الله
انتو عارفين انا حلمت بينا كلنا متجمعين في مكان فيه قرأن شغال والاذان اذن وصلينا جماعه وكنا قاعدين مع بعض بنتكلم كأننا في الجنه يارب نتجمع في الجنه زي ما اتجمعنا في الدنيا علي حب الله (عارفين انا قمت من النوم مبسوطه جداااااااااااااا لأني بجد نفسي اشوفكم كلكم واتكلم معاكموحسيت قد ايه انا قريبه منكم اني احلم بيكم وعمري ما شوفتكم )
والله اني احبكم في الله