ريهام ازيك عاملة ايه ممكن تجبيله مكعبات او عربية بتمشى على الارض والعب الى بحبل صغير وبتتشد وتمشى لوحدها على الارض هتعجبه

اسماء جزاك الله خيرا على الدعاء واحنا الحمد لله بخير سلميلى على البنوتات وربنا يشفى اروى يارب عاجلا غير اجلا

ايناس ونرمو وراجية عفو ربى وهبة وتوتا وزوجة مصرية ازيكم يارب تكونوا بخير
ام سوسو انتى فييين مختفية يارب تكونى بخير

انجى اظهرى بقى يا قمر وحشتينى

السلام عليكم
اهلا بكي يارشا ربنا يعزك ويرضيكي

ام ادهم الف مبروك لابنك وعقبال التخرج من كليه قمه يكون بيحبها

هدي ام البنات انا قشعرت من اللي حصل لجودي
ربنا ستير الحمد لله علي كل حال وفعلا زي مالبنات قالولك تحاولي دايما تستودعيها الله انا علطول استودعهم الله طول الوقت انتي عارفه الاطفال في مرحله بيعملو بلاوي ربنا يحفظهم من كل شر
ولا تنسي الاذكار وتعوذيها دايما
تمسحي علي راسها 3 وتقولي اعيذك بكلمات الله التامه من كل شيطان وهامة ومن كل عين لامه

مرمر 1
يا حبيبتي ربنا يقومك بالسلامه وانا فعلا بدعيلك من قلبي قد ايه الواحده بتتعب في الحمل وبعد الولاده
بس نصيحه مني امشي كتير لانه الطفل بيتغير وضعه مكن في خلال اليوم بطوله وكمان انا كنت كده ولما رحت لدكتورة مرة قالتلي علي نصيحه غريبه شويه لكن سبحان الله جابت نتيجه بفضل الله وهي انك تمشي علي ركبك من اول الشقه لاخرها يعني تمشي علي رجليكي وايديكي بيقولو دي حلوة جدا تخلي الطفل يلف ودماغه تنزل لتحت
وربنا يرزقك بساعه يسيرة وطفل معافي
انتي وكل الحوامل يارب العالمين وانا شايفاكو هنا بتدعو لكتير ما شاء الله ربنا يبارك


توتا يا حبيبتي ربنا يرزقك بالذريه الصالحه وماتحطيش الموضوع ده في دماغك علشان نفسيتك ماتتاثرش ودايما وقت لو حصل اتصال بينك وبين زوجك لاتنسي تقولي الدعاء قبلها وابقي قولي لزوجك طبعا قبلها بيومين انه ماينساش دايما يقول الدعاء لانه طبعا ماينفعش وقتها تقوليله قوووووووووول:42:
يقول في سره طبعا بسم الله اللهم جنبني الشيطان وجنب الشيطان مارزقتنيه
وسيبيها لله



ميرو انا بدعيلك من الملف اللي فات كنت بتابع لكن مش بشارك
ربنا يصلح مابينك ومابين زوجك ويبعد عنكو الشيطان ولحسد وكل شر
ماتنسيش يا ميرو تدعي كتير انه ربنا يقرب بينكو ويبعد عنكو الشيطان في كل صلاة وانه يحببه فيكي ويحببك فه
حاولي ماتنسيش دايما اكيد مافيش عندك اهم من انه تبقي وزوجك علي وفاق والله انا حاسه بيكي لانه لما الواحده بتكون متخانقه مع زوجها حتي لو هي اللي غلطانه بتكون متنكده وصعب تعترف بغلطها ونفسها الازمه تعدي وتخلص ويرجعو يضحكو تاني ويهزرو
انا اتعرضت لمواقف بقيت اقول نفسي تعدي بقي الخناقه دي ونرجع نتصالح لانها سبحان الله بتكون وقتها الواحده نفسيتها وحشه واوقات كنت اقول انا مش هاصفاله ابدا لكن سبحان الله بعدها تلاقيكي واحده تانيه وتحسي انه فعلا كانه الشيطان كان داخل بينكو

نصيجه مني انا مجربه استغفري كتير كتير وانتي بتعملي اي حاجه
كمان لو حاتواجهيه وتقعدو تتصارحو ابقي قولي اللهم اكفنيهم بما شئت علشان لو انتي غلطانه ينسي

وبعدين يا حبيبتي بخصوص كلامك ده انتي فعلا عسوله اوي لذيذه ما شاء الله تبارك الله
حاولي تبقي كده معاه هو اولي مننا بجد بلاش تكسلي اي حاجه حلوة حاولي تعمليها وماتستخسريهاش فيه مادام حاجه حلوة وبيتبسط منها ايه المانع انك تعمليها يعني هاقول مثال بسيط
انا عارفه انه جوزي مش بيحبني اروح حته من غير ما استاذنه مع اني بضايق وببقي مش حابه كده لكن اقول ده حقه طبعا ووقتها اجي علي نفسي واقول مادام حاجه حلوة وبيحبها وهاتقرب مابيني وما بينه وكمان عارفه انه مشس هايقول لا يبقي ابطلها ليه فاتصل عليه واساله وخلاص وبكده اكون عرفته اني مش بعرف اعمل اي حاجه من غير مشورته وفي نفس الوقت حققت طلبي
معلش حاولي تمثلي في الاول وشويه شويه هاتتعودي وهتلاقيه بدا يعتاد علي كده
الرجاله تاخديهم علي قد عقلهم ودي بقولها لنفسي قبل منك
وكلمه دايما حاطاها في دماغي" قمه قوة المراه في ضعفها" مش ضعفها يعني تتذل لا يعني تاخد اللي هي عاوزاه برقه ولين وماتينلوش انه ند ليه
ياريت اوعي تزعلي من كلامي والله انا بقولك كلام من قلبيي ليا الاول وكل اللي هنا لعل وعسي نفيد بعض
وحاجه تانيه
مادام مش مقتنعه بكلامه ومش عاوزة تبلعيه ناقشيه وقوليله مش مقتنعه لحد ماحد فيكو يقنع الاخر لكن مش عند واحلي حاجه في الدنيا انه نتعترف بغلطنا او انهزامنا انا عارفه انها صعبه لاي واحده واتحطيت في الموقف ده كتير لكن اتفقي معاه انه لو طرف فيكو غلطان لازم يعترف بغلطه ومش يضايق وانه الطرف الاخر يقبل الاعتذر فورا ويرضي باللي اقنعه بيه سواء انتي او هو
وكمان ممكن تتفقو علي انه تحكمو طرف تالت ما بينكو لو ماقدرتوش تقنعو بعض ومش هاقولك طرف تالت ده باباه او حد من قرايبك لا ايه رايك تخلي الطرف التالت ده"الكتاب والسنه"
ربنا يصلح مابينكو يارب



ربنا يهديهم يارب
اقول ايه ولا ايه اكيد انتو عارفين تعبهم

بالنسبه ليوكي ما شاء الله تبارك الله طريقتك حلوة اوي وفعلا بتجيب نتيجه انا كمان كنت اقول اذكار النوم والدعاء وايه الكرسي وبعدين لاقيت مريم ما شاء الله تبارك الله حافظاهم كلهم مع الوقت رغم اني بعاني في صعوبه من اني احفظها بعض السور الوقتي لكن اتضح انه مع الترديد بيجيب نتيجه
زي ماهم حافظين طيور الجنه والحاجت دي مع التكرار




امين يارب جزاكي الله خيرا حبيبتي علي فكرة اسمك جميل اوي وشدني ما شاء الله
اللهم اجمعنا مع من تحب
وانا احبكم في الله

وراجيه عفو ربي اسمك رائع ما شاء الله
ربنا ييسرلك امورك انتي وزوجك ويبعد عنكو الشيطان

انا عملت اقتباس كتير ومش عارفه انا كده غلطانه ولا ايه انه هاياخد صفحه كبيرة لكن غصب عني علشان افتكر ارد عليكو غير كده هتلاقوني ناسيه كل حاجه

محتاجه للدعاء ربنا يشفي اروي يارب وهي حبها مغلغل جوه قلوبنا
وجزاكي الله خيرا علي افكارك الحلوة وحلوة فكرة النجوم ربنا يهديلك سوسو يارب
وجزاكي الله خيرا علي معلومه اليانسون ان شاء الله نعملها بس ربنا يحفظنا
واليانسون اصلا حلو كويس انه مش حاجه طعمها وحش
بالنسبه اتنظيم الوقت يارب البنات يفيدونا كلنا لانه واضح انه كله بيعاني من الحكايه دي


طبعا يومياتي غالبا صفر لانه بكرة رايحه لحماتي وهاقعد يومين ربنا يعدي الايام دي علي خير
وكل شغلي الشاغل الوقتي اني اخس وبحاول اشفط بطني اغلب الوقت وبشرب خل تفاح وشاي اخضر لما بفتكر
والتمارين مش منتظم ادعولي يا بنات قدامي 8 كيلو نفسي انزلهم قبل مااسافر لجوزي عاوزة اعمل نيو لوك:42: مش عاوزاه يعرفني خالص مع انه مش بعرفني اصلا بالبس لكن عاوزاه يتلخبط اكتر ويعرفني بالعيال بس

ازيكم يا بنات
انا اسفه بعدت اليومين اللى فاتوا..بس كان اهلى عندى و لسه مسافرين
وصعب اوى اقعد على النت فى وجودهم

المهم
انا قلبى واجعنى عليكم

مش عارفه ...قعدت ادور على النت..نفسى الاقيلكم حلول..نفسى امسك عصايه سحرية و اغير احوالكم ...

لكن استغفر الله العظيم

دايما فيه حكمه ...المشكله اننا ندور على الحكمه و نصبر

بس الصبر الجميييييييييييييل

و نكون مطمنين...وفى حالة رجاء مع الله دوما..نحس برحمته و نشوف كل حاجة بنظرية الميزان...يعنى اللى بيحصل ده فى اليمين ولا اعوذ بالله فى الشمال
كل حاجة
اى كلمة او لفظ ... اى فعل...اى نظرة
ده بيصبر كتييير و بيخلى فى بالك
ان مفيش حاجة هتضيع ابداااااااااااا

ميييييييييييييييييييين قال انك علشان شاطره و مؤدبه و ست بيت 10 على 10
متقابلكيش مشاكل فى صلب حياتك و تهزك

هو مثال بس بعيد شويه...مش تشارلز كان متجوز ديانا..واحده من اكثر نساء الله رقة و جمال و روعه...ومع ذلك بص لكاميلا و اتجوزها..وفى عينه اجمل الستات
سبحان الله


بالنسبة للرجال ...معلش تعالى على نفسك ..بس بحب
الحب مهم جداااااااااااااااااااااااااا
بيخليكى متحسيش انك هتخسرى حياتك و نفسك و روحك
حبيه..................بجد
هيحس
الحب مش محتاج كلام و شعارات

الحب اقصر الطرق

بنات انا قلبى واجعنى عليكم
و دورت فى النت و جبتيلكم شويه حاجات عن الابتلاء و الحسد و الصبر الجميل

بنات محتاجين نغير كلنا شويه الجو ده...ربنا يصلح الاحوال..انا جوزى زى اجوازكم كده..شرقى مصرى 100 100

كلهم كده...بلاااااااااش نركز اوىىىى فى الموضوع ده
يلا نبسط نفسنا ..نسلى نفسنا
ههههههههههههههههههههههههههههههههههههه
معرفش ازاى

بس اللى اعرفه كويس
اوىىىىىىىىىىىى اوىىىىىىىىىىىىىىىىىىىىىىىىىىىىى
انك لو كنت سعيدة او ناجحه فى اى شئ بسيط على جنب كده
هيملى حياتك نشاط و حيوية
و نستغل وجودنا و تعاطفنا
اننا نعدى بعض بالطاقة الايجابية

ومام اتفقنا كلنا على الرجل الشرقى
طيب تفتكروا بقى الرجاله بيقولو ايه عنا
انا شخصيا بعتقد
لاننا مهزومين كلنا كده على بعضنا فى حاجات كتيره فى الحياة
فى الشارع و المواصلات و الغربة و السياسه
بنبقى برضوا مهزومين جوانا
و فاشلين
يعنى بالصراحه كده

بتكسف من نفسى و انا بدعى ربنا فى حاجات ممكن تكون صغيره و تافهة
وفيه ناس فى فلسطين و غزة مش لاقية لقمة حاف
حاجة تكسف
طيب بأنى وش بدعى
بلااااااااااااااااااش فلسطين
خلينا فى العشوائيات و الفقراء
وااااااااااااقع مقرف
و الهزيمة جوانا جوانا


بنات عندى اقتراح
معلش هو من واحدة جديدة
بس انا بعانى من مشكله صراااااحه
زى اخت كريمة هنا قالت
معلش
انا بنسى مين اسمة ايه
و بتلخبط فى الاسامى و المشاكل

الاقتراح
لو نعمل فى التوقيع اى بطاقة فيها الاسم و ملخص عن كل واحده
بس الواحد يفتكر
او لو فيه احصائية عن الاعضاء و الاسماء مثلااااااااا

معلش انا عارفه انكم عارفين بعض ......... ممكن تدلعونى الزاهيمر:o

الحكمة من الابتلاء


سبق في علم الله انه إذاأصاب المؤمن مصيبة فإنها تكونوفق قدر معلوم وقضاء مرسوم وحكمة ازلية وكتابةإلهيةولابد أن يعلم المؤمن أن ما أصابه لم يكن ليخطئه وما أخطاهلميكن ليصيبة حيث قال تعالي :

(( ما أصاب من مصيبة في الأرض ولا في أنفسكم إلافي كتابمن قبل أن نبرأها أن ذلك علي الله يسير ))

وهكذا فان منصفته تعالي أن يقدر ويلطف ويبتلي ويخفف.

إن في الشدائد دروسا قيمة للمؤمنينوتجارب نافعة لدينهمودنياهم تنضح نفوسهم وتصقل إيمانهم وتذهب صدا قلوبهموتكفر من خطاياهم وتزيد صلتهم بربهم.

ومن الحكمة من الإبتلاء :

أولا : في الابتلاء تمحيص للمؤمن وزيادة فيالأجر والثواب فعنأنس رضي الله عنه قال :

قال رسول الله لي اللهعليه وسلم :

( إذا أراد الله بعبده الخير عجل له العقوبة في الدنيا وإذاالله بعبدهالشر امسك عنه بذنبه حتي يوافي به يوم القيامة )

ثانيا: التعرف علي سنة الله عز وجل في التغيير ، قالتعالي:

(( إن الله لا يغير ما بقوم حتي يغيروا ما بأنفسهم ))

ثالثا : التمييز بين الخبيث من الطيب ، قال تعالي :

(( ما كان الله ليذر المؤمنين علي ما انتم عليه حتي يميز الخبيثمن الطيب وماكان الله ليطلعكم علي الغيب ))

رابعا :البلاءدرس من دروس التوحيد والإيمان والتوكل ويطلعكعمليا علي حقيقة نفسك لتعلمانك عبد ضعيف لا حول لك ولا قوةإلا بربك ، فتوكل عليه حق التوكل.

خامسا :إن البلاء يكشف لك حقيقة الدنيا وزيفهاوإنها متاع لغروروان الحياة الصحيحة الكاملة وراء هذه الدنيا حياة لا مرضفيهاولا تعب.

سادسا :إن البلاء يذكرك بفضلنعمة الله عليك بالعافية .

سابعا :إن البلاءيذكرك بعيوب نفسك لتتوب منها .

ثامنا :إنالبلاء درس تربوي يربينا علي الصبر وما أحوجنا إليالصبر في كل شي ولننستطيع الثبات علي الحق إلا بالصبرعلي طاعة الله.

إن قصة ابتلاء أيوب عليه السلام وصبره ذائعة مشهورة وهي تضرب مثلاً للابتلاء ، والصبر، وقد ابتلاه الله عز وجل فصبر صبرًا جميلاً ، ويبدو أن ابتلاءه عليه السلام كان بذهاب المال ، والأهل ، والصحة جميعًا ولكنه ظل على صلته بربه ، وثقته به ، ورضاه بما قسم له ، وكان الشيطان يُوسوس لخلصائه القلائل الذين بقوا على وفائهم له ومنهم زوجته بأن الله عز وجل لو كان يحب أيوب عليه السلام ما ابتلاه ، وكانوا يحدثونه بهذا فيؤذيه في نفسه أشد مما يؤذيه الضر والبلاء ، فلما حدثته امرأته ببعض هذه الوسوسة حلف لئن شفاه الله ليضربنها عددًا عَيّنَه ، قيل مائـة ، وعندئذٍ توجه إلى ربه بالشكوى مما يلقى من إيذاء الشيطان ، ومداخله إلى نفوس خلصائه ، وَوَقْع هذا الإيذاء في نفسه { أني مسني الشيطان بنصب وعذاب } فلما عرف ربه منه صدقه ، وصبره ، ونفوره من محاولات الشيطان ، وتأذيه بها أدركه برحمته ، وأنهى ابتلاءه ، ورد عليه عافيته إذ أمره أن يضرب الأرض بقدمه فتنفجر عين باردة يغتسل منها ويشرب فيشفى ويبرأ { اركض برجلك هذا مغتسلٌ باردٌ وشراب } فأما قسمه ليضربن زوجته ، فرحمة من الله به وبزوجته التي قامت على رعايته ، وصبرت على بلائه ، وبلائها به ، أمره الله أن يأخذ مجموعة من العيدان بالعدد الذي حدده فيضربها بها ضربة واحدة تجزيء عن يمينه فلا يحنث فيها { وخذ بيدك ضغثاً فاضرب به ولا تحنث } هـذا التيسير ، وذلك الإنعام كانا جزاءً على ما علمه الله من عبده أيوب عليه السلام من الصبر على البلاء وحسن الطاعة ، والالتجاء إليه سبحانه { إنا وجدناه صابرًا نعم العبد إنه أواب } والمهم في معرض القصص هنا تصوير رحمة الله عز وجل وفضله على عباده الذين يبتليهم ، فيصبرون على بلائه ، وترضى نفوسهم بقضائه .

وفي ظل ما يصيبنا في حياتنا من ابتلاء أو نسمعه عن إخواننا نستفيد من قصة أيوب عليه السلام بفوائد عظيمة أهمها ما يلي:
أولاً : أن عاقبة الصبر عاقبة حسنة حتى صار أيوب عليه السلام أسوة حسنة لمن ابتلى بأنواع البلاء .

ثانيًا : أن من امتحن في الدنيا بمحنة ، فتلقاها بجميل الصبر ، وجزيل الحمد رجي له كشفها في الدنيا مع حسن الجزاء في الآخرة .

ثالثاً : الرضا بقدر الله عز وجل والتسليم الكامل بذلك ، وهذا من شأنه أن يَعْمُر الأمن ، والإيمان قلب المؤمن ، فيعيش في غاية السعادة ؛ وإن تضجر بقدر الله ، فإنه يعيش حياة البؤس ، والشقاء ، وأن اليأس ، والبكاء لا يرد شيئاً مما فات ، وإنما التوجه إلى الله بالضراعة كما فعل أيوب عليه السلام والصبر على المكاره يزيل من النفوس الهم ، والغم.
قال الشاعر : فَدَعْ مَا مَضى واصْبِرْ على حِكِمْةِ الْقَضَا ** فَلَيْسَ يَنَالُ الْمَرْءُ مَا فَـاتَ بِالْجُهْـدِ
رابعاً : أن في دعاء أيوب عليه السلام ومُنَاجاته ربه آداب ينبغي أن نراعيها، ونتعلمها منها : أنه عرض حاله فقط على الله عز وجل وكأنه يقول : هذه هي حالي فإن كان يرضيك هذه الآلام ، والأمراض التي تسري في أْوْصَالي ، وهذه الآلام التي تؤرقني ، وإن كان يرضيك فقري ، وزوال أموالي وأولادي إن كان يرضيك هذا ، فلا شك أنه يرضيني ، وإن كان عفوك وكرمك ورحمتك تقتضي أن ترحمني ، وتزيل ما بي من بؤس ، وألم ، فالأمر كله إليك ، ولا حول ، ولا قوة إلا بك .

خامساً : حسن التوجه بالدعاء إلى الله سبحانه والثقة بالاستجابة.
يقول الأستاذ/ سيد قطب ـ رحمه الله ـ : وقصة ابتلاء أيوب عليه السلام من أروع القصص في الابتلاء، والنصوص القرآنية تشير إلى مجملها دون تفصيل، وأيوب عليه السلام هنا في دعائه لا يزيد على وصف حاله { أني مسني الضر } ووصف ربه بصفته { وأنت أرحم الراحمين } ثم لا يدعوا بتغيير حاله ، صبراً على بلائه ، ولا يقترح شيئاً على ربه تأدباً معه ، وتوقيراً ، فهو أنموذج للعبد الصابر الذي لا يضيق صدره بالبلاء ، ولا يتململ من الضر الذي تضرب به الأمثال في جميع الأعصار ، بل إنه ليتحرج أن يطلب إلى ربه رفع البلاء عنه ، فيدع الأمر كله إليه اطمئناناً إلى علمه بالحال ، وغناه عن السؤال وفي اللحظة التي توجه فيها أيوب عليه السلام إلى ربه بهذه الثقة ، وبذلك الأدب كانت الاستجابة ، وكانت الرحمة ، وكانت نهاية الابتلاء . قال تعالى :{ فاستجبنا له فكشفنا ما به من ضر وآتيناه أهله ومثلهم معهم } رفع عنه الضر في بدنه فإذا هو معافى صحيح ، ورفع عنه الضر في أهله فعوضه عمن فقد منهم { رحمة من عندنا } فكل نعمة فهي من عند الله ومنة {وذكرى للعابدين } تذكرهم بالله وبلائـه ورحمته في البلاء وبعـد البلاء ، وإن في بلاء أيوب عليه السلام لمثلاً للبشرية كلها.

قال رَسُولِ اللَّهِ صَلَّى اللَّهُ عَلَيْهِ وَسَلَّمَ "عِظَمُ الْجَزَاءِ مَعَ عِظَمِ الْبَلَاءِ وَإِنَّ اللَّهَ إِذَا أَحَبَّ قَوْمًا ابْتَلَاهُمْ فَمَنْ رَضِيَ فَلَهُ الرِّضَا وَمَنْ سَخِطَ فَلَهُ السُّخْطُ " رواه الترمذي وابن ماجة وصححه الألباني.

اللهم وفقنا للصبر والرضا واصرف عنا اليأس والسخط وارزقنا العافية في الدين والدنيا والآخرة وصلى اللهم وسلم على نبينا محمد وعلى آله وصحبه ومن اتبعهم بإحسان إلى يوم الدين.



عظم الجزاء في الصبر على البلاء